Sistema d'escritura

De Biquipedia
Ir ta: navego, busca
Articlo d'os 1000
Sistemas d'escritura predominants a ran estatal, con bells sistemas rechionals y minoritarios.
Alfabeto Latín Cirilico+Latín Griego Cheorchián Armenio Logografico+Silabico Hanzi (L) Kana (2S)+Kanji(L) Hangul(Fonematico S)+bella cosa de Hanja(L)
Abchad Arabic+Latín Hebreu Abuguida N, S Indico Etiopico Thaana Silabico canadiense

Un sistema d'escritura ye un tipo de sistema simbolico emplegato ta representar elementos u declaracions expresables en o luengache por meyo d'a escritura. Os sistemas d'escritura se diferencian d'atros posibles sistemas de comunicación basatos en simbolos en que por un regular cal comprender a o menos parti d'a luenga parlata en qüestión ta poder leyer y entender o texto. Contrastan con atros posibles sistemas simbolicos como os sinyals de trafico, a pintura, os mapas y as matematicas, que no necesariament penden d'un conoiximiento previo d'una luenga parlata ta quitar-ne o significato asociato.

Toda comunidat humana tien una luenga parlata, ya sía oralment, ya sía por signos. Ye un rasgo considerato por beluns com una condición innata y definidora d'a condición humana. Manimenos, o desembolique y adopción d'os sistemas d'escritura nomás ha pasato unas pocas vegatas. Quan ya s'han establito, os sistemas d'escritura en cheneral se modifican muito mas lentament que a propia luenga, y asobén conservan rasgos y exprisions que ya no son corrients en a luenga parlata d'a comunidat. O gran avance conferito por os sistemas d'escritura ye a suya capacidat ta mantener un rechistro persistent d'información expresable en bella luenga, que se puet recuperar independientment de l'acte inicial de formulación.

Totz os sistemas d'escritura requieren:

  • un conchunto d'elementos base u simbolos definitos (ditos caracters u grafemas);
  • un conchunto de regles y convencions entendito y compartito por una comunidat, que asigna arbitrariament significato, ordenación y interrelacions a os elementos base;
  • una luenga representata (por un regular una luenga parlata); a interpretación d'os elementos y regles d'os sistema d'escritura permiten reproducir as construccions d'ista luenga;
  • bell medio fisico ta representar clarament os simbolos d'una traza permanent u semi-permanent sobre bell soporte, ta que puedan estar interpretatos (por un regular visualment, encara que tamién s'han inventato sistemas táctils).

Bibliografía[editar | editar código]

  • Daniels, Peter T., i William Bright, eds. (1996). The world's writing systems. ISBN 0-19-507-993-0.
  • DeFrancis, John (1990). The Chinese Language: Fact and Fantasy. Honolulu: University of Hawaii Press. ISBN 0824810686
  • Hannas, William, C. (1997). Asia's Orthographic Dilemma. University of Hawaii Press. ISBN 082481892X (paperback); ISBN 0824818423 (hardcover)
  • Sampson, Geoffrey (1985). Writing Systems. Stanford, California: Stanford University Press. ISBN 0-8047-1756-7 (paper), ISBN 0-8047-1254-9 (cloth).
  • Smalley, W.A. (ed.) (1964). Orthography studies: articles on new writing systems. United Bible Society, London.

Vinclos externos[editar | editar código]