She Said (cinta)

Iste articlo ye sobre una cinta dramatica estausunidense de l'anyo 2022; ta atros usos, se veiga She Said.

She Said
Títol	She Said
Póster d'a cinta.
Ficha tecnica
Dirección	Maria Schrader
Dirección artistica	Tommy Love Rosy Thomas
Producción	Dede Gardner Jeremy Kleiner
Disenyo de producción	Meredith Lippincott
Guión adaptau	Rebecca Lenkiewicz
Basau en	She Said, asayo de Jodi Kantor y Megan Twohey (2019)
Musica	Nicholas Britell
Fotografía	Natasha Braier
Montache	Hansjörg Weißbrich
Escenografía	Philippa Culpepper
Vestuario	Brittany Loar
Casting	Francine Maisler
Actors	Carey Mulligan Zoe Kazan Dalya Knapp Emery Ellis Harper Patricia Clarkson Andre Braugher Frank Wood Tom Pelphrey Adam Shapiro Jennifer Ehle Samantha Morton Angela Yeoh
Datos y cifras
País(es)	Estaus Unius Chapón
Anyo	2022
Estreno	13 d'octubre de 2022 Festival de Cine de Nueva York (Nueva York, Nueva York, Estaus Unius) 13 de chinero de 2023 Chapón
Chenero(s)	Cine de drama
Durada	129 min.
Idioma(s)	Anglés Hebreu Cantonés
Companyías
Productora(s)	Annapurna Pictures Plan B Entertainment
Distribución	Universal Pictures
Presupuesto	32 millons de dólars
Recauto	13,9 millons de dólars
Informacions en bases de datos especializadas:

She Said (títol orichinal en anglés, en aragonés Ella dició, estrenada en Aragón con o títol en castellano d'Al descubierto, en aragonés Esclafinau) ye una cinta de cine de drama coproducida por o cine estausunidense y lo cine chaponés estrenada l'anyo 2022, con una banda sonora orichinal de Nicholas Britell, una dirección de fotografía de Natasha Braier, una producción cinematografica de Dede Gardner y Jeremy Kleiner ta las productoras Annapurna Pictures y Plan B Entertainment y un elenco d'o cual en fan parte, entre d'atros actors, Carey Mulligan, Zoe Kazan, Dalya Knapp, Emery Ellis Harper, Patricia Clarkson, Andre Braugher, Frank Wood, Tom Pelphrey, Adam Shapiro, Jennifer Ehle, Samantha Morton y Angela Yeoh.

Jodi Kantor ye una periodista d'o New York Times en 2017, a qui dicen que l'actriz Rose McGowan ha estau agredida sexualment por o productor Harvey Weinstein. Cuan preba de charrar con l'actriz, ista en primeras no accepta pero finalment li explica que Weinstein la heba violau cuan teneba 23 anyos. A periodista charra tamién con as actrices Ashley Judd y Gwyneth Paltrow, que tamién li explican as suyas situacions con o productor pero no quieren que lo suyo nombre amaneixca publicau en relación con ixe tema, en temer consecuencias enta la suya carrera cinematografica. Kantor recluta a la periodiata Megan Twohey ta que l'aduye con a investigación y prencipian a contactar con mullers que heban treballau con Weinstein, y bell una lis diz que no en puet charrar en haber sinyau un alcuerdo de cnfidencialidat. Cuan charran con Linda Fairstein, miembro d'a Fiscalía cuan s'heban sinyau ixos alcuerdos, troban poca cooperación, descubrindo que Weinstein teneba vinclos socials con ella. Tamién contactan con antigas asistents de Weistein, Rowena Chiu, Zelda Perkins y Laura Madden, qui lis confirman comportamientos poco apropiaus y dica una atra violación. Cuan Weinstein conoix a existencia d'a investigación, niega cualsiquier acusación, pero a la fin, presionau por a immediata publicación d'un articlo explicando-lo tot, reconoix bella implicación, se desincusa por cualsiquier danyo produciu y anuncia una renuncia a lo suyo puesto en a suya productora, The Weinstein Company, pero finalment o New York Times publica l'anuncio lo 5 d'octubre de 2017.

A cinta s'ambienta en Nueva York (Nueva York) en 2017, y las suyas escenas se filmoron en ixa mesma ciudat.

Ye una cinta que ha recibiu cuantos premios y nominacions, en destacando una nominación a los Premios Globos d'Oro en 2023 mientres a 80^ena edición d'os premios (Millor Actriz Segundaria); y dos nominacions a los Premios BAFTA ixe mesmo anyo en a suya 78^ena edición (Millor Actriz Segundaria y Millor Guión Adaptau).

Elenco

Actor	Papel	Notas
	'

Se veiga tamién

• Cine en 2022.
• Cintas de 2022.

Vinclos externos

• (en) She Said en Internet Movie Database.
• (en) She Said en Rotten Tomatoes.
• (en) She Said en Metacritic.

• Datos: Q107969593