Squid Game

De Biquipedia
Ir a la navegación Ir a la búsqueda
오징어 게임 logo.svg
Lo logotipo en anglés de Squid Game, que amuestra l'uso incorporau d'as formas circulars, triangulars y quadradas.

Squid Game (traducción a l'anglés d'o nombre orichinal en corián, 오징어 게임; romanización revisada d'o corián, Ojingeo Geim; en aragonés: Lo chuego d'o calamar)[1][2] ye una serie de televisión sudcoriana de suspense y drama de supervivencia[3] enguerada lo 17 de setiembre de 2021 en Netflix.

Escrita y endrezada per Hwang Dong-hyuk y protagonizada per Lee Jung-jae, Park Hae-soo, Wi Ha-joon, Jung Ho-yeon, O Yeong-su, Heo Sung-tae, Anupam Tripathi, y Kim Joo-ryoung, la serie se centra en un concurso en o qual 456 chugadors, totz de diferents ambitos d'a vida, pero totz fundament endeudaus, chugan a una serie de chuegos infantils con conseqüencias fatals si pierden, pa tener la oportunidat de ganar 45 600 millons de wons.[4] Hwang heba concebiu la ideya basando-se en as suyas propias luitas economicas a lo prencipio d'a suya vida, asinas como en a desigualdat economica en Coreya d'o Sud.

Dende lo suyo enguero se convirtió en a serie mes vista de Netflix, con mes de 142 millons d'espectadors arredol d'o mundo,[5] superando en ixe alavez a Bridgerton como la serie mes vista d'a plataforma.

En noviembre de 2021 s'anunció que la serie heba estau renovada pa una segunda temporada.[6][7]

Sinopsi[editar | modificar o codigo]

La serie narra la historia de 456 presonas que deciden convertir-sen en chugadors d'una serie de misteriosos y malaudizos chuegos infantils de supervivencia mortal pa tener la oportunidat de ganar la cantidat maxima de 45.000 millons de wons. Per cada persona que i muere s'anyaden 100 millons de wons a lo pote, enzurizando lo conflicto entre los chugadors.[8]

Lo chuego final, tamién lo que da títol a la serie, ye lo chuego d'o calamar, muit fisico y en o qual només i puet haber que un ganador. Lo chuego se diz asinas ya que l'aria en que se chuga tien diferents formas cheometricas (cerclo, quadrau u trianglo) dibuixadas en o goso que, en lur conchunto, pareixen formar un calamar. Si un atacant aconsigue trascruzar a lo defensor y dentrar en o tozuel d'o calamar, se proclama como ganador d'o chuego.[9]

Referencias[editar | modificar o codigo]

Vinclos externos[editar | modificar o codigo]