Strijdvlag

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Strijdvlag

Uso ... Proporción 2:3 Colors    Amariello    Negro

A strijdvlag (en flamenco bandera de luita) ye una bandera feita servir por partius politicos y organizacions ligatas a o movimiento flamenco. Ista bandera no ye oficial por lo que no se mete en as fronteras d'os edificios d'institucions flamencas que fan servir como bandera oficial una insignia pareixita.

Luita

Pachina 80 de l'armorial de Gelre d'o sieglo XIV, a on se pueden veyer (en o centro a la ezquierda) as armas d'o conte de Flandres.

A parti d'o movimiento flamenco que luita por a independencia de Flandres, considera ista bandera como "a que menos ha estato contaminata por as concesions a os francofonos", mientres que a bandera oficial, adoptata por o Parlamento flamenco, que leva un lión rampant con as garras y a luenga de gules, se veye como a bandera d'una Belchica federal d'a que Flandres no obtendrá pas a plena autonomía. A prencipal diferencia con a bandera oficial ye a color roya (en heraldica «de gules») d'as garras y d'a luenga. A elección d'ista color ta as garras y a luenga s'ha interpretato a sobén, por bels nacionalistas flamencos, como provenient d'a bandera tricolor, que ye de colors sable (negro), d'oro (amariello) y gules (royo). Por o que, a mayoría de nacionalistas flamencos s'estiman mas de fer servir a bandera negra y amariella (en heraldica "sable y oro").

Manimenos, a cuestión de si o lión de Flandres teneba orichinalment u no a luenga y as garras royas, contina estando obchecto de debate. a primera imachen d'un lión de Flandres, data d'o sieglo XIII y se veye un lión de tot negro (de sable) sobre un campo amariello (d'oro). En as imáchens d'o sieglo XIII, a color d'as garras y a luenga no siempre s'indican explicitament. En l'armorial Wijnbergen, que data de zaguerías d'o sieglo XIII, o lión ye negro de tot. En a segunda metat d'o sieglo XIV, o heraldo Claes Heynenszoon dito Gelre treballa en o famoso armorial de Gelre que contiene, entre atras, as armas de Flandres y as de Loís de Male, conte de Flandres. Os dos escudos identicos d'o conte y d'o condau de Flandres representan a luenga y as garras en gules (royo). Ye posible que as colors de l'armorial de Wijnbergen sian inexactas y que as armas d'o conte Felipe d'Alsacia ya tenesen os detalles en royo.