Taenia ovis
| Taenia ovis | |
|---|---|
| Denominacions populars | |
tenia ovina | |
| Clasificación cientifica | |
| Animalia | |
Filo: |
Platyhelminthes |
| Rhabditophora | |
| Neodermata | |
| Cestoda | |
| Cyclophyllidea | |
| Taeniidae | |
| Taenia | |
| T. ovis | |
A tenia ovina[1] (nombre cientifico Taenia ovis) ye una especie de platihelminto parasito d'a clase Cestoda. Fa servir as uellas y crabas como huespedes intermedios[2] pa infectar cans y rabosas. O parasito se troba en tot o mundo, encara que en Europa as infeccions son prou rarizas. Taenia cervi (que tien como huespede intermedio a o ciervo) ye probablement estreitament aparentau con Taenia ovis, posiblement son incluso a mesma especie.[3] Taenia ovis estió o primer parasito contra o que se desarrolló una vacuna, lo que representó un gran trango en o campo d'a parasitolochía. Se basa en l'ARN que codifica un anticheno d'a oncosfera y proteche en gran mida a las uellas contra una infección por uevos.[4]
O cuco adulto mide entre 60 y 140 cm de largaria. O escólex tien entre 24 y 48 ganchos.[5] Un individuo puet producir dica 250.000 uevos diarios, que se forachitan con as feces.[6] T. ovis no ye morfolochicament guaire diferent de Taenia krabbei, manimenos o suyo ciclo de desarrollo ye diferent debiu a o distinto huespede intermedio.[7]
Os huespedes intermedios minchan os uevos a traviés de prenso contaminau. A traviés d'o bodiello y o torrent, a oncosfera plega ta a musculatura esqueletica (mas que mas o diafragma) y cardiaca d'o huespede intermedio. En iste puesto se desarrolla o estadio larval ovoide y d'a grandaria d'un bisalto, Cysticercus ovis, que se torna infeccioso dimpués de 10 semanas. As uellas pueden desarrollar sintomas clinicos como febleza, letargo, descoordinación d'o movimiento, hipersalivación, respiración accelerada, micción frecuent, anemia y ictericia. Ista infestación tien una importancia economica particular, ya que a presencia de quistes y lisions necroticas en a musculatura conleva o decomiso d'a canal mientres o sacrificio y a inspección crnica y en consecuencia a canal deixa d'estar apta pa o consumo humano.[2]
Os cans s'infectan en minchar carne que contiene cisticercos. O periodo prepatent ye de 6 a 8 semanas. Igual que en atras infeccions por tenias en cans, o parasito por un regular no causa sintomas en o ahuespador definitivo.[2]
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- 1 2 3 (de) "Veterinärmedizinische Parasitologie". Josef Boch. Georg Thieme Verlag, 2006, ISBN 978-3-8304-4135-9, S. 188.
- ↑ (de) "Lehrbuch der Parasitologie für die Tiermedizin." Johannes Eckert. Georg Thieme Verlag, 2008, ISBN 978-3-8304-1072-0, S. 214.
- ↑ (en) "Cestode Zoonoses: Echinococcosis and Cysticercosis: An Emergent and Global Problem". Philip Craig, Zbigniew Pawłowski. Tomo 341 de NATO science series: Life and behavioural sciences. IOS Press, 2002, ISBN 9781586032203, S. 383.
- ↑ (de) "Veterinärmedizinische Parasitologie". Josef Boch. Georg Thieme Verlag, 2006, ISBN 978-3-8304-4135-9, S. 458.
- ↑ (en) Taenia ovis: an emerging threat to the Chinese sheep industry? In: Parasites & vectors. Y. Zheng. Tomo 9, Numero 1, chulio de 2016, S. 415, DOI 10.1186/s13071-016-1700-5, PMID 27460570, PMC 4962542.
- ↑ (en) Taenia krabbei (Cestoda: Cyclophyllidea) in Germany and its Delimitation from T. ovis. Jürgen Priemer et al.. Zoologischer Anzeiger, Tomo 241, Numero 4, 2002, S. 333–337.
Datos: Q12741904
Multimedia: Taenia ovis / Q12741904