Seu de Sant Ruperto y Sant Virchilio de Salzburgo
| Seu de S. Ruperto y S. Virchilio Salzburger Dom | |
|---|---|
| |
| Situación cheografica | |
| Estau | |
| País | |
| ' | |
| Situación |  Salzburgo, Austria
|
| Adreza | |
| Coordenatas | |
| Archidiocesi | Salzburgo |
| Diocesi | |
| Arcipestrau | |
| Información cheneral | |
| Advocación | Sant Ruperto y sant Virchilio |
| Culto | Ilesia catolica |
| Orden | |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | |
| Administrador | |
| Director | |
| Coste | {{{coste}}} |
| Visitable | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.l.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Seu |
| Estilo | Barroco |
| Función | |
| Catalogación | |
| Materials | |
| Construcción | |
| Construcción | Sieglo XVII |
| Fundador | |
| Inicio | |
| Fin | |
| Inauguración | |
| Destrucción | |
| Arquitecto | |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
A seu de Sant Ruperto y Sant Virchilio de Salzburgo (en alemán Domkirche St. Rupert und Virgil u Salzburger Dom) ye una seu d'estilo barroco situada en a ciudat de Salzburgo, Austria y adedicada a sant Ruperto y sant Virchilio.[1] Sant Ruperto establió a ilesia en l'anyo 774 sobre as enrunas d'a ciudat romana, y a seu fue reconstruyida en 1181 dimpués d'un incendio.[2] En o sieglo XVII a seu fue totalmen reconstruyida en estilo barroco baixo o mandato d'o prencipe-bispe Wolf Dietrich von Raitenau, deixando a suya aparencia actual.[2] A seu de Salzburgo encara alza a pila baptismal en a que fue baptizau o compositor Wolfgang Amadeus Mozart.[3]
Historia
[editar | modificar o codigo]L'emplazamiento d'a seu fue probablement puesto de culto destinau a sacrificios en tiempos celtas y romanos. A seu primitiva fue construyida baixo a protección de Virchilio de Salzburgo, astronomo y bispe d'a diocesi, quien podría haber emplegau l'asentamiento estableixiu por Ruperto. O primer rechistro data de 774.
A dita seu de Virchilio fue construyida entre 767 y 774, teneba 66 metros de largaria por 33 metros d'amplaria. L'arcebispe Arno (875-821) estió o primero en planificar restauracions que sobrevivioron menos de 70 anyos, ya que en 842, l'edificio se cremó dimpués de cayer-le un rayo. Tres anyos dimpués prencipió a reconstrucción.
Entre l'anyo 1000 y 1020, mientres o mandato de l'arcebispe Hartwig, se construyió un coro y una cripta orientaus enta l'este. Con l'arcebispe Conrat I se construyioron as torres de l'ueste, entre 1106 y 1147. A ilesia orichinal, por tanto, experimentó tres amplas campanyas de construcción y reconstrucción en primerías d'a Edat Meya, lo que cheneró una especie de basilica romanica. En 1598, ista fue seriament danyada y dimpués de cuantos intentos de restauración y reconstrucción, o prencipe-arcebispe Wolf Dietrich von Raitenau (arcebispe de 1587 a 1612) ordenó espaldar-la finalment. Wolf Dietrich yera benefactor y esfensor d'a moderna arquitectura barroca italiana, habendo-la seguiu dende os suyos inicios en Italia, mas que mas en Roma. Estió él tamién o responsable de l'edificio annexo Altes Residenz, que encara hue contina conectau a la seu.
Wolf Dietrich contrató a l'arquitecto italiano Vincenzo Scamozzi pa que parara os plans d'un nuevo edificio totalment barroco.[4] Manimenos, a construcción fue feita por o suyo succesor, Markus Sittikus (arcebispe de 1612 a 1619) qui, en 1614, metió a primera piedra d'a nueva seu. A seu actual, disenyada por Santino Solari, qui cambió esencialment os plans orichinals de Scamozzi, fue excepcionalment rematada en menos de 15 anyos, en 1628. Ye parcialment construyida sobre os alacez de l'antiga basilica, que se pueden veyer en a Domgrabungen, una excavación baixo a seu que tamién amostra mosaicos y atros obchectos trobaus de cuan l'emplazamiento albergaba o foro d'a ciudat romana Juvavum. Unatra d'as reliquias supervivients que precede a l'edificio barroco ye a pila baptismal gotica d'o sieglo XIV. As reliquias de sant Ruperto fuoron tresladadas ta a seu en estar rematada.[5] A seu tien 142 metros de largaria y 33,22 de altaria en a voveda central.[6] O estilo barroco d'o templo se puet veyer en o coro y en a nau.
A ilesia fue parcialment danyada mientres a Segunda Guerra Mundial, cuan una bomba cayió sobre a cupula d'o crucero. As reparacions tardoron prou en fer-se, pero fuoron rematadas arredol de 1959.
En ista seu fue baptizau Wolfgang Amadeus Mozart o 28 de chinero de 1756, o día siguient a la suya naixencia.[7]
Referencias
[editar | modificar o codigo]- ↑ Friedrich 2007, p. 4.
- ↑ 2,0 2,1 Parsons 2000, p. 307.
- ↑ Davenport 1932, p. 3.
- ↑ (de) Vincenzo Scamozzi – Salzburgwiki. Salzburger Nachrichten
- ↑ (en) Butler's Lives of the Saints, ed. Paul Burns, Collegeville, MN 2003, p. 139.
- ↑ (en) Baedeker's Handbook for Travellers in Southern Germany (1914) p.182
- ↑ (en) Mozarts Salzburg: auf den Spuren des Genies. E.G. Baur. C.H. Beck, 2005. ISBN 978-3-406-53529-1. Pach. 18