Seixma d'el Campo de Sarrión

Seixma d'el Campo de Sarrión
Seixma de la Comunidat de Teruel
Entidat  • Estau  • País  • Comunidat	Seixma Corona d'Aragón Reino d'Aragón Comunidat de Teruel
Capital	Sarrión
Aldeyas	Albentosa, Almansa, Arcos de las Salinas, Cabra de Mora, Formich Chusano, Formich Susano, Fuents de Rubielos, Nogueruelas, La Gasconiella, La Puebla de Valverde, Lo Castellar, Pradas, Rubiuelos de Mora, Sant Agostín, Sarrión, Torrillas, Val de Zebro
Situación en la Comunidat de Teruel

La seixma d'el Campo de Sarrión yera una seixma situada en lo sud-este de l'antiga Comunidat de Teruel, sobre tot en las sierras de los Cabezos, de Camarena y de Chabalambre, y territorios situaus a l'este en la cuenca hidrografica de Millars.

Se suposa que las aldeyas de Castralbo, Aldeyuela, Cubla y Camarena perteneixeban inicialment a la seixma d'el Campo de Sarrión dica que la creyación de la seixma d'el Campo de Visiedo obligó a reorganizar lo numero d'aldeyas de cada seixma y pasoron a depender de la seixma d'el Campo de Cella, que heba perdiu unas cuantas aldeyas a causa de la creyación d'ixa nueva seixma.

Enta 1307 la seixma d'el Campo de Sarrión comprendería las aldeyas de:

Albentosa. Almansa. Arcos de las Salinas. Cabra de Mora. Formich Chusano. Formich Susano.

Fuents de Rubielos. Nogueruelas. La Gasconiella. La Puebla de Valverde. Lo Castellar. Pradas.

Rubiuelos de Mora. Sant Agostín. Sarrión. Torrillas. Val de Zebro.

A mitat de lo sieglo XIV baixo lo reinau de Pero IV se produció unatra reorganización de las seixmas y las aldeyas Fuents, La Puebla de Valverde, Lo Castellar, Nogueruelas y Rubiuelos deixoron la seixma d'el Campo de Sarrión pa convertir-se en aldeyas d'unatra seixma con cabeza en Rubiuelos. Se desconoixe tanto la calendata exacta como lo motivo de la reorganización, pero habió d'haber esdeveniu dimpués de 1333 y antes de 1369.

Bibliografía

• (es) Antonio Ubieto Arteta: Historia de Aragón. Divisiones Administrativas, Anubar, 1983.
• (es) Antonio Gargallo Moya. Los orígenes de la Comunidad de Teruel. Instituto de Estudios Turolenses, 1984.

• Datos: Q13050174