Suillus luteus

Suillus luteus
Suillus luteus
Denominacions populars
fongo amariello, morro de ciervo
Clasificación cientifica
Reino:	Fungi
División:	Basidiomycota
Clase:	Agaricomycetes
Orden:	Boletales
Familia:	Suillaceae
Chenero:	Suillus
Especie:	S. luteus
Descripción
Suillus luteus (Carolus Linnaeus: Elias Magnus Fries) Samuel Frederick Gray,

O fongo amariello (nombre cientifico Suillus luteus), tamién dito morro de ciervo, ye una especie de fongo basidiomiceto d'o chenero Suillus y d'a familia Suillaceae. No tien preferencia por dengún tipo de solero, pero creixe baixo as especies d'o chenero Pinus, a on le'n troba con relativa frecuencia. O cuerpo fructifero aflora dende verano dica agüerro. Ye una seta comestible, encara que a cuticula viscosa d'o sombreriello puet tener fuertes efectos laxants en determinadas personas, por lo que ye convenient sacar-la.

Morfolochía

O pileu ye de color marrón y de forma convexa, con un diametro d'entre 4 y 10 centimetros, podendo plegar dica os 12 centimetros d'amplaria. A cuticula s'elimina de rafez, ye viscosa y o suyo borde ye arrollau, podendo presentar restas d'o velo. Os tubos son de color amariella palido y cuan l'eixemplar ye choven se troban cubiertos por l'aniello. Os poros son chicoz y angulosos, amariellos en fases inicials y pardiscos en aviellir-se a seta. En eixemplars chóvens, puet segregar bellas gotas leitosas, pero no en tanta cantidat como en o S. granulatus. O piet mesura entre 3 y 8 centimetros de luengo por entre 1 y 2,5 centimetros d'amplo, ye rebusto y blanquinyoso, cilindrico y presenta un aniello amplo y membranoso. A esporada ye de color pardo. A carne ye blanca amarillenca, d'olor afruitada y sabor no guaire intensa.

Referencias

• Datos: Q816730
• Multimedia: Suillus luteus / Q816730
• Especies: Suillus luteus