Suva
| Suva | ||
| Localidat de Fichi | ||
| ||
 | ||
| Estau • División |
 FichiFichi Central | |
| Población • Total |
85.691 hab. (2009) | |
| Altaria • Meyana |
0 m. | |
| Coordenadas | ||
| Web oficial | ||
Suva ye una ciudat de Fichi, país d'o cual ye a suya capital, estando tamién a ciudat con mayor población d'o país con 85.691 habitants en o 2007.[1] Situada en a costa sudeste d'a isla de Viti Levu, en a División de Fichi Central, d'a cuala tamién ye la capital.
Historia
[editar | modificar o codigo]Suva se convirtió en a capital oficial de Fichi en l'anyo 1877 cuan la cheografía de Kaivalagi, un antigo asentamiento europeu en Levuka en a Isla de Ovalau, se tornó muito restrinchida.
Independencia de Fichi
[editar | modificar o codigo]Lo 10 d'octubre de 1970, Fichi s'independizó d'o Reino Uniu, pasando asinas la ciudat de Suva a convertir-se en a capital d'o nuevo estau independient. Posteriorment dimpués d'o golpe d'Estau de 1987 lo país se convirtió en una republica y se promulgó una nueva constitución continando a capitania estatal en la ciudat.
Esporte
[editar | modificar o codigo]Instalacions esportivas
[editar | modificar o codigo]La celebración d'os Chuegos d'o Pacifico Sud de 2003 sirvió pa la millora y construcción de nuevas infrastructuras esportivas entre las cualas se troban un nuevo centro esportivo y gimnasio cubierto, piscina, estadio, campo de hockey y pistas, tot ixo en a redolada de Suva; la construcción de totas estas infrastructuras estió sufragada per lo gubierno y per un paquet d'aduya de 16 millons de dólars procedent d'a Republica Popular China.
La instalación esportiva mas destacada y important d'a ciudat ye lo Estadio Nacional de Fichi, un estadio multiusos que alberga partius de futbol y rugby. En él ocasionalment chugan los suyos partius las tríes de futbol y de rugby. Tamién ha acullió los partius d'a Copa Melanesia de Fútbol de 2000.
Competicions esportivas
[editar | modificar o codigo]Suva estió la siede d'os primers Chuegos d'o Pacifico, celebraus en l'anyo 1963, anyos mas tarde en 1979 acullió la seisena edición d'os mesmos chuegos y en l'anyos 2003 cuaranta anys dimpués d'organizar la primera edición organizó la docena edición, con un completo programa de 32 esportes per primera vegada.
Suva tamién estió la siede sola d'a Copa Melanesia en a edición de l'anyo 2000.
