Taggart (cinta)

Iste articlo ye sobre una cinta estausunidense de cine de western estrenada l'anyo 1964; ta atros usos, se veiga Taggart.

Taggart
Títol	Taggart
Póster d'a cinta.
Ficha tecnica
Dirección	R. G. Springsteen
Dirección artistica	Raymond Beal Alexander Golitzen
Producción	Gordon Kay
Guión adaptau	Robert Creighton Williams
Basau en	una novela de Louis L'Amour
Musica	Herman Stein
Soniu	Waldon O. Watson
Fotografía	William Margulies
Montache	Tony Martinelli
Escenografía	John McCarthy Jr. James M. Walters Sr.
Maquillache	Bud Westmore
Actors	Tony Young Dan Duryea Dick Foran Elsa Cárdenas Jean Hale Emile Meyer Tom Reese David Carradine Peter Duryea Ray Teal Claudia Barrett Stuart Randall Peter Mamakos Arthur Space Bill McLean Harry Carey Jr. William Henry
Color	Technicolor
Datos y cifras
País(es)	Estaus Unius
Anyo	1964
Estreno	24 d'aviento de 1964 Nueva York (Nueva York, Estaus Unius)
Chenero(s)	Cine de western
Durada	85 min.
Idioma(s)	Anglés
Companyías
Productora(s)	Gordon Kay & Associates
Distribución	Universal Pictures
Estudio(s)	Universal Studios
Informacions en bases de datos especializadas:

Taggart (títol orichinal, estrenada en Aragón con ixe mesmo títol) ye una cinta de cine estausunidense de cine de western estrenada l'anyo 1964, dirichida por R. G. Springsteen seguntes un guión adaptau por Robert Creighton Williams (basau en una novela de Louis L'Amour), con una banda sonora orichinal de Herman Stein, una dirección de fotografía de William Margulies, una producción cinematografica de Gordon Kay ta la suya productora cinematografica Gordon Kay & Associates y un elenco d'o cual en fan parte, entre d'atros, os actors Tony Young, Dan Duryea, Dick Foran, Elsa Cárdenas, Jean Hale, Emile Meyer, Tom Reese, David Carradine, Peter Duryea, Ray Teal, Claudia Barrett, Stuart Randall, Peter Mamakos, Arthur Space, Bill McLean, Harry Carey Jr. y William Henry.

Os Taggart ha mercau una propiedat, pero toda la familia muere en una estampida provocada por Ben Blazer y su fillo, salvando-se nomás que Kent Taggart, qui busca a los asasinos y mata a lo fillo de Ben en un duelo. Ben tamién ye greument feriu dende lo suyo ataque contra los Taggart, pero cuan ya ye cuasi que muerto contracta a tres pistoleros ta que maten a Kent: Vince August, Cal Dodge y Jay Jason. Fuyindo d'os suyos perseguidors, Kent dentra en territorio d'os apaches y en un lugarón cuasi que albandonau aduya a una muller en dificultaz, que a la vegada l'aduya cuan plegan os pistoleros y en a luita muere un d'éls, Cal. Dimpués troba a una parella que ye luitando con os apaches y s'une a éls, cosa que tamién fan bien luego los suyos dos perseguidors, que finalment lo capturan anque Vince queda feriu. A parella aduya a Kent a fuyir, encara que sin armas, pero troba un pueyo rocoso a on son Adam Stark y su filla Miriam, que lo levan enta la suya casa, a on bi ha una atra muller, Consuelo. En primeras lo tractan com a un personache perigloso, pero ixa nueit Consuelo se li ufre, prometendo-le amor y ricuras si marcha con ella d'o lugar, pero en plegar Miriam no continan a charrada. A lo día siguient, Taggart preba de fuyor, pero en a suya fuyida salva la vida de Stark cuan l'atacan os apaches y ixo fa que iste confíe en Taggart y li confiese lo socreto: en o lugar a on son amagaus se troba una fructifera mina d'oro. Stark reculle una bolsas con oro y deciden marchar antes que tornen os apaches y troben l'escondrillo- Pero tamién plega en o lugar Jay, que ha matau a Vice por estar un estorbo ta él en ester feriu. Consuelo tamién se li insinúa y ixa nueit ella y Jay fuyen con oro, y posteriorment o resto d'o grupo marcha enta un fuerte de l'exercito en a redolada, conducius por Taggart. En a suya fuyida, Consuelo y Jay han trobau una caravana de soldaus y s'han uniu a alle, pero cuan los atacan os indios, Jay deixa cuasi que muerta a la muller y albandona a lo grupo, que es exterminau, y lo grupo conduciu por Taggart troba los cadavres. Finalment, toz se troban en o fuerte, Jay y lo grupo de Taggart, en bel meyo d'un ataque d'os apaches.

A cinta s'ambienta en bel puesto indeterminau de l'ueste d'Estaus Unius en bel momento tamién indeterminau d'a segunda metat d'o sieglo XIX, y las suyas escena se filmoron en Thousand Oaks (California) y en os Universal Studios en Universal City, tamién en California-

Elenco

Actor	Papel	Notas
	'

Se veiga tamién

• Cine en 1964.
• Cintas de 1964.

Vinclos externos

• (en) Taggart en Internet Movie Database.
• (en) Taggart en TCM Movie.

• Datos: Q290069