Semicultismos en aragonés

De Biquipedia
(Reendrezato dende Semicultismos en l'aragonés)
Ir ta: navego, busca

Los semicultismos en l'aragonés son unas parabra que por condicionants culturals no han seguiu todas las leis foneticas propias de lo lexico patrimonial, aturando-sen u esbarrando-sen.

Frent a lo cultismo, lo semicultismo ye la palabra en la que principió la evolución fonetica, pero no ha rematau. Por eixemplo, miraglo ye un semicultismo, que d'acuerdo con la fonetica aragonesa habría dato mirallo, parabra que de feito existe.

Semicultismos de lo luengache eclesiastico[editar | editar código]

Son semicultismos en aragonés sieglo (por *siello), regla y regle (por *rella), miraglo, (por mirallo), periglo (por perillo), y capítol (por cabello), que derivan de SAECULUM, REGULA, MIRACULUM, PERICULUM y CAPITULUM. En este campo semantico se puede fer distinción entre los d'orichen latín puro y los orichinaus a partir d'helenismos ampraus por lo latín, que pueden haber estau ampraus ya en latin clasico, pero que sobre tot son asociaus a la organización, doctrina y liturchia cristianas.

Latín Aragonés
CAPITULU capítol
DOMINICU domingo
EBŎREU borio,[1] bori
MANIPULU maniplo
PERICULU periglo
REGULA regla
SAECULU sieglo
TITULU títol
Helenismo en latín Aragonés
EPISCOPU bispe
ECCLESIA iglesia,[2] ilesia
DIABOLU diablo[2]
OLEU olio[1]
PŬRPŬRA porpra / polpra[1]

En las parlas altoaragonesas actuals se documenta diablo[2] como en aragonés medieval.[3][4] Manimenos, en cheso, panticuto, tellán y chistabín se troba una variant diaple con obstruentización de sonora, fenomeno fonetico conoixiu en catalán. En benasqués se documenta diaplle con palatalización ribagorzana, y las palabras ixopllida(r) y fiplla(r) amuestran la combinación d'estos dos fenomenos foneticos.[5]

La palabra ilesia se documenta en muitos vocabularios alto-aragoneses, pero encara persiste la forma foneticament anterior iglesia[2], que se troba en aragonés medieval chunto con eglesia. En la val de Benás y en Campo se documenta la forma palatalizada illesia, que podría remontar-se a formas medievals como gllesia (Uesca, 1314),[5] poco freqüents en los textos.

Semicultismos de lo luengache notarial[editar | editar código]

Trobamos herencio, que por evolución patrimonial habría dau herenzo u herienzo. Atro casos casos comuns en documentos de Navarra y Aragón son esleción, esleito[1] y esleyir, derivaus de EL·LECTUS, con una -L·L- cheminada que tien una evolución curiosa enta -sl- relacionada con as diversas formas isla-illa derivadas de insula.

Encara que no exclusivament de lo luengache notarial tamién ye un posible semicultismo la denominación de la institución aragonesa tenencia que se troba més a sobén en los textos que la forma patrimonial teniença u la forma tinença que podría estar un catalanismo.

Tendencias foneticas[editar | editar código]

Se puede observar en bell semicultismo la sincopa u perda de vocal intertonica:[1] maniplo, regla, sieglo, ecetra.

Latín Aragonés
DIABOLU diablo[2]
DOMINICU domingo
MANIPULU maniplo
PERICULU periglo
PŬRPŬRA porpra / polpra[1]
REGULA regla
SAECULU sieglo

En campos lexicos diferents a los relacionaus con la relichión y lo dreito se puede trobar palabras con reduccions de los grupos cultos latins, y que en la "propuesta ortografica de l'academia de l'aragonés" consideran como semicultismos. D'acuerdo con los grupos consonanticos redueitos tenemos:

  • Semicultismos que presentan lo grupo -CT- latín redueito ta -t-
  • Semicultismos con lo grupo -PT- primario redueito a -t-:
  • Semicultismos con lo grupo -PT- secundario redueito a -t-:
    • reuto, reutar (de REPUTARE).
  • Semicultismos con grupo secundario -DT- redueito a -t-:
    • reuto (derivato de REDITUM).
  • Semicultismos con grupos -NCT-, -MPT-, -LPT- y -RPT- redueitos:

Bi ha qualque palabra con una evolución fonetica diferent de la que cabría esperar como espígol[5]/espícol/espligo, que qualque autor considera una evolución semiculta.

Apoticario y boticario son semicultismos derivaus de lo latín APOTHECARIUS que presentan una i en cuenta d'una e. Son formas con sufixo culto -ario que fan referencia a la apothếkê, que por vía popular dió bodega y a traviés de la forma itacista apothiki dió botica en aragonés, palabra que han puesto influir en la forma de lo semicultismo. Lo doblet popular ye botiguero, feito con sufixo -ero a partir de botiga, tamién derivau de apothiki pero que actualment ye documentau sobre tot de lo lexico aragonés oriental y sin significau de farmacia.

Referencias[editar | editar código]

  1. 1,0 1,1 1,2 1,3 1,4 1,5 (es) Francisco Ynduráin: Documentos de la iglesia de Santa María de Sangüesa (siglos XIV y XV). Estudio lingüístico. Pirineos año IV - 1948 [1], un atra publicación en Archivo de Filología Aragonesa, nº 51 (1995), pp 359-386.
  2. 2,0 2,1 2,2 2,3 2,4 (es) María Luisa Arnal Purroy: El habla de la Baja Ribagorza Occidental. Institución Fernando el Católico, 1998, p 193.
  3. (an) Fueros d'Aragón.
  4. (an) Libro d'el Trasoro.
  5. 5,0 5,1 5,2 (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003. p 90.

Bibliografía[editar | editar código]

Se veiga tamién[editar | editar código]


Los semicultismos en aragonés y en atras luengas romances
Los semicultismos en galaico-portugués | los semicultismos en astur-leyonés | los semicultismos en castellán | los semicultismos en aragonés | los semicultismos en catalán | los semicultismos en occitán | los semicultismos en francés | los semicultismos en italián | los semicultismos en rumán


 
Gramatica de l'aragonés
Fonetica Accentuación · Fonetica (Epentesi antihiatica · Diftongación debant de Yod en aragonés · Protesi velar · Oclusivas xordas intervocalicas · Sonorización dezaga de liquida) · Fonolochía · Cheada
Morfolochía Adverbios (Adverbios d'afirmación · Adverbios de dubda · Adverbios espacials · Adverbios espacials deicticos · Adverbios de negación · Adverbios de tiempo · Adverbios de manera · Adverbios de quantidat · Adverbios d'opinión · Locucions adverbials en aragonés) · Articlos definius · Articlos indefinius · Chenero · Conchuncions (Adversativas · Copulativas · Coordinativas · Dischuntivas · Completivas · Condicionals · Causals · Concesivas · Consecutivas · Comparativas · Finals · Subordinativas · Temporals)· Adchectivos (Calificativos · Chentilicios · Demostrativos · Exclamativos · Indefinius · Numerals cardinals · Interrogativos · Numerals ordinals · Posesivos) · Numero (Substantivos incontables) · Pronombres (Pronombres demostrativos, Pronombres indefinius, Pronombres relativos · Pronombres presonals · Pronombres adverbials: pronombre adverbial en/ne, pronombre adverbial i/bi/ie) · Infixo · Prefixo (Prefixos cultos) · Sufixo (Sufixos cultos) · Preposicions · Verbos (Tiempos verbals · Verbos auxiliars · Verbos de movimiento · Verbos pronominals · Verbos incoativos · Verbos freqüentativos · Verbos irregulars con epentesi antihiatica · Locucions verbals · Perifrasis verbals)
Sintaxi Concordancia · Estilo directo · Estilo indirecto · Negación · Sintagma adchectival · Sintagma nominal · Sintagma verbal · Complemento de rechimen verbal · Orden de pronombres · Combinacions de pronombres febles en aragonés · Verbo estar-ser · Voz pasiva · Oracions con infinitivo · Oracions de relativo · Oracions completivas · Oracions temporals · Oracions causals · Oracions finals · Oracions consecutivas · Oracions concesivas · Oracions condicionals · Oracions comparativas
Lexicolochía Adchectivación · Anglicismos · Arabismos · Castellanismos · Catalanismos · Celtismos · Chermanismos · Cultismos · Fitonimia · Galicismos · Goticismos · Helenismos · Hidronimia · Italianismos · Leyonesismos · Lusismos · Mozarabismos · Neerlandismos · Nominalización · Occitanismos · Oronimia · Persismos · Semicultismos · Superstrato francico · Toponimia · Tudesquismos · Vasquismos · Zoonimia
Ortografía Ortografía medieval · ACAR · Uesca · SLA