Sesame Street
Sesame Street ye una serie de televisión educativa estadounidense apta pa toz os publicos, ye muito conoixida per los suyos personaches que son titeres, conoixius como The Muppets.
La suya primera emisión en os Estaus Unius estió lo 10 de noviembre de 1969 per la cadena publica National Educational Television (NET) (actual Public Broadcasting Service -PBS), y se plegoron a emitir un total de 4.698 episodios en a suya temporada numero 54, lo que lo convierte en o programa pa ninos mas duradero de tota la historia d'a televisión, seguiu per Bob Esponja.[1]
Historia
[editar | modificar o codigo]Los antecedents a la suya emisión cal buscar-los en l'anyo 1966, dimpués d'una propuesta inicial d'a productora Joan Ganz Cooney, titulada Children's Television Workshop (televisión pa ninos en edat preescolar) y se reservó un periodo de planificación de deciueito meses y con una subvención de 8 millons de dólars de cuantas achencias y fundacions gubernamentals. La serie proposada prebaría la utilidat d'o meyo televisivo en a provisión d'educación temprana pa ninos chicotz. Amás de Cooney, l'equipo de planificación orichinal incluyiba a cuantos veteranos d'o programa infantil Captain Kangaroo (Capitán Canguro), como lo productor executivo David Connell, lo productor Samuel Y. Gibbon, Jr. y lo compositor Jeff Moss, asinas como lo productor y guionista prencipal Jon Stone y lo productor Matt Robinson (qui dimpués interpretó lo personache de Gordon en o programa). Per sucherencia de Cooney, se contrató a lo titiretero estadounidense Jim Henson con os suyos ya conoixius Muppets, seguiu d'o compositor Joe Raposo. L'equipo d'investigación de CTW incluyió a lo profesor de Harvard, Gerald S. Lesser como chefe d'a chunta d'asesors y Edward L. Palmer como director d'investigación, rastriando y observando como respondeban las audiencias infantils a la programación.
Encara que los primers episodios implicoron dramatizar los pensamientos internos d'os ninos actors en un estudeyo, lo director Jon Stone suchirió un entorno mas urbano, como una carrera en o centro d'una ciudat real y con un elenco integrau de vecins. Los habitants humans orichinals yeran conoixius como Bob, Mr. Hooper, Gordon y Susan estando los protagonistas d'as historias d'o vecindario que constituyiban aproximadament lo 25 per ciento d'o programa d'una hora de duración. Pa mantener lo realismo d'una carrera, los Muppets se mantenioron separaus; asinas per eixemplo, Ernie y Bert, mientres viviban en o vecindario, residían en un apartamento en un suterrano.[2]
Sesame Street se grava orichinalment en os estudios de televisión Reeves Teletape de Manhattan, en a ciudat de Nueva York. En 1993, quan lo escenario d'o vecindario s'expandió a la tornada d'a cantonada y s'amenesteba mas espacio, la producción se tresladó a los estudios Kaufman Astoria en Queens, an se grava encara actualment.[3]
Caracteristicas
[editar | modificar o codigo]O programa se desenvuelte en un vecindario ficticio tipico estadounidense, an los suyos inquilinos interactúan con os Muppets, mesclando segmentos d'animación, cancions interpretadas per miembros d'o elenco u celebridatz convidadas acompanyaus d'os titeres, que amuestran a los ninos chicotz la lectura y aritmetica basica, las colors, las letras, los numeros u los días d'a semana. Tamién incluye seccions que se centran en habilidatz basicas, como lo cruciar la carrera con seguranza, la importancia d'a hichiene basica, entre d'atras cosetas cutianas. Muitas d'as seccions d'o programa son parodias u copias d'atros programas televisivos convencionals.
S'incluyen a lo largo d'o programa diversos elementos d'humor menos infantil pa animar a los adultos a veyer lo programa con os ninos, fendo-lo asinas apto pa todas la edatz. Cada episodio se desenvuelte con base en un numero y letra diferents.
Diversidat
[editar | modificar o codigo]Ye un programa activament multicultural y intenta incluyir rols y personaches de tot tipo, incluyindo discapacitaus, chovens, mayors, afroamericanos, hispans u asiaticos, bella cosa chocant pa la epoca. Mientres que cualques d'as marionetas se asemellan a las personas, atras son animals u monstruos de grandarias y colors variaus. Lo programa anima a los ninos a dar-se cuenta que i hai chent de totas las formas, grandarias y colors y que no i hai un tipo fisico millor que unatro. Vinculau con a suya perspectiva multiculturalista, lo programa estió pionero en a ideya de ficar ocasionalment parolas y frases muito basicas en espanyol pa familiarizar a los ninos chicotz con o concepto de saber-ne mas d'un idioma. Esto se dió con a inclusión de personaches hispanos (en os suyos comienzos, entre ells, lo reconoixiu actor Raúl Juliá) que amostraban a los ninos y demás personaches d'o programa a decir frases en espanyol. Tamién presentó lo segmento The Spanish Word of the Day (la Parola d'o día en espanyol) en cada episodio. Lo leguache de signos ha chugau un papel important a lo largo d'os anyos, a traviés d'o personache de Linda (interpretau per Linda Bove entre 1971 y 2002) y las visitas d'o Teatro Nacional de Sordos.
The Muppets
[editar | modificar o codigo]Estes personaches estioron creyaus per Jim Henson y lo suyo equipo; cadagún d'estes estió creyau pa representar una etapa u elemento especifico d'a nineza temprana y los guións escritos pa que los personaches reflecten lo desembolique d'un nino de determinada edat. Esto aduya a lo programa a cubrir no nomás los obchectivos d'aprendizache de diferents libels madurativos, sino tamién las preocupacions, espantos y intereses de ninos y ninas de diferents edatz.
Entre los muppets de Sesame Street, ye Big Bird, un muixón amariello de 8 pietz d'altura que vive en un gran nido en un local albandonau adchacent a l'edificio 123 de Sesame Street, ubicau dezaga d'o montón de vasuera de l'edificio. Un visitante habitual de Big Bird ye lo suyo millor amigo, lo Sr. Snuffleupagus u Snuffy, como totz lo claman. Oscar the Grouch, lo rondinador local de Sesame Street y lo suyo gusano mascota Slimey, viven en un contenedor de vasuera que ye chunto a un montón de vasuera. Los millors amigos Ernie y Bert comparten la cambra en l'apartamento d'o suterrano de l'edificio 123 an participan regularment en chanzas comicas.
La familia d'onsos de Goldilocks and the Three Bears residen en Sesame Street. La familia, ye encabezada per Papa Onso y Mama Onsa, y lo suyo fillo Bebé Onso. Este zaguer ye un buen amigo d'os monstruos Telly, Zoe, Rosita (d'orichen mexicano) y Elmo. A partir de 1998, Elmo teneba lo suyo propio espacio, Elmo's World (Lo mundo de Elmo), que ocupa la mayor parte d'a segunda metat d'o programa en o cual, los espectadors exploran temas en una versión imachinaria dibuixada con clariones de l'apartamento de Elmo.
Unatro d'os personaches Muppet ye Grover, qui se nombra a si mesmo como amigo adorable y peludo que tamién tiene una personalidat de superhéroe, Super Grover. Tamién ye Cookie Monster que peliaba con a suya consciencia totz los días mientres lo segmento d'a Letra d'o Día, a on tractaba de controlar los suyos impulsos de minchar-se las letras dibuixadas con glaseado de galletas. Unatro d'os muppets ye o Count von Count que mientres lo segmento d'o Numero d'o Día conta numeros dica que lo suyo organo musical de tubos revela lo numero misterioso.
A lo largo d'os anyos s'han incluyiu atros personaches como lo presentador de programas de chuegos Guy Smiley; los treballadors d'a construcción Biff y Sully; lo gran monstruo Herry (que no conoixe la suya propia fuerza); Roosevelt Franklin, qui actuó como mayestro d'os suyos companyers de clase en a escuela primaria; y Lo Lobo Feroz, que a diferencia d'o popular cuento, no ye un personache de terror. Lo olvidadizo Jones, un vaquero con un trestuco d'a memoria a curto plazo que amontaba a lo fidel caballo clamau Buster y la suya novia Clementine. Fred lo caballo marabilla y Rosie Rodeyo que yera una vaquera. En a temporada 47 (2017-18) se presentó a un nuevo personache: Julia, una nina con autismo.
Dende los suyos comienzos fació parte d'o programa lo muppet mas famoso de Henson, Kermit the Frog que yera un personache recurrent y actuaba como reportero itinerant pa los segmentos de "Sesame Street News Flash". Kermit amaneixió en o show dica 2001, a causa que posteriorment los dreitos d'o personache serían propiedat de The Walt Disney Company. Encara que pa lo especial de televisión como parte d'a celebración d'o 50 aniversario d'o programa, Kermit fació una aparición especial chunto a lo cantante Elvis Costello.[4]
Elenco
[editar | modificar o codigo]Actors
[editar | modificar o codigo]Una serie de personaches humans habituals torna la locura d'os personaches Muppets a la realidat y cumple diferents funcions pedagochicas, amostrando integración y tolerancia representando diferents personalidatz, rols y ocupacions de adultos. En o debut d'a serie en noviembre de 1969, lo reparto de Sesame Street yera conformado per los actors Bob McGrath, Matt Robinson, Loretta Long, [[Will Lee] y un chicot grupo de ninos. Con o tiempo, Robinson estió reemplazau en a temporada 4 (1972-73) per l'actor Hal Miller y dimpués en a temporada 6 (1974-75) per Roscoe Orman pa interpretar definitivament lo personache de Gordon.
A lo largo d'a suya historia, diferents actors han encarnado una variedat de personaches diferents edatz, razas y lugars en o vecindario. Con a creixent popularidat d'o programa, cada temporada presentaba nuevos rostros en Sesame Street.
Contino se puede veyer un listau d'os prencipals personaches y los actors que los han interpretau:
| Actor | Personaje | Descripción |
|---|---|---|
| Bob McGrath | Bob Johnson | Ye un profesor sustituto de musica que vive en Sesame Street. Ha estau en lo programa dende lo primer episodio.Ye un persona donchent y discreta, estió presentau como lo vecino de Gordon y Susan. |
| Matt Robinson (Temp 1-3) | Gordon Robinson | Ye un d'os residents orichinals de Sesame Street, habendo debutau en o primer episodio de conchunta con a suya esposa Susan. Treballaba como profesor d'historia, dimpués de servir en l'exercito, y mas tarde se convirtió en profesor de ciencias. En 2004, desenvolvió un alter ego recurrent: Trash Gordon, en os cuentos antes d'adormir que Oscar lo gruñon le contaba a la suya mascota Slimey. Dende la temporada 46, lo personache de Gordon ha estau eliminau d'o programa, amaneixendo prencipalment en material reutilizado de temporadas anteriors. |
| Hal Miller (Temp 4-5) | ||
| Roscoe Orman (Temp 6-46) | ||
| Loretta Long | Susan Robinson | Ye casada con Gordon y treballa como enfermera. En a temporada 17 (1985-86), Susan y Gordon adoptoron a un fillo clamau Milars. |
| Will Lee | Harold Hooper | Yera lo anciano tendero de Sesame Street dende 1969 dica 1982. Endrezaba Hooper's Store, la botiga de lamins d'a cantonada. L'actor Will Lee qui lo interpretaba, murió d'un ataque a lo corazón lo 7 d'aviento de 1982 dimpués de gravar la metat d'a temporada 14. Los escritors inicialment plantioron la ideya que lo Sr. Hooper s'heba mudau a Florida. Manimenos, decidioron simplament decir-les a los espectadors la dolorosa verdat y contar-les que lo personache, igual que lo suyo intérprete, heba muerto tamién. |
| Raúl Juliá | Rafael | Yera un puertorriquenyo que amaneixió entre la tercera temporada (1971). Desfrutaba chugando con os ninos d'o vecindario y a ormino, les amostraba parolas en espanyol. Interpretau per Raúl Julia, qui posteriorment se fería famoso per la suya interpretación de Gomez Addams en l'adaptación cinematografica de The Addams Family y la suya secuela, asinas como en atras produccions. Juliá feneixió lo 24 d'octubre de 1994. |
| Charlotte Rae | Molly | Yera una cartera que amaneixió en a temporada 3. Estió interpretada per Charlotte Rade, una actriz conoixida per lo suyo papel de Mrs. Garrett en Diff'rent Strokes y The Facts of Life. Rade feneixió lo 5 d'agosto de 2018 a los 92 anyos. |
| Northern Calloway | David | Yera lo segundo resident masculino afrodescendiente adulto (dimpués de Gordon) que inicialment treballó a tiempo parcial en Hooper's Store mientres estudiaba dreito. David estió dica la temporada 20 (1988-89). L'actor Northern Calloway qui lo interpretaba murió lo 9 de chinero de 1990 a los 41 anyos. |
| Sonia Manzano | Maria Figueroa | Plegó a lo vecindario cuan yera una adolescente puertorriquenya y prenió un treballo en a biblioteca de Sesame Street en 1971. Encara que mantenió una relación romantica con David mientres un tiempo en o decenio de 1970, se casó con Luis en 1988, convertindo-se en María Rodríguez. En chunyo de 2015, Manzano anunció lo suyo retiro d'o programa. |
| Emilio Delgado | Luis Rodríguez | Ye un estadounidense d'orichen mexicano y se casó con María en a temporada 19 (1987-88). Tenioron una filla clamada Gabi a l'anyo siguient. Luis y María han operau en Fix-It Shop, an reparan gran variedat d'articlos, incluyida una innombrable cantidat de turraderas. |
| Linda Bove | Linda | Estió una bibliotecaria que treballó en a biblioteca de Sesame Street. Linda ye sorda, igual que la suya interprete. Como personache sordo, permitió a los productors d'o show amostrar a los espectadors sobre lo leguache de signos y abordar los problemas que enfrontinan las personas sordas. Estió dica 2002. |
| Buffy Sainte-Marie | Buffy Sainte-Marie | Amaneixió dende la temporada 7 (1975-76) dica la 12 (1981-83). Sainte-Marie interpretó una versión ficticia d'él mesma a la cuala se gosa referir simplament como Buffy. La suya vida real como cantante famosa estió reconoixida ocasionalment, como la suya chira de conciertos mencionada en o Episodio 1.027, y cuan las suyas cancions s'ascuitoron en a radio en o episodio 1.560. |
| Alaina Reed | Olivia Robinson | Chirmana de Gordon, yera una resident de Sesame Street que teneba la profesión de fotógrafa. Amaneixió per primera vegada en o episodio 950, an se reunió con o suyo chirmán dimpués d'haber treballau en Detroit pa un periodico. Estió dica la temporada 19 (1988). En 2009 Alaina Reed feneixió victima de cáncer a los 63 anyos. |
| Bill McCutcheon | Uncle Wally | Yera lo tío de Bob, que amaneixió dende la temporada 15 dica la temporada 23. Un vendedor ambulant, lo Uncle Wally fue inicialment un visitante itinerant d'o vecindario antes d'establir-se. |
| Alison Bartlett | Gina Jefferson | Treballó en Hooper's Store con David y dimpués de graduarse d'a escuela secundaria reveló que deseyaba treballar en o cudiau de ninos y heba preso clases nocturnas, obtenió lo suyo certificau de mayestra y treballaba a tiempo parcial en una guardería. Dende la temporada 27 dica la temporada 29, endrezó la guardería ubicada a la tornada d'a cantonada. En a temporada 30, prencipió a estudiar pa convertir-se en albeitar. En a temporada 32, ubrió la suya propia clinica albeitar en l'edificio que gosaba servir como garaje en o patio. |
| Gedde Watanabe | Hiroshi | Ye un artista d'ascendencia chaponesa que vivió en Sesame Street entre las temporadas 20 y 21. Hiroshi aprecia totas las formas d'arte, ya sía abstracto u escenico, y muestra una particular admiración per la sensibilidat iconoclasta d'Oscar the Grouch. |
| Leonard Jackson (temp 21) | David Handford | Estió propietario y chestionó Hooper's Store en Sesame Street de 1989 a 1998. Lo Sr. Handford yera un bombero chubilau que le mercó la botiga a David pa mantener-se activo. En as suyas primeras aparicions, a ormino ofriba mensaches de seguranza contra incendios. |
| David L. Smyrl (temp 22-29) | ||
| Alan Muraoka | Alan | Ye lo propietario de Hooper's Store. En 1998 Alan prenió las riendas d'a botiga d'o Sr. Handford en o Episodio 3786, y luego se fació amigo particular de Baby Bear y Telly Monster. Alan dimpués contrató a Gabi y Milars como los suyos asistents. |
| Milars Orman (Temp 17-26) | Milars Robinson | Ye lo fillo adoptivo de Susan y Gordon, la suya adopción en 1985 amaneixendo en lo Episodio 2.122, estió un evento important en o programa. Los episodios posteriors tratoron sobre l'adaptación a la suya nueva familia, y gradualment se convertiría en un d'os ninos familiars d'o vecindario. Cuan yera adolescente, formó la suya propia banda de musica. En o Episodio 4112, se graduó en a escuela secundaria chunto a Gabi. Ha treballau como asistent d'Alan en Hooper's Store entre la temporada 37. Cuan s'introdució lo personache, yera interpretau per lo fillo de Roscoe Orman (Gordon) en a vida real, Milars Orman. |
| Imani Patterson (Temp 27-33) | ||
| Olamide Faison (Temp 34-39) | ||
| Desiree Casado | Gabriela Gabi Rodriguez | Ye la filla de María y Luis. Naixió en 1989 en una historia que zarra la vintena temporada de Sesame Street. En a suya adolescencia, Gabi y Miles aduyoron a Alan en a botiga Hooper's Store. Cuan amaneixió lo personache en o programa en a temporada 21 y dica la temporada 24, lo interpretó Gabriela Rose Reagan, filla de Sonia Manzano (María) en a vida real. |
| Savion Glover | Savion | Ye un choven moderno que amaneixió dende la temporada 21 dica la temporada 26. Él y Gina teneban una edat cercana y los dos yeran amigos.
Savion bailaba con frecuencia en o programa y aduyó a amostrar a Elmo a bailar claqué. |
| Ruth Buzzi | Ruthie | Yera la propietaria d'a botiga de segunda man Finders Keepers, ubicada a la tornada d'a cantonada en Sesame Street. |
| Chris Knowings | Chris Robinson | Ye lo sobrino de Gordon y Susan, qui amaneixió per primera vegada en a temporada 38. Ye contractau como nuevo asistent d'Alan en Hooper's Store. |
| Nitya Vidyasagar | Leela | Ye una choven estadounidense d'orichen indio que administraba la lavandería local d'o vecindario. Amaneixió en o programa de 2008 a 2015. |
| Suki López | Nina | Ye una choven hispana bilingüe que usa lo suyo inchenio, compasión y carisma pa aduyar a los peludos residents a resolver los suyos dilemas diarios. Ye duenya d'una botiga de bicicletas y vive en o vecindario. S'unió a lo show en a temporada 46. |
| Violetta Tinnirello | Charlie | Ye una choven presentada entre la temporada 50 de Sesame Street. Ella y la suya familia se mudan a la carrera en o Episodio 5013 dimpués que los suyos pais se retiran de l'exercito. |
A partir de 2020, Chris, Alan, Nina y Charlie son los solos humans habituals que amaneixen en o programa. Manimenos, exmiembros d'o elenco como Gordon, Bob y Luis, han amaneixiu ocasionalment en videos en linia d'o programa que s'han lanzau dende alavez.
Programas especials
[editar | modificar o codigo]Mientres los suyos mas de 50 anyos en a televisión, Sesame Street, ha emitiu programas y episodios especials como son los de Nadal u aniversarios d'o programa, entre atros. Asinas como tamién los suyos personaches han amaneixiu en diversos especials y cintas de The Jim Henson Company.
Aparicions especials en atros prochectos muppet
[editar | modificar o codigo]- The Muppet Movie (1979)
- The Muppets Take Manhattan (1984)
- Henson's Place (1984)
- The Muppets: A Celebration of 30 Years (1986)
- A Muppet Family Christmas (1987)
- The Muppets Celebrate Jim Henson (1990)
Cintas de Sesame Street
[editar | modificar o codigo]- Sesame Street presents: Follow That Bird (1985)
- The Adventures of Elmo in Grouchand (1999)
A resultas d'a retransmisión mundial d'o programa orichinal, empecipioron a amaneixer en o mundo versions locals adaptadas a las necesidatz y realidatz de cada país u rechión, estando las primeras versions en surtir la brasilenya y la mexicana. Cualques d'estas versions contaban con os suyos propios personaches.
Versions en o mundo
[editar | modificar o codigo]Versions locals
[editar | modificar o codigo]| País | Nombre | Año |
|---|---|---|
| Mexico | Plaza Sésamo | 1972 |
| Brasil | Vila Sésamo | 1972 |
| Alemania | Sesamstraße | 1973 |
| Canadá | Sesame Park | 1973 |
| Paísese Bajos | Sesamstraat | 1976 |
| Francia | 1, rue Sesame | 1978 |
| Kuwait | Iftah Ya Simsim | 1979 |
| Espanya | Barrio Sésamo | 1979 |
| Suecia | Svenska Sesam | 1981 |
| Israel | Rechov Sumsum | 1983 |
| Filipinas | Batibot | 1984 |
| Turquía | Susam Sokağı | 1986 |
| Portugal | Rua Sésamo | 1989 |
| Noruega | Sesam Stasjon | 1991 |
| Rusia | Ulitsa Sezam | 1996 |
| Polonia | Ulica Sezamkowa | 1996 |
| Israel | Rechov Sumsum y Shara'a Simsim | 1998 |
| Cina | Zhi Ma Jie | 1998: |
| Taiwán, China, Italia, Polonia | Sesame English | 1999 |
| Sudafrica | Takalani Sesame | 2000 |
| Echipto | Alam Simsim | 2000 |
| Jordania | Hikayat Simsim | 2003 |
| Afganistán | Koche Sesame | 2004 |
| Chapón | Sesame Street Japan | 2004 |
| Bangladesh | Sisimpur | 2005 |
| Francia | 5, Rue Sésame | 2005: |
| Camboya | Sabai Sabai Sesame | 2005 |
| Israel, Palestina | Sippuray Sumsum | 2006 |
| India | Galli Galli Sim Sim | 2006 |
| Indonesia | Jalan Sesama | 2007 |
| Brasil | Vila Sésamo | 2007 |
| Irlanda | Sesame Tree |
Versions dobladas
[editar | modificar o codigo]- Seesamtie, Finlandia.
- Улица Сезам, Bulgaria.
- Boneka Sesame, Indonesia.
- Sesam Opnist Pû, Islandia.
- Sesamo Apriti, Italia.
- Sezamé Otevri Se, Republica Checa.
- Ulica Sezamkowa, Polonia.
- Susam Sokağı, Turquía.
- Taman Sesame, Malaisia.
Versions en espanyol
[editar | modificar o codigo]Mexico
[editar | modificar o codigo]En Mexico lo programa encetó en l'anyo 1972, adaptando la carrera d'a versión orichinal a una vecindat que s'acoplaba millor a lo contexto mexicano, y que estió clamada Plaza Sésamo. Dimpués de mas de 30 anyos, lo programa se sigue transmitindo con gran exito per lo mesmo canal, pus dende los suyos inicios s'ha transmitiu per Canal 5 de Televisa con o nombre de Plaza Sésamo pa posteriorment estar retransmitido per tota Hispanoamerica en canals nacionals, rechionals y de cable (Discovery Kids), con tal exito que ha plegau dica a los Estaus Unius transmitindo-se per estacions de PBS (realizadora d'a versión orichinal) en as ciudatz en que i hai mayor cantidat d'habitants de fabla hispana.
Lo impacto d'iste programa estió tal que lo 12 d'octubre de 1995 se fació a devantadera en a ciudat mexicana de Monterrey lo parque tematico Parque Plaza Sésamo.[5]
Espanya
[editar | modificar o codigo]En Espanya lo espacio prencipió a emitir-se per TVE en l'anyo 1976 dentro d'o programa Un globo, dos globos, tres globos. En aquells anyos s'emitiba lo programa orichinal en versión doblada con o titol de «Ábrete Sésamo», fracasando iste primer intento.
Dimpués, se optó per adaptar lo programa a la realidat espanyola. La productora norteamericana CTW (Children's Television Workshop) yera responsable d'o 50 % d'o programa y la resta se completaba con material grabau en os estudios de Prado del Rey. D'esta traza, entre 1979 y 1980, Emma Cohen, en o suyo papel de Gallina Caponata, y Jesús Alcaide, como lo caragol Perezgil qui acompanyoron las briendas d'os ninos espanyols.
Se veiga tamién
[editar | modificar o codigo]- The Muppets
- Jim Henson
Referencias
[editar | modificar o codigo]- ↑ "Error:
|títol=no especificau en emplegar {{cita web}}Plantilla:Namespace detect showall". http://kidsmediausa.com/. - ↑ "Error:
|títol=no especificau en emplegar {{cita web}}Plantilla:Namespace detect showall". https://muppet.fandom.com/wiki/Sesame_Street. - ↑ "Error:
|títol=no especificau en emplegar {{cita web}}Plantilla:Namespace detect showall". https://www.kaufmanastoria.com/at-kaufman/. - ↑ "Error:
|títol=no especificau en emplegar {{cita web}}Plantilla:Namespace detect showall". https://tvblackbox.com.au/page/2020/07/13/airdate-sesame-streets-50th-anniversary-celebration-with-plenty-of-celebrity-guests/. - ↑ Historia Plantilla:Wayback. Parque Plaza Sésamo. Consultado el 10 de noviembre de 2009.
Vinclos externos
[editar | modificar o codigo]| Control d'autoridaz |
|
|---|
Datos: Q155629
Multimedia: Sesame Street / Q155629