Serbians

De Biquipedia
Ir a la navegación Ir a la búsqueda
Serbians
Rechions con comunidatz importants
Flag of Serbia.svg Serbia
Idiomas
Serbo
Relichión
Ilesia Ortodoxa
Pueblos relacionatos
Serbos de Bosnia y Herzegovina, Serbos de Croacia, Montenegrins
Mapa
Serbia ethnic02.png
Mapa etnico de Serbia. Texto en anglés

Los serbians (Србијанци u Srbijanci en serbo) son los habitadors de Serbia independientment de lo suyo orichen etnico, encara que lo termin s'emplega mes a sobén pa nombrar a la población etnicament serba d'este país. En lo standard serbo se puede referir en un sentiu mes restreito a los serbos de Serbia Central.[1] Lo termin excluye a los serbos etnicos de los países de vecins como Bosnia y Herzegovina, Croacia, Montenegro y Macedonia que se nombran con lo termin Srbin en singular y Srbi en plural. En las luengas occidentals ha puesto haber-ie confusions entre lo emplego de lo chentilicio serbians u lo etnonimo serbos. Por una part s'ha plegau a aplicar lo chentilicio serbians a los serbos de Bosnia y por un atra part s'ha plegau a aplicar erroniament lo etnonimo serbos a los ciudadans de Serbia sin importar la etnicidat. Este tipo de confusions son bien documentadas en anglés (Bosnians Serbians en cuenta de Bosnian Serbs).[2][3]

Lo termin Srbijanci ha estau considerau ofensivo por beluns, y asinas s'emplega sobre tot en Croacia y Voivodina. S'ha sinyalau que este tipo de denominacions diferents entre chentilicios y etnonimos no ye present que en Serbia y Bosnia y Herzegovina, a on que bi ha una distinción entre Bosnians y Bosniacos. Esto ye un feito particularment oposau a las cercanas Albania y Croacia. De feito, los franceses se dicen franceses tanto si viven en Francia como en la diaspora, sigan franceses etnicos u no, igual como los italians, ecetra.

En un diccionario serbo de 1852 una entrada dice:

Srbijanac – čovek iz Srbije (hombre de Serbia); Srbijanski – koji je iz Srbije (lo que ye de Serbia)

Una canción popular serbiana tiene un estrebiello que describe lo vestiu tradicional serbián:

...jelek (achustador), anterija (camiseta curta), y opanci (apargatas tradicionals), ye como reconoixes a un Srbijanac (serbián)...

Referencias[editar | editar código]

  1. (en) Miller, Nick (2008). The Nonconformists: Culture, Politics, and Nationalism in a Serbian Intellectual Circle, 1944-1991. Central European University Press. p. 148.
  2. (en) Uzelak, Gordona (1998). Franjo Tudjman's Nationalist Ideology. East European Quarterly. 31.
  3. (en) Petrovich, Michael B. (1985). Review of The National Question in Yugoslavia: Origins, History, Politics. Slavic Review. 4 (2), 369–370