Strangers on a Train (cinta)

Iste articlo ye sobre una cinta estausunidense de cine negro d'intriga estrenada en 1951; ta atros usos, se veiga Strangers on a Train.

Strangers on a Train
Títol	Strangers on a Train
Póster d'a cinta, obra de Bill Gold.
Ficha tecnica
Dirección	Alfred Hitchcock
Aduyant de dirección	Mel Dellar
Dirección artistica	Ted Haworth
Producción	Alfred Hitchcock
Guión adaptau	Raymond Chandler Czenzi Ormonde
Basau en	Strangers on a Train, novela de Patricia Highsmith (1950)
Musica	Dimitri Tiomkin
Soniu	Dolph Thomas
Fotografía	Robert Burks
Montache	William Ziegler
Escenografía	George James Hopkins
Maquillache	Gordon Bau Bill Phillips
Peluquería	Myrl Stoltz
Efectos especials	Hans F. Koenekamp
Actors	Farley Granger Ruth Roman Robert Walker Leo G. Carroll Patricia Hitchcock Kasey Rogers Marion Lorne Jonathan Hale Howard St. John John Brown Norma Varden Robert Gist John Doucette Jack Cushingham
Color	Blanco y negro
Datos y cifras
País(es)	Estaus Unius
Anyo	1951
Estreno	27 de chunio de 1951 Estaus Unius
Chenero(s)	Cine negro Cine d'intriga
Durada	101min.
Idioma(s)	Anglés Francés
Companyías
Productora(s)	Transatlantic Pictures
Distribución	Warner Bros.
Estudio(s)	Warner Brothers Burbank Studios
Presupuesto	1,2 millons de dólars
Recauto	7 millons de dólars
Informacions en bases de datos especializadas:

Strangers on a Train (títol orichinal en anglés, en aragonés Estranios en un tren, estrenada en Aragón con o suyo títol traduciu enta lo castellano como Extraños en un tren) ye una cinta en blanco y negro de cine negro d'intriga de cine estausunidense estrenada l'anyo 1951, dirichida por Alfred Hitchcock seguntes un guión adaptau por Raymond Chandler y Czenzi Ormonde (basau en a novela Strangers on a Train, que heba publicau Patricia Highsmith en l'anyo 1950), con una banda sonora orichinal de Dimitri Tiomkin, una dirección de fotografía de Robert Burks y una producción cinematogrfaica d'Alfred Hitchcock ta la productora cinematografica Transatlantic Pictures. Conta con un elenco d'actors d'o cual en fan parte Farley Granger, Ruth Roman, Robert Walker, Leo G. Carroll, Patricia Hitchcock, Kasey Rogers, Marion Lorne, Jonathan Hale, Howard St. John, John Brown, Norma Varden, Robert Gist, John Doucette y Jack Cushingham, entre d'atros.

Guy Haines ye un chugador de tenis que vive en Washington, DC y deseya esvurciar-se d'a suya esposa promiscua, Miriam, ta fer voda con Anne Morton, filla d'un miembro d'o Senau d'os Estaus Unius. Cuan ye viachando en un tren, lo reconoix Bruno Antony, qui sabendo d'a suya situación li proposa un plan: que intercambien asasinatos, asasinando él a Miriam y Guy a lo pai de Bruno, a qui iste odia. Ta sacar-se a Bruno de dencima, Guy aparenta que li intresa lo plan, pero marcha a escape, tan rapedo que mesmo deixa un encendedor ixuplidau. Guy yera viachando dende Washington, DC enta Metcalf (Illinois) ta pagar-li a Miriam os diners que ista li heba desichiu ta pagar a un avogau ta l'esvurcio, pero cuan ha recibiu os diners li diz que no quiere esvurciar-se y lo menaza con declarar que él ye lo pai d'o fillo que aspera, en estar embarazada. Ixa nueit, Bruno sigue a Miriam enta un parque d'atraccions a on l'asasina, mientres que Guy Torna enta Washington, DC en tren. Dimpués, Bruno informa a Guy de que ha asasinau a Miriam y le desiche que cumpla con lo que él creye que ha estau o tracto entre toz dos. Cuan Guy visita a la familia Morton, li confirman que su muller ha estau asasinada y li dicen que él estará lo primer sospeitoso ta la Policía, en beneficiar-se d'a muerte de Miriam. Amás, cuan a policía interroga a Guy y iste explica que en o momento de l'asasinato él yera dentro d'un tren, no consigue confirmar con testigos ixa afirmación. Bruno prencipia a perseguir a Guy por tot Washington, DC ta menazar-lo, dica lo punto que a la fin Anne sospeita y Bruno se veye obligau a contar-li tot, y Anne marcha enta casa d'a mai de Bruno ta explicar-li que su fillo ye un asasino, pero descubre que ista ya no ye en buen estau mental. Cuan Bruno menaza a Guy con deixar o suyo encendedor en o parque d'atraccions ta incrimniar-lo, Guy marcha enta ixe lugar ta impedir-lo.

A cinta s'ambienta en a suya epoca actual (1951) en Metcalf (Illinois) y Washington, DC, y las suyas escenas se filmoron en Nueva York (Nueva York), Danbury (Connecticut), Los Angeles (California) y Washington, DC, amás d'en os Warner Brothers Burbank Studios en Burbank, tamién en California.

Se tracta d'una cinta que ha recibiu bels premios y nominacions, en destacando una nominación a lo Premio Oscar a la Millor Fotografía en 1952 mientres a 24^ena edición d'os Premios Oscar.

Elenco

Actor	Papel	Notas
	'

Se veiga tamién

• Cine en 1951.
• Cintas de 1951.

Vinclos externos

• Se veigan as imáchens de Commons sobre Strangers on a Train.
• (en) Strangers on a Train en Internet Movie Database.
• (en) Strangers on a Train en l'American Film Institute Catalog de l'American Film Institute.

• Datos: Q499639
• Multimedia: Strangers on a Train (film) / Q499639