Sebastián Contín Pellicer

Sebastián Contín Pellicer
Concellero en o Concello de Zaragoza Primer tenient d'alcalde
1973 – 1977
Deputau en as Corz d'Aragón por Zaragoza
20 de chunio de 1991 – 26 de chunio de 1995
Deputau en as Corz d'Aragón por Zaragoza
26 de chunio de 1995 – 7 de chulio de 1999
Deputau en as Corz d'Aragón por Zaragoza
7 de chulio de 1999 – 20 de chunio de 2003
Senador en as Corz Chenerals por designación d'as Corz d'Aragón
1996 – 2003
Naiximiento	3 de noviembre de 1944 Sigüés (Chacetania, Zaragoza, Aragón)
Muerte	19 de chunio de 2025 Zaragoza (Comarca Central, Zaragoza, Aragón)
Partiu	Alianza Popular Partido Popular de Aragón
Profesión	Medico
Alma Máter	Universidat de Zaragoza

Sebastián Contín Pellicer, naixiu de Sigüés (Chacetania, Zaragoza, Aragón) o 3 de noviembre de 1944 y muerto en Zaragoza (Comarca Central, Zaragoza, Aragón) o 19 de chunio de 2025, estió un medico y politico aragonés, que tamién estió autor de bellas obras adedicadas a la historia y a d'atros aspectos d'o suyo lugar natal y d'a suya comarca.

Carrera profesional

Fomau en a Universidat de Zaragoza, a on se i licenció en Medicina (obtenendo posteriorment o doctorau), desenrrolló la suya carrera profesional en l'Hespital Universitario Miguel Serveto de Zaragoza, estando lo chefe d'o Servicio d'Otorrinolaringolochía de dito hespital, en una d'as suyas especialidaz (la suya atra especialidat estió la Pediatría).

Carrera politica

Prencipió la suya carrera politica mientres a dictadura franquista, estando dende 1973 concellero en o Concello de Zaragoza y lo suyo primer tenient d'alcalde, remanindo-íe dica las primeras eleccions municipals d'a democracia, en 1979.

Posteriorment, estió un d'os fundadors d'o partiu politico de dreita politica Alianza Popular, que dimpués se refundó como Partido Popular, estando esleyiu deputau por Zaragoza en as Corz d'Aragón por o Partido Popular de Aragón en as eleccions de 1991 (III Lechislatura d'as Corz d'Aragón), 1995 (IV Lechislatura d'as Corz d'Aragón) y 1999 (V Lechislatura d'as Corz d'Aragón).

Estió igualment senador en as Corz Chenerals por designación d'as Corz d'Aragón en 1996 (VI Lechislatura d'Espanya), a on estió ponent d'a reforma d'o Estatuto d'Autonomía d'Aragón, y 2000 (VII Lechislatura d'Espanya).

Obras

Libros

• 1967: Historia de Tiermas, Institución Fernando el Católico, 163 pp.
• 1977: Historias de la Alta Zaragoza (Primera parte), Cuadernos de Zaragoza, num. 22, Concello de Zaragoza, 41 pp.
• 1978: Historias de la Alta Zaragoza (2ª parte), Cuadernos de Zaragoza, num. 28, Concello de Zaragoza, 150 pp. (.pdf).
• 1992: Historia de los baños de Tiermas, Caja de Ahorros y Monte de Piedad de Zaragoza, Aragón y Rioja. (Tesi doctoral de 1990). ISBN 978-8487007620

Articlos

• 1969: Etnología en el valle de Roncal, en Etnología y tradiciones populares, p.125-132.
• 1977: Ganancia protésica auditiva en el niño, en Archivos de Estudios Médicos Aragoneses, num.22-23, p.267-268. Institución Fernando el Católico.
• 1978: Sigués en el siglo XVII (La vida en un pueblo aragonés de señorío) II, Institución Fernando el Católico, 42 pp. (.pdf), en Cuadernos de Aragón, num.10-11. ISSN 0590-1626.

Vinclos externos

• (es) Sebastián Contín Pellicer en Dialnet.

• Datos: Q134988487