Sistema educativo en Espanya
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O sistema educativo en Espanya se divide en os cinco grans tipos d'educacions presents en Espanya:
- A Educación Infantil (entre os 0 y os 6 anyos) ye de caracter no obligatorio; se reparte en dos etapas (1º ciclo de 0 a 3 anyos y 2º ciclo de 3 a 6 anyos).
- A Educación Primaria (entre os 6 y os 16 anyos, aproximadament) ye de caracter obligatorio (y, por tanto, ye gratuita en institucions publicas, a excepción d'a compra de libros y materials educativos y comprende seis cursos.
- A Educación Segundaria Obligatoria (ESO) consta de cuatro cursos, entre os 12 y los 16 anyos.
- A educación segundaria postobligatoria, que fa referencia a cinco amostranzas independients entre ellas y que exichen ta estar cursadas a posesión d'o titol d'a ESO: o Bachillerato (2 cursos), a Formación Profesional de grau meyo, as amostranzas profesionals d'artes plasticas y disenyo de grau meyo, y as amostranzas esportivas de grau meyo.
- A educación superior (con distintos criterios ta acceder pendendo de l'amostranza trigada), que comprende, de forma independient entre ellas, l'amostranza universitaria, as amostranzas artisticas superiors, a formación profesional de grau superior, as amostranzas profesionals d'artes plasticas y disenyo de grau superior y as amostranzas esportivas de grau superior. As amostranzas de rechimen especial, que son a d'idiomas, as artisticas y as esportivas.
D'alcuerdo con a Constitución, existe un reparto de competencias en materia educativa entre as diversas entidaz y Administracions presents en o Estau. Basicament, l'Administración central se reserva a competencia exclusiva ta regular a estructura d'os distintos livels educativos y as condicions d'obtención, expedición y homologación d'os titols academicos y profesionals.
Educación infantil[editar | modificar o codigo]
- Articlo prencipal: Educación infantil en Espanya
Estructura: dos ciclos educativos de tres cursos academicos cadagún, que se denominan:
- Primer ciclo (0–3 anyos)
- Segundo ciclo (3–6 anyos)
Educación primaria[editar | modificar o codigo]
A educación primaria comprenderá seis cursos academicos, dende os seis a os doce anyos d'edat. A finalidat d'iste livel educativo será proporcionar a toz os ninos una educación comuna que faiga posible l'adquisición d'os elementos basicos culturals, os aprendizaches relativos a la expresión oral, a la lectura, a la escritura y a o calculo aritmetico, asinas como una progresiva autonomía d'acción en o suyo meyo.
Estructura: tres ciclos de dos cursos cadagún:
- Primer ciclo (6–8 anyos)
- 1º Primaria
- 2º Primaria
- Segundo ciclo (8–10 anyos)
- 3º Primaria
- 4º Primaria
- Tercer ciclo (10–12 anyos)
- 5º Primaria
- 6º Primaria
Contenius: s'organizará en arias que serán obligatorias y tendrán un caracter global y integrador. As arias d'iste nivel educativo serán as siguients:
- Conoixencia d'o meyo natural, social y cultural.
- Educación artistica.
- Educación Fisica.
- Luenga castellana, luenga oficial propia d'a correspondient Comunidat Autonoma y Literatura.
- Luengas extrancheras.
- Matematicas.
Metodolochía: A metodolochía didactica s'orientará a o desembolique cheneral de l'alumno, integrando as suyas distintas experiencias y aprendizaches. L'amostranza tendrá un caracter personal y s'adaptará a os distintos ritmos d'aprendizache de cada nino.
Correspondencia con l'anterior Lei d'Educación de 1970:
- 1º a 6º d'Amostranza Cheneral Basica (E.G.B.)
Educación segundaria[editar | modificar o codigo]
- Articlo prencipal: Educación Segundaria Obligatoria en Espanya)
Estructura: dos ciclos de dos cursos academicos cadagún:
- Primer ciclo (12–14 anyos, si no repite curso)
- 1º Y.S.U.
- 2º Y.S.U.
- Segundo ciclo (14–16 anyos, si no repite curso)
- 3º Y.S.U.
- 4º Y.S.U.
En rematar a ESO l'alumno (si apreba) tiene diferents opcions:
- Cursar os ciclos formativos de grau meyo.
- Acceder a o Bachillerato.
- Incorporar-se a o mundo d'o treballo (ha compliu a edat minima ta acceder).
Si no ha obteniu o titol d'ESO, puede incorporar-se a un Programa de Cualificación Profesional.
Correspondencia con l'anterior Lei d'Educación de 1970:
- 7º y 8º d'Amostranza Cheneral Basica (E.G.B.)
- 1º y 2º de Bachillerato Unificau Polivalent (B.U.P.)
Bachillerato[editar | modificar o codigo]
- Articlo prencipal: Bachillerato en Espanya
Estructura: consta d'un ciclo de dos cursos academicos (16–18 anyos)
- 1º Bachillerato
- 2º Bachillerato
A estructura de Bachillerato se divide en modalidaz:
- Antigo sistema de modalidaz:
- Artes (dos vías)
- Ciencias d'a naturaleza y a salut
- Humanidaz y Ciencias socials
- Ciencias y Tecnolochía
- Nuevo sistema (ficau en o curso 2008/2009)[1]
- Artes (artes plasticas imachen y disenyo; u artes escenicas, mosica y danza)
- Ciencias y Tecnolochía
- Humanidaz y Ciencias socials
Correspondencia con l'anterior Lei d'Educación de 1970:
- 3º Bachillerato Unificau Polivalent (B.U.P.)
- Curso d'Orientación Universitaria (C.U.U.)
Formación profesional especifica de grau meyo[editar | modificar o codigo]
- Articlo prencipal: Formación profesional en Espanya
Acceso: tener o títol de Graduau en Educación Segundaria u equivalent u bien superar a preba d'acceso.
Estructura: comprende un conchunto de ciclos formativos que s'organizan en modulos profesionals.
Os ciclos formativos son organizaus en diferents familias profesionals.
En rematar acabar se puet acceder a o bachillerato convalidando amás determinadas materias u incorporar-se a o mercau laboral.
Amostranzas de rechimen especial[editar | modificar o codigo]
As amostranzas que comprenden iste apartau no son integradas en os livels, as etapas u os ciclos que constituyen o rechimen cheneral. Tienen a suya estructura y os suyos livels propios, y pueden ir dende as amostranzas elementals dica estudios equivalents a diplomatura u licenciatura.
Son amostranzas de rechimen especial:
- Artes plasticas y disenyo
- Conservación y Restauración de biens culturals
- Mosica
- Danza
- Arte Dramatico (Teatro)
- Idiomas
- Carrera militar
Educación superior[editar | modificar o codigo]
- Articlo prencipal: Educación universitaria en Espanya
Dica 2010[editar | modificar o codigo]
Os estudios universitarios se estructuran en ciclos, y prenen como medida d'a carga lectiva o credito.
Estructura y acceso[editar | modificar o codigo]
- Estudios de primer ciclo: Acceso con a preinscripción. Son estudios terminals y en rematar s'obtiene os titols de diplomau, mayestro, arquitecto tecnico u bien incheniero tecnico. Tamién permiten l'acceso a estudios de segundo ciclo.
- Estudios de primer y segundo ciclo: Acceso con a preinscripción universitaria. A suya superación da dreito a la obtención d'os titols de licenciau, arquitecto u bien incheniero. A superación d'o primer ciclo de cualsiquiera d'istos estudios no comporta a obtención de garra titulación oficial, pero puede estar valida ta la incorporación a atros estudios de segundo ciclo.
- Estudios de segundo ciclo: Acceso por a vía d'un primer ciclo universitario, u bien estando en posesión d'o titol de diplomau, arquitecto tecnico, incheniero tecnico u mayestro, siempre que istos estudios s'achusten a la normativa d'acceso ta cadagún d'os segundos ciclos. A suya superación da dreito a la obtención d'os titols de licenciau, arquitecto u incheniero.
- Estudios de tercer ciclo: Son os denominaus programas de doctorau. L'acceso viene regulado por a mesma universidat, por a vía d'a Comisión de Doctorado. Cal estar en posesión d'o títol de licenciau, arquitecto u incheniero.
- Titols propios: Iste títol acredita un ciclo universitario de formación de postgrau no doctoral y reconoixe un ran cualificau de formación superior a la de grau. A normativa d'iste tipo de máster viene dictada por as propias universidaz, pero as caracteristicas basicas prencipals son comunas en todas ellas.
Istos estudios tienen a mesma estructura que os estudios reglaus: por tanto, i hai titols propios de primer ciclo, de primer y segundo ciclo y de segundo ciclo.
As universidaz regulan l'acceso a os titols propios y fixan os pres academicos. Tamién pueden ofrir titols de postgrau no oficials.
A partir de 2010[editar | modificar o codigo]
Dimpués d'a incorporación a o Espacio Europeu d'Educación Superior, os titols universitarios oficials se reducen a:
- Grau: Carrera universitaria de cuatro anyos.
- Máster: Programa de postgrau d'un u dos anyos de duración. Ta a suya matriculación ye necesario tener previament o titol de grau u una titulación universitaria perteneixient a l'anterior modelo.
- Doctorau: Programa de postgrau. Ta a suya matriculación ye necesario tener previament o titol de máster.
Educación Superior no Universitaria[editar | modificar o codigo]
Amostranzas Artisticas Superiors[editar | modificar o codigo]
Istos estudios comprenden as arias de:
- Mosica y Danza.
- Arte dramatico.
- Conservación y restauración de bienes culturals.
- Artes plasticas.
- Disenyo.
- Ceramica.
- Vidre.
A duración d'os estudios ye variable y cuan se superan, adugan enta o Titol de Grau en l'aria correspondient.
Ciclos Formativos de Grau Superior[editar | modificar o codigo]
Acceso: con o titol de Bachillerato u superando una preba d'acceso.
En Espanya son igualment estudios superiors os que s'obtienen en as siguients arias:
- Ciclos formativos de grau superior de Formación Profesional que levan enta o titol de Tecnico Superior en a especialidat correspondient.
- Grau superior d'artes plasticas y disenyo: que leva enta la titulación de Tecnico Superior en Artes Plasticas y Disenyo en a especialidat correspondient.
- Tecnico esportivo de grau superior: que leva enta la titulación d'o mesmo nombre.
- Amostranza oficial d'idiomas.
- Tamién se consideran estudios superiors a superación d'a zaguera etapa d'as amostranzas d'idiomas (livel enantau).