The Client (cinta de 1994)

Iste articlo ye sobre una cinta estausunidense de 1994 de intriga chudicial; ta atros usos, se veiga The Client.

The Client
Títol	The Client
Ficha tecnica
Dirección	Joel Schumacher
Aduyant de dirección	Yudi Bennett
Dirección artistica	P. Michael Johnston James F. Truesdale
Producción	Arnon Milchan Steven Reuther
Disenyo de producción	Bruno Rubeo
Guión adaptau	Akiva Goldsman Robert Getchell
Basau en	The Client, novela de John Grisham (1993)
Musica	Howard Shore
Fotografía	Tony Pierce-Roberts
Montache	Robert Brown
Escenografía	Anne D. McCulley
Vestuario	Ingrid Ferrin
Maquillache	David Forrest Lydia Milars Joe Montelongo Randy Westgate
Peluquería	Rita Parillo Marie-Ange Ripka
Efectos especials	Larry Fioritto Wes Mattox Steve Wolf
Casting	Mali Finn
Actors	Susan Sarandon Tommy Lee Jones Brad Renfro Mary-Louise Parker Anthony LaPaglia J. T. Walsh Anthony Edwards Ossie Davis Will Patton Bradley Whitford Anthony Heald Kim Coates William H. Macy Micole Mercurio David Speck Kimberly Scott John Diehl William Richert Ron Dean William Sanderson Andy Stahl Nat Robinson Tommy Cresswell Walter Olkewicz Mark Cabus Dan Castellaneta Amy Hathaway Jo Harvey Allen Will Zahrn Macon McCalman John Fink George Klein
Color	Panavision Technicolor
Datos y cifras
País(es)	Estaus Unius
Anyo	1994
Estreno	6 de chunio de 1994 Burbank (California, Estaus Unius)
Chenero(s)	Cine d'intriga Cine de chudicios
Durada	121 min.
Idioma(s)	Anglés
Companyías
Productora(s)	Regency Enterprises Alcor Films
Distribución	Warner Bros.
Presupuesto	45 millons de dólars
Recauto	117,6 millons de dólars
Informacions en bases de datos especializadas:

The Client (títol orichinal en anglés, en aragonés O client, estrenada en Aragón con o suyo títol tradciu enta lo castellano como El cliente) ye una cinta de cine estausunidense de cine d'intriga de cine de chudicios estrenada l'anyo 1994, dirichida por Joel Schumacher seguntes un guión adaptau por Akiva Goldsman y Robert Getchell (basau en a novela The Client, que heba publicau John Grisham en l'anyo 1993), con una banda sonora orichinal de Howard Shore, una dirección de fotografia de Tony Pierce-Roberts, una producción cinematografica d'Arnon Milchan y Steven Reuther ta las productoras Regency Enterprises y Alcor Films y un elenco d'o cual en fan parte, entre d'atros, os actors Susan Sarandon, Tommy Lee Jones, Brad Renfro, Mary-Louise Parker, Anthony LaPaglia, J. T. Walsh, Anthony Edwards, Ossie Davis, Will Patton, Bradley Whitford, Anthony Heald, Kim Coates, William H. Macy, Micole Mercurio, David Speck, Kimberly Scott, John Diehl, William Richert, Ron Dean, William Sanderson, Andy Stahl, Nat Robinson, Tommy Cresswell, Walter Olkewicz, Mark Cabus, Dan Castellaneta, Amy Hathaway, Jo Harvey Allen, Will Zahrn, Macon McCalman, John Fink y George Klein.

Mark Sway tien 11 anyos y vive en Memphis con su chirmano mas chicot, Ricky, y su mai en una autocaravana, en estar su mai sola y con treballos eventuals y mal pagaus. Cuan su mai marcha enta treballar, Mark y su chirmano marchan enta la selva a fumar y cuan i son i plega un auto conduciu por W. Jerome Clifford, un avogau d'a Mafia. Iste quiere suicidar-se en introducindo los gases d'o motor de l'auto en l'interior, pero Mark lo li impide dos u tres vegadas, dica que el pilla y el fica en l'auto, menazando-lo con matar-lo tamién. Atamas d'ixo, en primeras lo converte en o suyo confident, explicando-li a on ye apedacau un senador a qui heba asasinau Barry "The Blade" Muldano, sobrino d'o capo d'a mafia Johnny Sulari. Mark consigue fialment fuyir y l'avogau se suicida d'un disparo. Cuan a Policía investiga, descubren que Mark i heba estau y creyen que lo suicida li puet haber dito bella cosa d'intrés, y exactament o mesmo en piensa Johnny Sulari. A Policía prencipia a presionar-lo y mesmo a menazar-lo, y Mark ye conscient de que la Mafia tamién el perseguirá. Finalment, decide contractar un avogau y por casualidat dentra en contacto con Regina "Reggie" Love, una avogada que accepta representar-lo por os diners que Mark li ufre, un dólar. Reggie, a qui Mark no explica tot en un primer momento, ha de negociar con "Mosen" Roy Foltrigg, o fiscal federal, un personache bien pagau de si mesmo y con ambicions politicas a qui iste caso li puet fer buena honra en a suya carrera politica. A la vegada, Sulari ordena a lo suyo sobrino que mate a Mark, encara que ye disconforme de raso con o suyo parient, qui asasinó a lo senador por a suya cuenta, sin órdens de Sulari. Y lo motivo d'o suicidio de Clifford ye que Muldano ha enterrau a lo senador en a propiedat de Clifford y menazau a Clifford de fer-li lo mesmo. A la fin, Mark confiesa a Reggie que conoix a on i ye apedacau o senador y ista ha de negociar con Foltrigg un alcuerdo ta dar-li la información.

The Client s'ambienta en a suya epoca actual (1994) en Memphis (Tennessee) y las suyas escenas se filmoron en Nueva Orleans (Loisiana), Clinton (Mississippi) y Memphis (Tennessee).

Se tracta d'una cinta que ha recibiu bels premios y nominacions, en destacando una nominación a lo Premio Oscar a la Millor Actriz en 1995 mientres a 67^ena edición d'os Premios Oscar y una nominacion a lo Premio BAFTA a la Millor Actriz ixe mesmo anyo en a 48^ena edición d'os Premios BAFTA.

Elenco

Actor	Papel	Notas
	'

Se veiga tamién

• Cine en 1994.
• Cintas de 1994.

Vinclos externos

• (en) The Client en Internet Movie Database.
• (en) The Client en TCM Movie Database.
• (en) The Client en l'American Film Institute Catalog de l'American Film Institute.

• Datos: Q255376