The Equalizer (cinta)

Iste articlo ye sobre una cinta estausunidense de cine d'acción d'intriga de l'anyo 2014; ta atros usos, se veiga The Equalizer.

The Equalizer
Títol	The Equalizer
Póster d'a cinta.
Ficha tecnica
Dirección	Antoine Fuqua
Dirección artistica	David Lazan
Producción	Todd Black Jason Blumenthal Denzel Washington Alex Siskin Steve Tisch Mace Neufeld Tony Eldridge Michael Sloan
Disenyo de producción	Naomi Shohan
Guión adaptau	Richard Wenk
Basau en	o guión d'a serie de televisión The Equalizer, de Michael Sloan y Richard Lindheim
Musica	Harry Gregson-Williams
Fotografía	Mauro Fiore
Montache	John Refoua
Escenografía	Leslie E. Rollins
Vestuario	David C. Robinson
Casting	Lindsay Graham Lisa Lobel Mary Vernieu
Actors	Denzel Washington Marton Csokas Chloë Grace Moretz David Harbour Haley Bennett Bill Pullman Melissa Leo David Meunier Johnny Skourtis Alex Veadov Vladimir Kulich Roger Mitchell
Color	Color by DeLuxe Panavision
Datos y cifras
País(es)	Estaus Unius
Anyo	2014
Estreno	7 de setiembre de 2014 Festival Internacional de Cine de Toronto (Toronto, Ontario, Canadá) 22 de setiembre de 2014 Nueva York (Nueva York, Estaus Unius)
Chenero(s)	Cine d'intriga Cine d'acción
Durada	132 min.
Idioma(s)	Anglés Ruso Castellano Alemán Ucrainés
Companyías
Productora(s)	Columbia Pictures LStar Capital Village Roadshow Pictures Escape Artists Mace Neufeld Productions Zhiv Productions
Distribución	Sony Pictures Releasing
Presupuesto	55-78 millons de dólars
Recauto	192,3 millons de dólars
Succesión de cintas
Succedida por	The Equalizer 2 (2018, Antoine Fuqua)
Informacions en bases de datos especializadas:

The Equalizer (títol orichinal en anglés, en aragonés L'ecualizador, estrenada en Aragón con o títol en castellano y anglés de The Equalizer. El protector, en aragonés L'ecualizador. O protector) ye una cinta de cine estausunidense de cine d'intriga d'acción estrenada l'anyo 2014, dirichida por Antoine Fuqua seguntes un guión adaptau por Richard Wenk (basau en o guión d'a serie de televisión The Equalizer, de Michael Sloan y Richard Lindheim), con una banda sonora orichinal de Harry Gregson-Williams, una dirección de fotografía de Mauro Fiore, una producción cinematografica de Todd Black, Jason Blumenthal, Denzel Washington, Alex Siskin, Steve Tisch, Mace Neufeld, Tony Eldridge y Michael Sloan ta las productoras Columbia Pictures, LStar Capital, Village Roadshow Pictures, Escape Artists, Mace Neufeld Productions y Zhiv Productions y un elenco d'actors d'o cual en fan parte Denzel Washington, Marton Csokas, Chloë Grace Moretz, David Harbour, Haley Bennett, Bill Pullman, Melissa Leo, David Meunier, Johnny Skourtis, Alex Veadov, Vladimir Kulich y Roger Mitchell, entre d'atros.

Robert McCall ye un antigo miembro d'o United States Marine Corps, a Defense Intelligence Agency y lo Defense Clandestine Service que treballa actualment en un gran almagacén de productos de bricolache en Boston. En tener problemas ta poder dormir, gosa pasar as nueiz en un bar ubierto toda la nueit, a on i fa amistat con Teri, una mesacha prostituyida por a mafia rusa. Finalment, a mesacha li da lo suyo verdadero nombre, Alina, y son paseyando chuntos cuan plega un automóbil d'o cual baixa Slavi, lo proxeneta, qui obliga a Alina a dentrar en l'auto y da una tarcheta a Robert decindo-le que tien prostitutas millors que Alina. Días dimpués, Robert conoix que Alina hye ingresada en un hespital como consecuencia de que l'ha sostovau Slavi, y Robert marcha enta lo local a on Slavi tien a suya "seu social" seguntes a tarcheta que li heba dau, y li proposa de pagar-li por a libertat d'a mesacha, pero Slavi se niega y se ríe d'él. Robert fa los suyos calculos y creye que en nomás que 19 segundos habrá matau a Slavi y a los suyos farutes, y efectivament lo fa. Pero lo que no sabeba Robert ye que ixe grupo feba parte d'un rete mas amplo controlau por o mafioso Vladimir Pushkin, y iste ninvía a lo suyo segundo, Teddy Rensen, a vengar-se. Iste ye un antigo espía sovietico bien entrenau, y que conta con o refirme no nomás que d'os mafiosos d'a ciudat, so que tamién de policías corruptos, y prencipia la busca d'o culpable d'a muerte de Slavi, matando a cualsiquiera con qui se troba mientres ixe proceso, incluyida una amiga d'Alina, plegando mesmo a secuestrar a los treballadors d'o gran almagacén a on i treballa Robert.

A cinta s'ambienta en a suya epoca actual (2014) en Boston (Massachusetts) y las suyas escenas se filmoron en Boston, Cambridge, Chelsea, Haverhill, Ipswich, Quincy, Salisbury y South Hamilton (Massachusetts).

The Equalizer ha teniu continidat con atras dos cintas: The Equalizer 2 (2018, Antoine Fuqua) y The Equalizer 3 (2018, Antoine Fuqua), todas dos con os memos actor protagonista y director cinematografico que la primera.

Ye una cinta que ha estau obchecto de bels premios y nominación, encara que garra d'istos premios no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 2014.
• Cintas de 2014.

Vinclos externos

• (en) The Equalizer en Internet Movie Database.
• (en) The Equalizer en Box Office Mojo.
• (en) The Equalizer en Rotten Tomatoes.

• Datos: Q13562643
• Multimedia: The Equalizer (film) / Q13562643