Telefon (cinta)

Iste articlo ye sobre una cinta estausunidense d'espías de l'anyo 1977; ta atros usos, se veiga Telefon.

Telefon
Títol	Telefon
Ficha tecnica
Dirección	Don Siegel
Aduyant de dirección	David Hamburger Luigi Alfano
Dirección artistica	William F. O'Brien
Producción	James B. Harris
Disenyo de producción	Ted Haworth
Guión adaptau	Peter Hyams Stirling Silliphant
Basau en	Telefon, novela de Walter Wager (1975)
Musica	Lalo Schifrin
Soniu	Michael J. Kohut William L. McCaughey Al Overton John Riordan Aaron Rochin
Fotografía	Michael Butler
Montache	Douglas Stewart
Escenografía	Robert R. Benton
Vestuario	Luster Bayless Edna Taylor
Maquillache	Del Acevedo Phil Rhodes
Peluquería	Jean Burt Reilly
Efectos especials	Joe Day
Casting	Pam Polifroni Doris Sabbagh
Actors	Charles Bronson Lee Remick Donald Pleasence Tyne Daly Alan Badel Patrick Magee Sheree North Frank Marth Helen Page Camp Roy Jenson Jacqueline Scott Ed Bakey John Mitchum Iggie Wolfington Hank Brandt John Carter Burton Gilliam Regis Cordic Carmen Zapata Kathleen O'Malley Åke Lindman Ansa Ikonen George O. Petrie Robert Phillips Cliff Emmich Ville-Veikko Salminen James Nolan Derek Rydall Michael Byrne
Color	Metrocolor
Datos y cifras
País(es)	Estaus Unius
Anyo	1977
Estreno	16 d'aviento de 1977 Estaus Unius
Chenero(s)	Cine d'espionache
Durada	103 min.
Idioma(s)	Anglés
Companyías
Productora(s)	Metro-Goldwyn-Mayer
Distribución	Cinema International Corporation United Artists
Estudio(s)	Metro-Goldwyn-Mayer Studios
Informacions en bases de datos especializadas:

Telefon (títol orichinal en anglés, en aragonés Telefono, estrenada en Aragón con o suyo títol traduciu enta lo castellano como Teléfono) ye una cinta de cine estausunidense de cine d'espionache estrenada l'anyo 1977, dirichida por Don Siegel seguntes un guión adaptau por Peter Hyams y Stirling Silliphant (basau en a novela Telefon que heba publicau Walter Wager l'anyo 1975), con una banda sonora orichinal de Lalo Schifrin, una dirección de fotografía de Michael Butler y una producción cinematografica de James B. Harris ta la productora cinematografica Metro-Goldwyn-Mayer. Fan parte de l'elenco d'a cinta Charles Bronson, Lee Remick, Donald Pleasence, Tyne Daly, Alan Badel, Patrick Magee, Sheree North, Frank Marth, Helen Page Camp, Roy Jenson, Jacqueline Scott, Ed Bakey, John Mitchum, Iggie Wolfington, Hank Brandt, John Carter, Burton Gilliam, Regis Cordic, Carmen Zapata, Kathleen O'Malley, Åke Lindman, Ansa Ikonen, George O. Petrie, Robert Phillips, Cliff Emmich, Ville-Veikko Salminen, James Nolan, Derek Rydall y Michael Byrne, entre d'atros actors.

Mientres a Guerra Fría en a crisi d'os misils en Cuba en 1962, la Unión Sovietica infiltró en Estaus Unius a cuantos achents encubiertos con o suyo cerebro manipulau dica lo punto que ni éls mesmos sabeban que yeran achents. Lis dio la personalidat de personas reals falleixidas y teneban un codigo automatico d'activación consistent en uns versos d'un poema de Robert Frost seguius d'o nombre en clau de cadaguno d'os achents, que mesmo se podeban decir en persona que por telefono. A suya activación yera previsto que se producise nomás que en caso de guerra entre Estaus Unius y la Unión Sovietica y la suya misión yera la de fer sabotache en elementos crucials d'a infrastructura civil y militar d'Estaus Unius. Anyos dimpués se produz a distensión entre toz dos países, pero en ixe momento Nikolai Dalchimsky, un achent d'o KGB sovietico, enemigo d'a distensión, roba la lista secreta d'achents y los codigos d'activación y marcha enta los Estaus Unius, con l'obchectivo d'activar-los a toz y provocar una guerra nucleyar. O KGB no quiere comunicar tot ixo a los suys superiors y menos encara a los estausunidenses, y deciden ninviar a un d'os suyos millors achents, Grigori Borzov, ta eliminar a Dalchimsky antis de que denguno no sospeite lo que s'escayece. Ta la suya misión ha de recibir lo refirme de Barbara, una achent que fa anyos que se troba en Estaus Unius, que se fará pasar por a suya muller. Consiguen trobar la secuencia que ye practicando Dalchimsky ta fer las activacions, pero Barbara recibe órdens de matar a Borzov en rematar a misión. Y no nomás d'os sovieticos, porque resulta estar una achent doble a lo servicio d'os estausunidenses y istos li ordenan tamién que asasine a Borzov. O problema ye que Barbara s'ha enamorau de Borzov.

A cinta s'ambienta en a suya epoca actual (1977) en Moscú (Rusia), en os estaus de California (incluyindo-ie Los Angeles y Santa Monica) Colorado, Florida, Montana, Nuevo Mexico, Texas (incluyindo-ie Houston) y Virchinia (incluyindo-ie Langley) en Estaus Unius y en Calgary (Alberta) en Canadá; y las suyas escenas se filmoron en Helsinki en Finlandia y California (Agua Dulce, Los Angeles, San Francisco, Santa Clarita y Santa Susana), Colorado (Denver) Montana y Virchinia (Langley) en Estaus Unius, amás d'en os Metro-Goldwyn-Mayer Studios en Culver City, tamién en California.

Telefon recibió bella nominacción a bel premio cinematografico, pero que no perteneixe a los premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1977.
• Cintas de 1977.

Vinclos externos

• (en) Telefon en Internet Movie Database.
• (en) Telefon en TCM Movie Database.

• Datos: Q517912