The Chamber (cinta de 1996)
- Iste articlo ye sobre una cinta estausunidense de cine de chudicios estrenada en 1996; ta atros usos, se veiga The Chamber.
_Póster.jpg)
The Chamber (títol orichinal en anglés, en aragonés A cambra, estrenada en Aragón con o títol en castellano de Cámara sellada, en aragonés Cambra seyellada) ye una cinta de cine estausunidense de cine de drama chudicial estrenada l'anyo 1996, dirichda por James Foley seguntes un guión adaptau por William Goldman y Phil Alden Robinson (basau en The Chamber, una novela que heba publicau John Grisham l'anyo 1994), con una banda sonora orichinal de Carter Burwell, una dirección de fotografía d'Ian Baker, una producción cinematografica de John Davis, Brian Grazer y Ron Howard ta las productoras Imagine Entertainment y Davis Entertainment y un elenco formau por Chris O'Donnell, Gene Hackman, Faye Dunaway, Robert Prosky, Raymond J. Barry, Bo Jackson, Lela Rochon, David Marshall Grant, Nicholas Pryor, Harve Presnell y Millie Perkins.
En abril de 1967 esclata una bomba en o despacho de Marvin Kramer en Mississippi, un avogau chudieu especializau en dreitos civils. L'atentau ye obra d'o Ku Klux Klan y provoca la muerte d'os suyos dos fillos, la perda d'as suyas dos garras y finalment, o suyo suicidio. Un miembro d'o KKK, Sam Cayhall, ye acusau d'os crímens y condenau a muerte, encara que mientres muchs anyos os suyos avogaus han paralizau la suya execución a traviés de succesivos recursos, siempre refusaus. En 1996, 29 anyos mas tarde, Adam Hall, un chiven avogau de Chicago, demana estar lo suyo avogau defensor gratuitament, cuan ya casi que no li quedan posibilidaz d'evitar a suya execución. O motivo d'a petición ye que lo condenau ye lo suyo propio avuelo, encara que la mai d'Adam, ta evitar veyer.se vinclada con l'asasino, ha tallau toz os vinclos con él y mesmo s'heba cambiau l'apelliu. Adam tiene intrés tamién en conoixer bels secretos foscos en a suya familia, mas que mas os motivos d'o suicidio de su pai. En plegar enta Jackson (Mississippi) Adam contacta con su tía, que tamién ha tallau os vinclos con su pai, y ha de luitar mesmo contra lo suyo avuelo, que sabe qui ye él pero que en primeras no quiere que su nieto sía lo suyo avogau defensor. Finalment accepta pero li posa la condición de que no demane clemencia d'o gubernador de l'estau, McAllister, qui debe la suya elección como gubernador a haber estau qui acusó a Cayhall d'o crimen. Mientres a suya investigación, Adam descubre que la solución real d'a culpabilidat d' suyo avuelo se puet trobar en bels documentos reservaus por a lechislatura estatal y que podrían implicar a personalidaz importants de Mississippi. Cayhall ye lo solo que puet fer ubrir ixa documentación pero se niega a sinyar a solicitut en considerar que McAllister, o suyo antigo acusador, ye intresau en que e publiquen ixas informacions nomás que ta fer-las servir en a suya campanya politica. Finalment, Adam fa un tracto con o gubernador ta que li conceda clemencia a su avuelo y consigue la sinyatura d'iste ta publicar o conteniu d'os archivos.
A cinta s'ambienta en 1967 y 1996 en Jackson (Mississippi) y Chicago (Illinois) y las suyas escenas se filmoron en Greenwood y Indianola, Jackson y Parchman (Mississippi), en Los Angeles (California) y en Chicago (Illinois).[2]
The Chamber ha recibiu bellas nominacions a bels premios, pero no se tracta de un dato positivo, en estar premios concedius a las piors cintas.
Elenco[3]
[editar | modificar o codigo]| Actor | Papel | Notas |
|---|---|---|
| ' |
Se veiga tamién
[editar | modificar o codigo]Referencias
[editar | modificar o codigo]- ↑ (en) Estreno de The Chamber en Internet Movie Database.
- ↑ (en) Localizacions de The Chamber en Internet Movie Database.
- ↑ (en) The Chamber en Internet Movie Database.
Vinclos externos
[editar | modificar o codigo]- (en) The Chamber en Internet Movie Database.
- (en) The Chamber en Box Office Mojo.
- (en) The Chamber en Rotten Tomatoes.
Datos: Q1213747
- Cintas por títol
- Cintas de 1996
- Cintas ambientadas en Chicago
- Cintas ambientadas en Jackson (Mississippi)
- Cintas ambientadas en 1967
- Cintas ambientadas en 1996
- Cintas con banda sonora orichinal de Carter Burwell
- Cintas con dirección de fotografía d'Ian Baker
- Cintas con guión de Phil Alden Robinson
- Cintas con guión de William Goldman
- Cintas con montache de Mark Warner
- Cintas de cine de chudicios
- Cintas de cine de drama
- Cintas d'Estaus Unius
- Cintas dirichidas por James Foley
- Cintas en anglés
- Cintas en Color by DeLuxe
- Cintas en Panavision
- Cintas interpretadas por Bo Jackson
- Cintas interpretadas por Chris O'Donnell
- Cintas interpretadas por David Marshall Grant
- Cintas interpretadas por Faye Dunaway
- Cintas interpretadas por Gene Hackman
- Cintas interpretadas por Harve Presnell
- Cintas interpretadas por Lela Rochon
- Cintas interpretadas por Millie Perkins
- Cintas interpretadas por Nicholas Pryor
- Cintas interpretadas por Raymond J. Barry
- Cintas interpretadas por Robert Prosky
- Cintas producidas por Brian Grazer
- Cintas producidas por John Davis
- Cintas producidas por Ron Howard
- Cintas rodadas en Chicago
- Cintas rodadas en Greenwood (Mississippi)
- Cintas rodadas en Indianola (Mississippi)
- Cintas rodadas en Jackson (Mississippi)
- Cintas rodadas en Los Angeles
- Cintas rodadas en Parchman