Sufixo -men
O sufixo -men expresa conchuntos u colectividat, y se presenta dezaga de a (-amen) u u (umen). Este sufixo tien muita vitalidat en chistabín. En atras variedatz d'aragonés no se troba que en bellas pocas parabras, referidas a conchuntos d'animals domesticos.
Contenius
Etimolochía[editar | editar código]
Foneticament representa una etapa en a evolución de l'aragonés anterior a lo cambio ta -amne, -umne de parabras que inicialment se pronunciaban -amen, -umen, y que a zaguers d'a baixa Edat Meya pasoron a pronunciar-se -ambre, -umbre.
En benasqués se presenta sin -n:[1] vacume, crabame/crabume, a l'egual que parabras con fonetica similar llegume, ixame.
Este sufixo equivale a lo sufixo -am en catalán (mamellam, clavegueram) y a la terminación -ambre/-umbre en castellán, (cochambre, techumbre).
Eixemplos[editar | editar código]
Eixemplos con a:
- -amen: ababolamen, vaixillamen, vedellamen, venamen, bestiamen, borregamen, caballamen, cascabillamen, cobillamen, costillamen, cristalamen[2], uellamen, latonamen, maciellamen, mulamen/mulatamen, nyudamen, pedramen, pollamen, pollinamen, radigamen, someramen.
Eixemplos con u:
- -umen: vacumen, crabumen, ferumen (malas olors, pudor), rechumen (embolico, muitas cosas chuntas y revueltas).
Referencias[editar | editar código]
- ↑ (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003, pp 324-325.
- ↑ (es) BLAS GABARDA, Fernando et ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN 978-84-8094-061-0. p 175
Bibliografía[editar | editar código]
- (es) Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010.
- (es) Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999).
- (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003.
- (es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002 ISBN 8424923391, 9788424923396.
