Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Star Trek: Enterprise.
Star Trek: Enterprise ye una serie de televisión de ciencia ficción d'Estaus Unius creyada por Rick Berman y Brannon Braga.[1] A serie sigue as aventuras d'a primera nau humana que plega a Warp 5, a nau Enterprise (NX-01), diez anyadas antis d'a formación d'a Federación Unida de Planetas amostrada en atras series de Star Trek.
Jonathan Archer (Scott Bakula) ye o Capitán de l'Enterprise, a primera nau espacial d'a Tierra con capazidat de volar Warp 5. Su pai, Henry, disenyó o suyo motor, dando-le a Archer una connexión personal con a suya nau.
T'Pol (Jolene Blalock) ye a Oficial Cientifica de l'Enterprise, orichinalment adchunta a l'Enterprise por l'Alto Mando Vulcano pa mantener a os humans difuera de problemas.
Trip Tucker (Connor Trinneer) ye l'incheniero chefe de l'Enterprise y un viello amigo d'o Capitán Archer.
Malcolm Reed (Dominic Keating) ye l'oficial tactico de l'Enterprise, tamién ye a cargo d'a seguranza d'o barco. Reed proviene d'una larga linia d'hombres d'a Royal Navy, pero s'unió a la Flota Estelar por miedo a afogar-se.
Hoshi Sato (Linda Park) ye oficial de comunicacions de l'Enterprise y un chenio lingüistico. Capaz d'aprender idiomas extraterrestres con extrema rapideza, Hoshi actúa como entrepite entre a tripulación de l'Enterprise y as nuevas especies alienichenas, mesmo dimpués que o traductor universal ye en linia. Sufriba angluzia por o suyo puesto a bordo orichinalment, pero a exposición a periglos frecuents la aduyó a dar-se cuenta d'a suya valor pa a nau.
Phlox (John Billingsley) ye o director medico de l'Enterprise. Un miembro d'a raza Denobulan , Phlox ye levau a bordo de l'Enterprise pa cudiar a o pasachero klingon T'pol entre a primera misión d'a nau. Dimpués, s'ofreix como voluntario pa quedar-se, deleitando-se con a experiencia d'a humanidat dando os suyos primers trangos enta l'espacio galactico. Un extraterrestre extremadament alegre, o Dr. Phlox utiliza muitos animals y curas naturalistas en a practica d'a medicina, amás d'os metodos tecnolochicos habituals.
