Strigops habroptilus

De Biquipedia
Ir a la navegación Ir a la búsqueda
Strigops habroptila
Kakapo
Kakapo masclo en a isla Maud
Denominacions populars
Kakapo, kākāpō, night parrot, owl parrot
Estato de conservación
Status iucn2.3 CR.svg
En periglo critico (IUCN)
Clasificación scientifica
Dominio:
Eukaryota
Reino:
Animalia
Filo:
Chordata
Clase:
Aves
Orden:
Psittaciformes
Familia:
Strigopidae
Chenero:
Strigops
Especie:
S. habroptila
Descripción
Strigops habroptila
G.R. Gray, 1845

O kakapo (en maorí kākāpō, nombre scientifico Strigops habroptila) ye una especie de loro no volador, nocturno perteneixient a la superfamilia Strigopoidea, endemica de Nueva Zelanda.[1]

Descripción[editar | editar código]

Tien un plumache con finas tacas amariellas y verdas, un distinctivo disco facial con plumas sensorials, un gran pico griso, garras curtas, pietz grans y alas y una coda de relativament curta largaria. Una combinación de rasgos que lo fa unico en a suya especie; ye l'unico loro d'o mundo que no ye volador, o loro más pesau, nocturno, herbivoro, sexualment dimorfico en a grandaria d'o suyo cuerpo, tien una baixa tasa de metabolismo basal, os masclos no paran cuenta d'os muixonetz y ye l'unico loro que tien un sistema de cría basau en a polichinia. Tamién ye probablement un d'os muixons que más anyos vive d'o mundo.[2] A suya anatomía tipifica a tendencia d'a evolución d'as aus en as islas ocianicas, con pocos depredadors y a-saber-la comida: un fisico cheneralment cerenyo, con perduga d'a eficiencia termodinamica debiu a las suyas nulas habilidatz ta volar, musclos d'as alas reducius y una carena reducida en o esternón.[2]

O kakapo en a cultura[editar | editar código]

Como muitas atras especies de muixons neozelandesas, o kakapo estió historicament important ta os maorís, o pueblo indichena de Nueva Zelanda, apareixendo en muitas d'as suyas leyendas y folclor tradicional; manimenos yera prou cazau y emplegau como recurso por os maorís, d'una man por a suya carne como alimento y d'atra por as suyas alas, que yeran emplegadas ta fer piezas de ropa de gran valura. Os kakapos tamién yeran ocasionalment emplegaus como mascotas.

Estau de conservación[editar | editar código]

O kakapo ye criticament menazau; estando en abril de 2018, a suya población adulta conoixida de 149 eixemplars, seguntes informacions d'o programa ta a recuperación d'o kakapo, muitos d'ells con nombres propios.[3] Debiu a las colonizacions polinesia y europea y a introducción de depredadors como gatos, ratas, furons y arminios, o kakapo practicament ha desapareixiu. Os esfuerzos ta a suya conservación prencipioron en a decada de 1890, pero no tenioron guaire exito dica a implementación d'o Plan de Recuperación d'o Kakapo en a decada de 1980. En abril de 2012, os kakapos que encara quedaban viviban en tres islas libres de depredadors, as Codfish (Whenua Hou), Anchor, y Little Barrier, a on os suyos movimientos son monitorizaus.[4][5] Actualment dos grans islas de Fiordland, Resolution y Secretary, se quieren rehabilitar ecolochicament ta creyar ecosistemas autosostenibles con habitats apropiaus ta o kakapo.

Referencias[editar | editar código]

  1. (en) "The foods of kakapo on Stewart Island as determined from their feeding sign". H. A. Best, New Zealand Journal of Ecology, 1984. Vol 7, Pach. 71–83
  2. 2,0 2,1 (en) "A parrot apart: the natural history of the kakapo (Strigops habroptilus), and the context of its conservation management". Ralph G. Powlesland, Don V. Merton, John F. Cockrem. Notornis, 2006, vol. 53, pach. 3–26
  3. (en) "KAKAPO PARROTS – The 86 Names". anotherchancetosee.com. 4 d'agosto de 2006. Archived from the original on 12 de febrero de 2007. https://web.archive.org/web/20070212012141/http://www.anotherchancetosee.com/2006/08/kakapo-parrots-86-names.html. Retrieved 6 de febrero de 2007. 
  4. (en) "Kakapo Habitat". Kakapo Recovery. http://kakaporecovery.org.nz/kakapo-habitat/. Retrieved 5 de marzo de 2014. 
  5. (en) "Kakapo relocated to raise chicks". stuff.co.nz. http://www.stuff.co.nz/environment/6746273/Kakapo-relocated-to-raise-chicks. Retrieved 16 d'abril de 2012. 

Vinclos externos[editar | editar código]