The Bank Job

The Bank Job
Títol	The Bank Job
Ficha tecnica
Dirección	Roger Donaldson
Dirección artistica	Phil Harvey Mark Scruton
Producción	Charles Roven Steven Chasman
Disenyo de producción	Gavin Bocquet
Guión orichinal	Dick Clement Ian La Frenais
Musica	J. Peter Robinson
Fotografía	Michael Coulter
Montache	John Gilbert
Escenografía	John Bush
Vestuario	Odile Dicks-Mireaux
Casting	Lucinda Syson
Actors	Jason Statham Saffron Burrows Richard Lintern Keeley Hawes Stephen Campbell Moore Michael Jibson Georgia Taylor Daniel Mays David Suchet Peter de Jersey Gerard Horan Don Gallagher Craig Fairbrass Peter Bowles James Faulkner Alki David Colin Salmon Hattie Morahan Robert Whitelock Julian Lewis Jones Andrew Brooke Sharon Maughan Alistair Petrie Rupert Frazer Christopher Owen Angus Wright Rupert Vansittart
Datos y cifras
País(es)	Estaus Unius Reino Uniu Australia
Anyo	2008
Estreno	19 de febrero de 2008 Festival de Cine de Glasgow (Glasgow, Escocia, Reino Uniu) 7 de marzo de 2008 Estaus Unius 31 de chulio de 2008 Australia
Chenero(s)	Cine d'intriga Cine policiaco
Durada	112 min.
Idioma(s)	Anglés Latín
Companyías
Productora(s)	Mosaic Media Group Relativity Media LLC Skyline (Baker St.) Productions
Distribución	Lionsgate
Estudio(s)	Ealing Studios Pinewood Studios
Presupuesto	20 millons de dólars
Recauto	66,1 millons de dólars
Informacions en bases de datos especializadas:

The Bank Job (títol orichinal en anglés, en aragonés O treballo d'o banco, estrenada en Aragón con o títol en castellano d'El robo del siglo, en aragonés O robo d'o siglo) ye una cinta de cine d'intriga policiaca coproducida por o cine britanico, lo cine estausunidense y lo cine australiano estrenada l'anyo 2008, dirichida por Roger Donaldson seguntes un guión orichinal de Dick Clement y Ian La Frenais, con una banda sonora orichinal de J. Peter Robinson, una dirección de fotografía de Michael Coulter, una producción cinematografica de Charles Roven y Steven Chasman ta las productoras Mosaic Media Group, Relativity Media LLC y Skyline (Baker St.) Productions y que conta con un elenco d'o cual en fan parte Jason Statham, Saffron Burrows, Richard Lintern, Keeley Hawes, Stephen Campbell Moore, Michael Jibson, Georgia Taylor, Daniel Mays, David Suchet, Peter de Jersey, Gerard Horan, Don Gallagher, Craig Fairbrass, Peter Bowles, James Faulkner, Alki David, Colin Salmon, Hattie Morahan, Robert Whitelock, Julian Lewis Jones, Andrew Brooke, Sharon Maughan, Alistair Petrie, Rupert Frazer, Christopher Owen, Angus Wright y Rupert Vansittart, entre d'atros actors.

Aparentment, a cinta recreya en tono presuntament cuasi que documental un caso real, un robo en as caixas de seguredat en una oficina d'o Lloyd's Bank en Londres en 1971; tanimientres, a cinta incluye muitos elementos de ficción. A cinta conta cómo en ixe anyo, Michael X, lo líder naixiu de Trinidad y Tobago d'un movimiento radical negro, con vinclos con o gangsterismo, fa chantache a las autoridaz en tener fotografías comprometidas d'a princesa Margalida d'o Reino Uniu. Lo MI5 para una trampa a una modelo (Martine Love) que saben que leva en o suyo equipache drogas y li ufren que colabore con éls en proveitando d'os suyos contactos con bels ladrons y lis de la información que lis permitirá robar as caixas de seguredat d'ixa oficina, apoderar-se d'as fotografías y disponer librement d'o conteniu d'as atras caixas d'a oficina. Terry ye l'amigo a qui contacta Martine y iste, que tien problemas economicos en o suyo negocio de venda d'autos, replega a la suya banda (encara que no sabe cosa d'o tracto de Martine ni d'as fotografías) y preparan o golpe. Tanimientres, cuan fan o robo Terry veye l'intrés de Martine por una caixa en concreto, la caixa 118, y finalment ista li explica lo tema. Pero lo robo amás tien bellas complicacions por o conteniu de bellas atras d'as caixas: una ye de Lew Vogel, un mafioso, y se i trobaba la lista de pagos de sobornos a miembros d'a Policía, y una atra perteneixeba a una "madame" y se i trobaban fotografías bien comprometedoras de prominents miembros d'o Parlamento d'o Reino Uniu. Como Vogel descubre qui ye dezaga dd'o robo y secuestra y tortura a un d'éls, Terry negocia la entrega por as autoridaz de documentación limpia con nuevos nombres ta los miembros d'a banda, a la vegada que recodia ta librar-se de Vogel, qui contina perseguindo a los miembros d'a banda.

The Bank Job s'ambienta en Londres en o Reino Uniu y en Trinidad y Tobago en 1971 y las suyas escenas se filmoron en a Ciudat de Westminster y Londres (Gran Londres) y Chatham (Kent) en o Reino Uniu, en Cerdenya en Italia y en Melbourne (Victoria) en Australia, amás d'en os Ealing Studios en Londres y los Pinewood Studios en Buckinghamshire, tamién en o Reino Uniu.

Ye una cinta que ha recibiu bellas nominacions a bels premios, encara que garra d'istas nominacions no correspon a garra premio cinematografico d'os mas conoixius u destacaus.

Elenco

Actor	Papel	Notas
	'

Se veiga tamién

• Cine en 2008.
• Cintas de 2008.

Vinclos externos

• (en) The Bank Job en Internet Movie Database.
• (en) The Bank Job en Rotten Tomatoes.
• (en) The Bank Job en Metacritic.
• (en) The Bank Job en Box Office Mojo.

• Datos: Q790071