Saskatchewan (cinta)

Iste articlo ye sobre una cinta estausunidense de western de l'anyo 1954; ta atros usos, se veiga Saskatchewan (desambigación).

Saskatchewan
Títol	Saskatchewan
Ficha tecnica
Dirección	Raoul Walsh
Aduyant de dirección	Frank Shaw
Dirección artistica	Bernard Herzbrun Richard H. Riedel
Producción	Aaron Rosenberg
Guión adaptau	Gil Doud
Basau en	una historia de Gil Doud
Musica	William Lava Henry Mancini Hans J. Salter Frank Skinner Herman Stein
Soniu	Leslie I. Carey Joe Lapis
Fotografía	John F. Seitz
Montache	Frank Gross
Escenografía	John P. Austin Russell A. Gausman
Vestuario	Bill Thomas
Maquillache	Bud Westmore
Peluquería	Joan St. Oegger
Actors	Alan Ladd Shelley Winters J. Carrol Naish Hugh O'Brian Robert Douglas George J. Lewis Richard Long Jay Silverheels Antonio Moreno Frank Chase Lowell Gilmore Anthony Caruso Henry Wills Bob Herron
Color	Technicolor
Datos y cifras
País(es)	Estaus Unius
Anyo	1954
Estreno	10 de marzo de 1954 Nueva York (Nueva York, Estaus Unius)
Chenero(s)	Cine de western Cine de drama
Durada	87 min.
Idioma(s)	Anglés
Companyías
Productora(s)	Universal Pictures
Distribución	Universal Pictures
Recauto	2,25 millons de dólars
Informacions en bases de datos especializadas:

Saskatchewan (títol orichinal, estrenada en Aragón con o títol en castellano de Rebelión en el fuerte, en aragonés Rebelión en o fuerte) ye una cinta de Cine estausunidense de cine de western dramatico estrenada l'anyo 1954, dirichida por Raoul Walsh seguntes un guión adaptau por Gil Doud (basau en una historia d'él mesmo), con una banda sonora orichinal de William Lava, Henry Mancini, Hans J. Salter, Frank Skinner y Herman Stein, una dirección de fotografía a lo cudiau de John F. Seitz y una producción cinematografica d'Aaron Rosenberg ta la productora cinematografica Universal Pictures. Fan parte de l'elenco d'as cinta os actors Alan Ladd, Shelley Winters, J. Carrol Naish, Hugh O'Brian, Robert Douglas, George J. Lewis, Richard Long, Jay Silverheels, Antonio Moreno, Frank Chase, Lowell Gilmore, Anthony Caruso, Henry Wills y Bob Herron, entre d'atros.

O subinspector O'Rourke, d'a Policía Amontada d'o Nord-ueste, chunto con su chirmano cree Cajou, tornan en 1876 d'una expedición de caza cuan troban una caravana incendiada con nomás que una sola supervivient, Grace Markey. La levan enta lo suya base, a on O'Rourke conoix a lo suyo nuevo superior, l'inspector Benton, recient plegau dende lo Reino Uniu y que ha ordenau la incautación de toz os fusils que estasen en mans d'os crees. En veyer a Cajou con un rifle, Benton ordena a O'Rourke que lo li requise y, como consecuencia, pierde la suya amistat con él. Os sioux de l'atro canto d'a muga, que han redotau a lo 7^eno Rechimiento de Caballería d'os Estaus Unius en a batalla de Little Bighorn, ufren a los crees os fusils que han capturau. Cuan ordenan a la Policía Amontada que marche enta Fort Walsh, amán d'a muga, Benton ordena a un sarchento que arreste a O'Rourke, por negar-se inicialment a cumplir a suya orden de desarmar a Cajou, pero lo sarchento se niega y los arresta a toz dos, menazando-los d'un consello de guerra. O'Rourke se fuga d'o grupo y marcha enta los crees ta convencer a su chefe de que no s'una a los sioux, y iste accepta a condición de poder recebir armas ta poder defender-se d'os sioux, pero en plegar O'Rourke enta Fort Walsh os suyos superiors no el creyen y l'arrestan. Poco dimpués, en cumplimiento d'as órdens recebidas, o chefe de Fort Walsh marcha con un grupo de policías a entrevistar-se con os sioux ta decir-les que no pueden remanir en Canadá so que nomás si acceptan vivir pacificament, pero O'Rourke sabe que malas que els troben, serán atacaus por os sioux, y decide fuyir y demanar aduya a los cree, a qui subministra las armas que demanaban.

A cinta s'ambienta en 1876 en Saskatchewan (Canadá), y las suyas escenas se filmoron en localizacions en Alberta (Canadá), incluyindo-ie Banff y lo Parque Nacional Banff.

Elenco

Actor	Papel	Notas
	'

Se veiga tamién

• Cine en 1954.
• Cintas de 1954.

Vinclos externos

• (en) Saskatchewan en Internet Movie Database.

• Datos: Q2045673