Saxifraga longifolia

*Saxifraga longifolia*
Saxifraga longifolia
Denominacions populars
coda de borrega, corona de rei, cuerno de craba, abortacrabas, gallos, onosma, tripol, camaladro
Clasificación cientifica
Reino:	Plantae
División:	Magnoliophyta
Clase:	Magnoliopsida
Orden:	Saxifragales
Familia:	Saxifragaceae
Chenero:	Saxifraga
Subchenero:	Saxifraga subg. Saxifraga
Especie:	S. longifolia
Descripción
Saxifraga longifolia Lapeyr.,

A coda de borrega^[1] u corona de rei^[1] (nombre cientifico Saxifraga longifolia) ye una especie de planta d'o chenero Saxifraga y d'a familia Saxifragaceae, autóctona d'o Pireneu y Prepireneu.^[2]

Descripción

Ye una planta herbacia, perenne, de fuellas linears u estreitament espatuladas, agudas, de 3 a 8 cm de largaria, que forman una roseta basal compacta y aplanada. As flors, blancas y numerosas, se troban en una panicula de 25 a 50 cm. Creixe en cinglos y penyizas.^[2] Se tracta d'una planta con propiedaz abortivas. Ye un remeyo que fan servir os pastors con o bestiar, aduya a forachitar a placenta.^[3]

Nombres

Se conoixe como coda de borrega^[4] en Fosau, A Mula, Sarllé y Sant Feliu de Veri y como corona de rei^[4] en a redolada de Turbón y Campo (Uesca). Se diz gallos^[1]^[4] en Sobrarbe y concretament en a localidat de Tella, cuerno de craba^[1]^[4] en Beranui, abortacrabas^[1]^[4] en Chaca y tripol^[1]^[4] en Bielsa. Atras formas documentadas son camaladro^[1] y onosma^[1].