The Conqueror (cinta de 1956)

Iste articlo ye sobre una cinta estausunidense de drama historico biografico epico estrenada en 1956; ta atros usos, se veiga The Conqueror y The Conqueror (cinta).

The Conqueror
Títol	The Conqueror
Póster d'a cinta, obra de Reynold Brown.
Ficha tecnica
Dirección	Dick Powell
Aduyant de dirección	Edward Killy
Dirección artistica	Carroll Clark Albert S. D'Agostino
Producción	Howard Hughes Dick Powell
Guión orichinal	Oscar Millard
Musica	Victor Young
Soniu	Walter Elliott Bernard Freericks Terry Kellum
Fotografía	Joseph LaShelle
Montache	Stuart Gilmore
Escenografía	Al Orenbach Darrell Silvera
Maquillache	Mel Berns Web Overlander
Peluquería	Larry Germain
Efectos especials	Daniel Hays Linwood G. Dunn Albert Simpson
Actors	John Wayne Susan Hayward Agnes Moorehead Pedro Armendáriz Thomas Gomez John Hoyt William Conrad Ted de Corsia Leslie Bradley Lee Van Cleef Peter Mamakos Leo Gordon Richard Loo Michael Wayne Patrick Wayne
Color	Cinemascope Technicolor
Datos y cifras
País(es)	Estaus Unius
Anyo	1956
Estreno	2 de febrero de 1956 Londres (Reino Uniu) 22 de febrero de 1956 Los Angeles (California, Estaus Unius)
Chenero(s)	Cine de drama Cine historico Cine biografico Cine epico
Durada	111 min.
Idioma(s)	Anglés
Companyías
Productora(s)	RKO Radio Pictures
Distribución	RKO Radio Pictures
Estudio(s)	RKO Studios
Presupuesto	6 millons de dólars
Recauto	9 millons de dólars
Informacions en bases de datos especializadas:

The Conqueror (títol orichinal en anglés, en aragonés O conqueridor, estrenada en Aragón con o títol en castellano d'El conquistador de Mongolia, en aragonés O conqueridor de Mongolia) ye una cinta de cine estausunidense de cine de drama historico biografico epico estrenada l'anyo 1956, dirichida por Dick Powell seguntes un guión orichinal d'Oscar Millard, con una banda sonora orichinal de Victor Young, una dirección de fotografía de Joseph LaShelle, una producción cinematografica de Howard Hughes y Dick Powell ta la productora cinematografica RKO Radio Pictures y un elenco d'o cual en fan parte, entre d'atros, os actors John Wayne, Susan Hayward, Agnes Moorehead, Pedro Armendáriz, Thomas Gomez, John Hoyt, William Conrad, Ted de Corsia, Leslie Bradley, Lee Van Cleef, Peter Mamakos, Leo Gordon, Richard Loo, Michael Wayne y Patrick Wayne.

A cinta se centra en os primers anyos d'a vida adulta de Chinguis Khan, cuan encara yera conoixiu como Timuchín. Prencipia cuan un chefe tartaro mata a su pai y Timuchín, ta vengar-se, rapta a la suya filla Börte cuan marchaba ta fer a suya voda y la converte en a suya muller a contravoluntat, emplegando la dote que levaba la mesacha ta regalar-la a un khan con qui ye aliau. Lo fetillero d'iste zaguero creye que Timuchín puet substituyir a lo khan, que ye débil y d'edat abanzada, y manipula la situación, pero Timuchín caye presonero d'os tartaros, que amás liberan a Börte. Sinndembargo consigue la libertat y finalment l'amor de Börte, y prencipia una serie de conquiestas, engrandindo los suyos exercitos con las succesivas tribus conquiestas.

A cinta s'ambienta en as actuals Mongolia y China a finals d'os anyos 1190 y prencipios d'os anyos 1200, y ls suyas escenas se filmoron en o desierto d'Escalanta y en Hurricane, Ivins, St. George y atros puestos en Utah, amás d'en os RKO Studios en Los Angeles (California). O rodache en o desierto d'Escalante estió a la fin polemico, en haber recibiu muita radiación procedent de prebas de l'exercito estausunidense con armas nucleyars, cosa que pareixe estar dezaga d'una incidencia de cáncer muit superior a lo promeyo entre las personas que parteciporon en o rodache en ixe lugar.

Elenco

Actor	Papel	Notas
	'

Se veiga tamién

• Cine en 1956.
• Cintas de 1956.

Vinclos externos

• (en) The Conqueror en Internet Movie Database.
• (en) The Conqueror en TCM Movie.
• (en) The Conqueror en l'American Film Institute Catalog de l'American Film Institute.

• Datos: Q1193177