Semiotica
A semiotica u a semiolochía (en griego: semeiotikos, «observador de signos») ye a ciencia d'a función de signos y de simbolos en a comunicación humana, no nomás en lenguache so que tamién con aduya de bels medios no lingüisticos. A semiotica consta de tres brancas:
- Sintactica - concerne a las relacions formals u gramaticas de signos.
- Semantica - concerne a la significación de signos.
- Pragmatica - concerne a la relación de signos con os suyos usuarios.
A semiotica comenzó a partir d'o comentario d'o lingüista suizo Ferdinand de Saussure de que garra parola (y garra altro signo) ye innatament chuntada con a suya significación. Dimpués, a semiotica se desembolicó como una disciplina cientifica, particularment gracias a Claude Lévi-Strauss y a Roland Barthes. S'ha combinau con o estruturalismo ta explorar a "producción" de significación en lenguache y altros sistemas de signos y subraya la naturaleza convencional d'esta producción.
