The Day of the Jackal (cinta)

Iste articlo ye sobre una cinta d'intriga politica coproducida por Francia y lo Reino Uniu y estrenada en 1973; ta atros usos, se veiga The Day of the Jackal.

The Day of the Jackal
Títol	The Day of the Jackal
Póster d'a cinta.
Ficha tecnica
Dirección	Fred Zinnemann
Producción	John Woolf
Guión adaptau	Kenneth Ross
Basau en	The Day of the Jackal, novela de Frederick Forsyth (1971)
Musica	Georges Delerue
Fotografía	Jean Tournier
Montache	Ralph Kemplen
Vestuario	Joan Bridge Rosine Delamare Elizabeth Haffenden
Maquillache	Pierre Berroyer
Peluquería	Ludovic Paris Barbara Ritchie
Casting	Margot Capelier Jenia Reissar
Actors	Edward Fox Michel Lonsdale Michel Auclair Alan Badel Tony Britton Terence Alexander Denis Carey Cyril Cusack Maurice Denham Delphine Seyrig Jacques François Raymond Gérôme Barrie Ingham Jean Martin Ronald Pickup Vernon Dobtcheff Eric Porter Anton Rodgers Donald Sinden Jean Sorel David Swift Timothy West Bernard Archard Philippe Léotard Adrien Cayla-Legrand Andréa Ferréol
Color	Technicolor
Datos y cifras
País(es)	Reino Uniu Francia
Anyo	1973
Estreno	16 de mayo de 1973 Nueva York (Nueva York, Estaus Unius) 14 de chunio de 1973 Royal Film Performance (Reino Uniu) 14 de setiembre de 1973 Francia
Chenero(s)	Cine d'intriga Cine politico
Durada	142 min.
Idioma(s)	Anglés Francés Italiano
Companyías
Productora(s)	Warwick Film Productions Universal Productions France
Distribución	Universal Pictures
Estudio(s)	Pinewood Studios
Recauto	16.056.255 dólars
Informacions en bases de datos especializadas:

The Day of the Jackal, títol orichinal en anglés, en aragonés O día d'o chacal, estrenada en Aragón con o títol de Chacal) ye una cinta de cine d'intriga politica coproducida por o cine britanico y lo cine francés, estrenada l'anyo 1973, dirichida por Fred Zinnemann seguntes un guión adaptau por Kenneth Ross (basau en a novela The Day of the Jackal, publicada por Frederick Forsyth l'anyo 1971), con una banda sonora orichinal de Georges Delerue, una dirección de fotografía de Jean Tournier, una producción cinematografica de John Woolf ta las productoras Warwick Film Productions y Universal Productions France y un elenco formau por Edward Fox, Michel Lonsdale, Michel Auclair, Alan Badel, Tony Britton, Terence Alexander, Denis Carey, Cyril Cusack, Maurice Denham, Delphine Seyrig, Jacques François, Raymond Gérôme, Barrie Ingham, Jean Martin, Ronald Pickup, Vernon Dobtcheff, Eric Porter, Anton Rodgers, Donald Sinden, Jean Sorel, David Swift, Timothy West, Bernard Archard, Philippe Léotard, Adrien Cayla-Legrand y Andréa Ferréol, entre d'atros actors.

En a Francia de 1962, o president Charles de Gaulle ha concediu la independencia a Alcheria y en consecuencia, un grupo de militars de l'exercito francés han fundau la Organisation de l'Armée Secrète (OAS), un grupo terrrista que conspira ta matar u derrocar a de Gaulle. Un primer atentau en agosto d'ixe anyo fa falleta y lo dirichent d'a OAS coronel Jean Bastien-Thiry ye fusilau. Os atros dirichents d'a OAS se reúnen en Austria y contractan a un asasino profesional, un britanico que heba matau a Patrice Lumumba y a Rafael Leónidas Trujillo, y que ta ista operación se fa clamar Jackal (Chacal). Demana 500.000 dólars y la OAS consigue ixos diners atracando bancos. Chacal viacha enta Chenova ta mercar-ie un rifle personalizau a un experto armero y documentos falsos a un falsificador, qui dimpués li quiere fer chantache y a qui asasina. Simultaniament, os dirichents d'a OAS s'han amagau en un hotel en Roma, y los servicios secretos franceses consiguen capturar a un d'os paracayidistas que lis fan d'escolta, Viktor Wolenski. Torturau dica la muerte, encara consiguen d'él bella información que fa pensar que la OAS ha contractau a un asasino profesional clamau Chacal ta asasinar a de Gaulle. O ministro de l'Interior encarga la investigación secreta a lo comisario Claude Lebel. Iste contacta con os suyos homologos en cuantos países y dende lo Reino Uniu li dicen que l'hombre que buscan podría estar Charles Harold Calthrop, que ha adoptau o nombre de Paul Oliver Duggan. Bien luego Chacal conoix istas informacions a traviés de l'amant d'o coronel St. Clair, aduyant militar de de Gaulle que fa parte d'o comité que controla las investigacions, pero decide continar con o suyo plan. En un hotel garronia a Colette de Montpellier, una condesa, y dimpués la mata cuan a Policía francesa ye amán de capturar-lo, adoptando la nueva personalidat de Per Lundquist, un mayestro danés y plega enta París, a on garronia a un homosexual y s'amaga en a suya casa dimpués d'asasinar-lo. A Policía no logra trobarlo, encara que de contino ye bien amán, gracias a la información que li proporciona l'amant de St. Clair dica que la descubren. Y bien luego de fa evident que ye asperando un día concreto, a on sabe que i será present de Gaulle, lo cabo d'anyo d'a liberación de París, ta asasinar-lo.

A cinta s'ambienta en 1962 y 1963 en Austria, Chenova (Ciudat metropolitana de Chenova), Ventimiglia (provincia d'Imperia) y Roma (Italia), Londres (Reino Uniu), Menton, Niza, París y atros puestos de Francia, y las suyas escenas se filmoron en Ballancourt-sur-Essonne (Essonne), Boulogne-Billancourt (Altos d'o Sena), Menton, Niza, Ròcabruna y Vença (Alpes Maritimos), Entrevaus (Alpes d'Alta Provenza), Tortor (Var), Vèina (Altos Alpes), Versailles (Yvelines) y París en Francia, Chenova (Ciudat metropolitana de Chenova), Ventimiglia (provincia d'Imperia), Sexten (provincia autonoma de Bozen) y Roma en Italia, Viena en Austria y Farnham Royal (Buckinghamshire) y Londres en o Reino Uniu, amás d'en os Pinewood Studios, tamién en Buckinghamshire.

The Day of the Jackal ha recibiu bels premios y nominacions, en destacando una nominación en 1974 a lo Premio Oscar a lo Millor Montache en a 46^ena edición d'os Premios Oscar; un Premio BAFTA (Millor Montache) y 6 nominacions (Millor Cinta, Millor Director, Millor Guión, Millor Banda Sonora, Millor Actor Segundario y Millor Actriz Segundaria) en a 27^ena edición de ditos premios; y tres nominacions (Millor Director, Millor Cinta Dramatica y Millor Guión en a 31^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 1973.
• Cintas de 1973.

Vinclos externos

• Se veigan as imáchens de Commons sobre The Day of the Jackal.
• (en) The Day of the Jackal en Internet Movie Database.
• (en) The Day of the Jackal en TCM Movie Database.
• (en) The Day of the Jackal en Rotten Tomatoes.

• Datos: Q901140
• Multimedia: The Day of the Jackal (film) / Q901140