The Black Rose

Iste articlo ye sobre una cinta de cine britanico de cine d'aventuras; ta atros usos, se veiga The Black Rose (desambigación).

The Black Rose
Títol	The Black Rose
Ficha tecnica
Dirección	Henry Hathaway
Dirección artistica	William C. Andrews Paul Sheriff
Producción	Louis D. Lighton
Guión adaptau	Talbot Jennings
Basau en	The Black Rose, novela de Thomas B. Costain (1945)
Musica	Richard Addinsell
Soniu	Buster Ambler Eric Wood
Fotografía	Jack Cardiff
Montache	Manuel del Campo
Vestuario	Michael Whittaker
Efectos especials	W. Percy Day
Actors	Tyrone Power Orson Welles Cécile Aubry Jack Hawkins Michael Rennie Finlay Currie Herbert Lom Mary Clare Robert Blake Alfonso Bedoya Gibb McLaughlin James Robertson Justice Henry Oscar Laurence Harvey
Color	Technicolor
Datos y cifras
País(es)	Reino Uniu
Anyo	1950
Estreno	7 de setiembre de 1950 Londres (Anglaterra, Reino Uniu)
Chenero(s)	Cine d'aventuras
Durada	121 min.
Idioma(s)	Anglés
Companyías
Productora(s)	20th Century-Fox Film Productions
Distribución	20th Century Fox
Estudio(s)	London Film Studios
Recauto	2,65 millons de dólars
Informacions en bases de datos especializadas:

The Black Rose (títol orichinal en anglés, en aragonés A rosa negra, estrenada en Aragón con o suyo títol traduciu entar lo castellano como La rosa negra) ye una cinta de cine britanico de cine d'aventuras estrenada l'anyo 1950, dirichida por Henry Hathaway seguntes un guión adaptau por Talbot Jennings (basau en a novela The Black Rose que ha publicau Thomas B. Costain en 1945), con una banda sonora orichinal de Richard Addinsell, una dirección de fotografía de Jack Cardiff y una producción cinematografica de Louis D. Lighton ta la productora cinematografica 20th Century-Fox Film Productions. Fan parte de l'elenco d'a cinta, entre d'atros, os actors Tyrone Power, Orson Welles, Cécile Aubry, Jack Hawkins, Michael Rennie, Finlay Currie, Herbert Lom, Mary Clare, Robert Blake, Alfonso Bedoya, Gibb McLaughlin, James Robertson Justice, Henry Oscar y Laurence Harvey.

Walter de Gurnie vive en o reino d'Anglaterra de finals d'o sieglo XIII mientres o reinau d'Eduardo I d'Anglaterra. Ye d'orichen anglo-saxón y ye fillo ilechitimo d'o conte de Lessford, que ha falleixiu. Ye estudiando en a Universidat d'Oxford y torna en a casa d'a familia ta lectura d'o testamento, trobando-se con que su pai nomás li ha deixau que unas botas encara que ye conscient de l'amor de su pai que las li ha deixau. Tanimientres, a vidua d'o conte, que ye d'orichen normanda, prene hostaches en previsión de disturbios provocaus por os saxons, u Walter colabora en a suya liberación, veyendo-se obligau a fuyir en estar reconoixiu. Alavez, en companyía d'o suyo amigo Tristram Griffen, un arquero tamién saxón, marcha enta Orient con l'obchectivo de fer fortuna en China, unendo-se a una caravana que marcha enta China con regalos ta Kublai Khan. A caravana se troba baixo la protección de Bayan de Baarin, un cheneral mogol que bien luego s'intresa por dos cosas: as conoixencias de Walter y l'habilidat en l'emplego de l'arco (y d'o mesmo arco, un arco largo anglés) por Tristram. Antiparte, a los dos amigos s'adhibe Maryam, una mesacha mestiza (ye filla d'un anglés) que deseya que la leven con éls enta Anglaterra, encara que Walter no piensa ni en a mesacha ni en tornar en Anglaterra, y prefiere fer amistat con Bayan, aduyar-lo en as actividaz belicas y aprender d'él aspectos relativos a la ciencia belica.

A cinta s'ambienta en o sieglo XIII en Anglaterra y China y las suyas escenas se filmoron en Warwick (Warwickshire) y Maidstone y atros puestos de Kent y en puestos de Sussex de l'Este en o Reino Uniu y Casablanca (rechión de Casablanca-Settat), Ouarzazate (rechión de Drâa-Tafilalet), Marráquex (rechión de Marráquex-Safi) y Meknès (rechión de Fès-Meknès) en Marruecos, amás d'en os London Film Studios en Shepperton (Surrey), tamién en o Reino Uniu.

The Black Rose ha recibiu bels premios y nominacions, en destacando una nominación a los Premios Oscar, en a categoría de Millor Disenyo de Vestuario en Color, en a 23^ena edición de ditos premios.

Elenco

Actor	Papel	Notas
	'

Se veiga tamién

• Cine en 1950.
• Cintas de 1950.

Vinclos externos

• (en) The Black Rose en Internet Movie Database.
• (en) The Black Rose en TCM Movie.

• Datos: Q2269754