Telecadiera

De Biquipedia
Ir a la navegación Ir a la búsqueda
Telecadieras en Australia.

Una telecadiera u telesiella ye un remuntador que ye formato por una serie de cadieras penchatas d'un cordón tractor que circula a velocitat fixa y que se refirma en diversas pilonas.

L'altaria d'o cordón respective a lo nivel d'a nieu ye como minimo a necesaria ta que un esquiador pueda pasar por debaixo d'as cadieras sin de tocar con a capeza os esquís d'a chent que ye posata en a cadiera (y que en cheneral levan os esquís puestos). Nomás en plegando ta las estacions de prencipio y final de trachecto, o cordón s'amana más a la tierra, de manera que os culs d'as cadeiras quedan a l'altaria d'os chenullos d'os esquiadors, que asinas podran puyar-ie y baixar-ne con facilidat.

Ta evitar que, una vegata que s'han posato, os esquiadors caigan d'a cadiera, ista dispone a sobén d'un elemento de seguridat que lo impide (antigament una cadena que cadagún teneba que ligar a los laterals, actualment una barra que se baixa y que a sobén leva incorporato un refirme ta os pietz). O numero de posibles ocupants por cadiera ye d'entre un y ueito, estando as más freqüents hue en día de 4 y 6 personas. Ta mirar de suavizar o impacto de l'orache, a vegatas s'instala en as cadieras una mena de carcasa transparent que se puet baixar voluntariament (igual que as protección de seguridat) que tapa o cuerpo d'os ocupants (pero no os pietz, que continan estando a la intemperie). Son as ditas telecadieras cabinatas.

Vinclos externos[editar | modificar o codigo]