Servicio Aragonés de Salut
| Servicio Aragonés de Salut | |||
|---|---|---|---|
.png) | |||
_2.jpg) | |||
| Seu d'o Servicio Aragonés de Salut | |||
| Información d'o Gubierno | |||
| Creyau | 21 d'abril de 1989 | ||
| Churisdicción |  Aragón | ||
| Seu | Plaza de la Convivencia, 2, 50017 Zaragoza, Aragón | ||
| Director | Ana Cristina Castillo Forniés | ||
| Departamentos dependient | Departamento de Sanidat | ||
| Localización | |||
| Sitio web | |||
| Web oficial | |||
O Servicio Aragonés de Salut (en castellano Servicio Aragonés de Salud, por as suyas sieglas Salud) ye un organismo autonomo d'a Deputación Cheneral d'Aragón que pende d'o Departamento de Sanidat. S'encarga d'o sistema de prestacions sanitarias publicas en Aragón y ye integrau en o Sistema Nacional de Salut d'Espanya creyau en 1986, y que substituyó a l'Insalud.
Historia
[editar | modificar o codigo]Creyau o 21 d'abril de 1989 como instrumento churidico que permitiba a unificación funcional de toz os centros y servicios sanitarios comunitarios d'Aragón, asinas como pa desarrollar os principios inspiradors d'a reforma sanitaria en o territorio d'ixa comunidat autonoma.
En primeras se constituyió de forma que yera integrau por toz os centros, servicios y establimientos d'a comunidat autonoma, deputacions, concellos y atras administracions territorials intracomunitarias, estando chestionau por a Deputación Cheneral d'Aragón. As corporacions locals manteneban un efectivo dreito a fer parti d'o control y chestión a traviés d'os distintos organos colechiaus que se creyasen, a cual efecto se tenió en consideración a Lei 7/1985, de 2 d'abril, Reguladora d'as Relaciones entre a Comunidat Autonoma y as Deputacions Provincials d'o suyo Territorio.
O Servicio Aragonés de Salut que habría de completar-se en o futuro con l'asunción de transferencias en asistencia sanitaria respondeba no nomás a la concepción integral de salut, sino tamién a o establimiento d'as arias de salut como delimitaciones claus en a suya organización y d'as zonas y centros de salut como elementos basicos en l'atención comunitaria a os problemas de salut, cualo funcionamiento supondría a descentralización de recursos humanos y materials, asinas como d'as decisions sobre politica sanitaria, pa lo que s'estableixeban os cauces pa hacer efectiva a participación democratica d'a sociedat en o sistema sanitario.
Como consecuencia de l'aplicación d'a Lei Organica 5/1996, de 30 d'aviento, de Reforma d'o Estatuto d'Autonomía d'Aragón y d'a voluntat d'os Gubiernos d'Espanya y Aragón, o 13 de marzo de 2001 prencipió a perfilar-se o proceso de transferencias a la comunidat autonoma d'Aragón d'as competencias, que, en materia d'asistencia sanitaria veniba dando l'Instituto Nacional de la Salud (Insalud). Iste proceso coincidió con a reforma de Lei de Financiación d'as Comunidaz Autonomas de rechimen común y con a rubrica d'un alcuerdo de financiación autonomica que definió o nuevo marco financiero d'o sistema sanitario.
D'atra man, en chinero de 2001, o Gubierno d'Aragón asumió as competencias sanitarias, dica alavez chestionadas por as tres deputacions provincials, chenerando o nuclio arredol d'o que se definirá l'asistencia sociosanitaria en Aragón. Pa rematar, mientres l'anyo 2001 se treballó en tres direccions.
A primera, conoixer a opinión de toz os colectivos socials sobre o futuro modelo regulador de l'asistencia sanitaria d'a comunidat autonoma, plegando-se a las siguients conclusions:
- Mantener l'actual modelo d'aseguramiento.
- Prencipiar accions destinadas a amillorar l'accesibilidat d'os ciudadans a os servicios sanitarios.
- Incrementar a participación d'os usuarios en os consellos de salut.
- Dar una importancia capital a la información que l'administración sanitaria ha de proporcionar a os ciudadans.
- Valurar os programas hespitalarios relacionaus con os servicios sociosanitarios.
- Optar a favor d'o modelo estatutario como marco churidico de relacions laborals.
Posteriorment, y con l'aprebación d'a Lei 6/2002, de 15 d'abril, de Salut d'Aragón, se configura p dito Sistema de Salut d'Aragón, integrau por toz os centros, servicios y establimientos d'a propia comunidat autonoma, deputacions, concellos y atras administracions territoriales intracomunitarias. Dito sistema s'estructura en livels progresivos y interrelacionaus d'atención a la salut, con obchecto de responder a las necesidaz que o proceso de transferencia de competencias de sanidat conleva para l'administración autonomica. Asinas mesmo, a caracterización d'a salut como materia de naturaleza multidisciplinar implica a necesidat d'atender a cuestions intimament relacionadas con ella, como ye a promoción d'a salut integral d'o treballador u a calidat alimentaria y d'o medio ambient, sobre as que existe una alta preocupación social actualment.
A tercera, fue prencipiar conversacions con as centrals sindicals con obchecto de definir o pacto por a sanidat en Aragón, ya que o proceso de transferencias suponeba a integración no nomás d'o ret de centros sanitarios de l'antigo Insalud, sino a integración d'as plantillas correspondients, de tal forma que hue lo día son arredol de 19 000 treballadors.
Vinclos externos
[editar | modificar o codigo]| Control d'autoridaz |
|
|---|
Datos: Q6126006
Multimedia: Servicio Aragonés de Salud / Q6126006