The Accountant (cinta de 2016)

Iste articlo ye sobre una cinta d'acción estausunidense de 2016; ta atros usos, se veiga The Accountant y The Accountant (cinta).

The Accountant
Títol	The Accountant
Ficha tecnica
Dirección	Gavin O'Connor
Dirección artistica	John Collins Steven D. Freeman
Producción	Lynette Howell Taylor Mark Williams
Disenyo de producción	Keith P. Cunningham
Guión orichinal	Bill Dubuque
Musica	Mark Isham
Fotografía	Seamus McGarvey
Montache	Richard Pearson
Escenografía	Douglas A. Mowat
Vestuario	Nancy Steiner
Casting	Nicole Abellera Jeanne McCarthy
Actors	Ben Affleck Anna Kendrick J. K. Simmons Jon Bernthal Jeffrey Tambor John Lithgow Cynthia Addai-Robinson Jean Smart Andy Umberger Alison Wright
Color	Panavision Technicolor
Datos y cifras
País(es)	Estaus Unius
Anyo	2016
Estreno	Octubre de 2016 Festival Internacional de Cine de Roma (Roma, Lazio, Italia) 3 d'octubre de 2016 Beyond Festival (Los Angeles, California, Estaus Unius)
Chenero(s)	Cine d'intriga Cine d'acción
Durada	128 min.
Idioma(s)	Anglés Indonesio Francés
Companyías
Productora(s)	Electric City Entertainment RatPac-Dune Entertainment Zero Gravity Management
Distribución	Warner Bros. Pictures
Presupuesto	44 millons de dólars
Recauto	155,2 millons de dólars
Informacions en bases de datos especializadas:

The Accountant (títol orichinal en anglés, en aragonés O contable, estrenada en Aragón con o suyo títol traduciu enta lo castellano como El contable) ye una cinta de cine estausinidense de cine d'intriga d'acción estrenada l'anyo 2016, dirichida por Gavin O'Connor seguntes un guión orichinal de Bill Dubuque, con una banda sonora orichinal de Mark Isham, una dirección de fotografía de Seamus McGarvey y una producción cinematografica de Lynette Howell Taylor y Mark Williams ta las productoras Electric City Entertainment, RatPac-Dune Entertainment y Zero Gravity Management. De l'elenco d'actors d'a cinta en fan parte Ben Affleck, Anna Kendrick, J. K. Simmons, Jon Bernthal, Jeffrey Tambor, John Lithgow, Cynthia Addai-Robinson, Jean Smart, Andy Umberger y Alison Wright, entre d'atros.

Christian Wolff ye un hombre autista a qui su pai (que yera militar) entrenó en arts marcials chunto con su hermano Braxton. D'adulto, Christian treballa como contable ta organizacions mafiosas, auditando las suyas cuentas ta descubrir robos d'os miembros d'o grupo mafioso. Oficialment treballa ta una empresa suya de contabilitat que se troba en Plainfield (Illinois) que fa servir como pantalla ta encubrir a suya verdadera actividat, y recibe los suyos encargos a través d'una muller anonima. Bel día recibe un encargo "legal": lo contractan ta auditar a Living Robotics dimpués que lo director executivo d'a empresa, Lamar Blackburn y la suya chirmana Rita descubren bellas irregularidaz. En ixe treballo recibe l'aduya de Dana Cummings, auditora interna d'a empresa y que ye qui heba descubierto las irregularidaz. Simultaniament, Marybeth Medina, una funcionaria d'o Departamento d'o Tresoro d'os Estaus Unius, recibe l'encargo de descubrir a verdadera identidat de Christian. Iste fa en una nueit un gran treballo d'auditoría en revisando cuentas y descubre una malversación de 61 millons de dólars, pero encara no ha localizau qui en ye lo culpable. Ixa mesma nueit bel un obliga a lo director financiero d'a empresa, Ed Chilton, a suicidar-se y a lo día siguient Lamar Blackburn li revoca l'encargo y li paga por tot o treballo que encara no ha rematau. Bien luego, Christian consigue matar a dos sicarios que heban ninviau a matar-lo a él y descubre que tamién atros sicarios marchan a matar a Dana, cosa que tamién consigue evitar. Cuan troba muerta a Rita, deduz que lo culpable d'o robo d'os diners ye Lamar Blackburn, a la vegada que Marybeth Medina descubre que en realidat Christian subministra información a lo diretor d'o Trasoro, que li diz que la substituya como contacto.

A cinta s'ambienta en a suya epoca actual (2016) en Plainfield y atros puestos d'Illinois y en Washington, DC, y las suyas escenas se filmoron en Atlanta y Cartersville (Cheorchia) y en Chicago (Illinois) en os Estaus Unius y en Zúrich (cantón de Zúrich) en Suiza.

The Accountant ye una cinta que ha recibiu bels premios y nominacions, encara que garra d'istos premios no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 2016.
• Cintas de 2016.

Vinclos externos

• (en) The Accountant en Internet Movie Database.
• (en) The Accountant en Rotten Tomatoes.

• Datos: Q18883455