Señora doctor

Señora doctor
Títol	Señora doctor
Póster d'a cinta.
Ficha tecnica
Dirección	Mariano Ozores
Aduyant de dirección	Zacarías Urbiola
Producción	José Antonio Cascales
Guión orichinal	Mariano Ozores
Musica	Alfonso Santisteban
Fotografía	Raúl Pérez Cubero
Montache	Petra de Nieva
Escenografía	Eduardo Torre de la Fuente
Maquillache	Romana González Carmen Sánchez
Actors	Lina Morgan José Sacristán Mari Carmen Prendes Gemma Cuervo Antonio Ozores Nadiuska Perla Cristal Luis Sánchez Polack Ignacio de Paúl Luis Barbero Enrique Ávila Goyo Lebrero Manuel Alexandre Ray Noland Rosa de Alba Pilar Gómez Ferrer Antonio Pérez Bayod Elsa Zabala
Datos y cifras
País(es)	Espanya
Anyo	1974
Estreno	22 d'abril de 1974 Barcelona (Catalunya, Espanya)
Chenero(s)	Cine de comedia
Durada	91 min.
Idioma(s)	Castellano
Companyías
Productora(s)	Producciones Internacionales Cinematográficas Asociadas
Distribución	Vídeo Mercury Films

Señora doctor (títol orichinal en castellano, en aragonés Sinyora doctor, estrenada en Aragón con o suyo títol orichinal) ye una cinta de cine de comedia de cine espanyol estrenada l'anyo 1974, dirichida por Mariano Ozores seguntes un guión orichinal d'él mesmo, con una banda sonora orichinal d'Alfonso Santisteban, una dirección de fotografía de Raúl Pérez Cubero y una producción cinematografica de José Antonio Cascales ta la productora cinematografica Producciones Internacionales Cinematográficas Asociadas. Fan parte de l'elenco d'a cinta, entre d'atros actors, Lina Morgan, José Sacristán, Mari Carmen Prendes, Gemma Cuervo, Antonio Ozores, Nadiuska, Perla Cristal, Luis Sánchez Polack, Ignacio de Paúl, Luis Barbero, Enrique Ávila, Goyo Lebrero, Manuel Alexandre, Ray Noland, Rosa de Alba, Pilar Gómez Ferrer, Antonio Pérez Bayod y Elsa Zabala.

Elvira Ruiz Marcos ye una choven medico de Madrit que fa poquet que ha rematau os suyos estudios y tien dos problemas: o primero, con os hombres, en haber-li feito desprecio como muller o suyo primer novio cuan yeran en o leito ta fer l'amor, y lo segundo, iste de tipo profesional, que se gasta la gana a la vista d'a sangre, motivo por o cual tenió que deixar o suyo primer treballo con un dentista. Un psiquiatra li recomana que marche enta un lugarón chicorrón ta curar-se y accepta un treballo en un lugar d'a Espanya rural, contractada por o suyo alcalde ta substituyir a l'anterior medico, que ha falleixiu. Cuan i plega, troba que la chent d'ixe lugar asperaba un hombre y toz tienen problemas con que lo suyo medico sía una muller, menos as mullers, encara que chustament a muller de l'alcalde se niega a que la tracte una muller en o suyo emprenyau en haber muerto los suyos tres anteriors fillos en a suya naixencia estando tractada por una comai. Tamién troba que Ataúlfo Mínguez, l'albeitar d'o lugar, feba dica l'inte as labors de medico, en simulando que a qui tractaba yera a bel animal d'o malauto que aparentment teneba los mesmos sintomas. Sindembargo, Ataúlfo bien luego siente atracción por Elvira, que ye mutua, y toz dos prencipian a colaborar en a suya primer actuación conchunta, cua han d'evitar que un hombre d'o pueblo dispare contra lo choven que ha feito l'amor con a suya filla y que lo pai considera una violación. Amás, tot prencipia a cambiar cuan ixe mesmo día Elvira explica a la muller de l'alcalde cual ye lo problema que fa que los suyos fillos naixcan muertos y li explica cómo desentar-lo.

A cinta s'ambienta en a suya epoca actual (1974) en Madrit y bel atro puesto indeterminau d'Espanya y las suyas escenas se filmoron en Madrit.

Elenco

Actor	Papel	Notas
	'

Se veiga tamién

• Cine en 1974.
• Cintas de 1974.

Vinclos externos

• (en) Señora doctor en Internet Movie Database.
• (es) Señora doctor en FilmAffinity.