Sociedat de Lingüistica Aragonesa/SLA

De Biquipedia
Ir a la navegación Ir a la búsqueda
Logo SLA.png Iste articlo ye escrito con a grafia d'a SLA. Puet veyer-se a version escrita con as normas de l'Academia aquí.
Start hand.svg Esta fuella ye escrita en ribagorçano.
El logo de la SLA

La Sociedat de Lingüistica Aragonesa u SLA (en grafia de Uesca: Soziedá [-dat] de Lingüistica Aragonesa) ye una asociacion que s'adedica a la promocion de la llengua aragonesa a través de la investigacion cientifica en lingüistica. Se va fundar en el 2004.

La motivacion de la creacion de la SLA ye l'ambicion d'un treballo cientifico d'alta qualidat: se presenta como una alternativa al treballo del Consello de la Fabla Aragonesa (CFA) que, seguntes la SLA, presentaria grans mancanças de rigor.

La SLA elabora una codificacion de l'aragonés, dita grafia SLA, que ye un modelo diferent de la grafia de Uesca promocionada per el Consello de la Fabla Aragonesa (CFA). La grafia SLA se preocupa de la conexion de l'aragonés con las normas de las atras llenguas romanicas, especialment del catalan i de l'occitano. Ye la base d'una posible estandardiçacion futura de l'aragonés que tendria en cuenta un conoiximiento sério de la dialectologia aragonesa i que seria una alternativa al modelo d'"aragonés comun" del CFA, estimau artificial per la SLA.

La SLA edita la revista De Lingva Aragonensi con la voluntat d'amillorar i dinamiçar las publicacions cientificas sobre l'aragonés.

Tamé los lingüistas de la SLA participan regularment en vários colóquios i revistas internacionals de lingüistica.

El president de la SLA ye el lingüista benasqués José António Saura Rami.

Se veiga tamé[editar | editar código]

Vinclos internos[editar | editar código]

Vinclos externos[editar | editar código]