Tozal de Trillo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tozal de Trillo
O tozal de Trillo, con orache hibernal, dende lo barrio d'a ilesia de Trillo.
Situación
Situación	A Fueva (Uesca)
Latitut	42° 18' 39" N
Lonchitut	0° 16′ 08" E
Vértiz cheodesico	Error d'expresión: operador / no asperau/0.pdf
Cheografía
Cordelera	Sierras exteriors pirenencas
Sierra
Macizo
Altaria	1.088 m
Primera puyada
Ruta mas fácil
Mapa

O tozal de Trillo, tamién conoixiu como tozal de Salinas u tozal de Sant Marcos, ye un tozal en o sud de a Fueva, aproximadament a 9 kilometros en sud de a capital d'a sucomarca que ye Tierrantona, que ye a divisoria d'entre ixa subcomarca natural de Sobrarbe y as cuencas d'os barrancos de o Salinar y de Clamosa. Forma un sarrato menor en chunto con o «tozal de Santa Brichida», de menor altaria, que se sitúa en ueste de o de Trillo, liberando un collau a cada costau. Ista disposición de o tozal de Trillo con o suyo tozal chermano, o de Sta. Brichida, fa que bellas vegadas se'n sienta decir a o conchunto como «sierra de Trillo» u «sarrato de Trillo».

Por o costau oriental forma un collau relativament amplo, dindo a achuntar-se como un cerro en a sierra d'o Turón; por o costau occidental, unatro collau, de menor altitut pero mas estreito, el mete en comunicación con a sierra de l'Entremont por o «tozal de Sant Per» (que quita o nombre de Sant Per de Trillo). Por isto y porque l'eixe principal d'a formación ye practicament d'este-ueste, o sarrato de Trillo fa de divisoria entre a fondonada natural d'A Fueva, subcomarca de o Sobrarbe, en norte, y a cuenca d'o barranco d'o Salinar que se troba en sud.

En as garras d'o sud-este se i puede trobar a población de Salinas de Trillo, bien comunicada con una pista asfaltada con as localidaz de A Fueva cheografica. En sud d'o tozal, o lugar cuasi despoblau de Trillo sinyorea un cerret chicorrón sobre o barranco d'o Salinar, y le da nombre a o tozal. En a baixant de l'ueste, en as garras d'o tozal chermano que se diz de Santa Brichida, se i puede trobar a ermita de Santa Brichida que le da nombre a lo dito tozal y a un barranco afluent d'el d'o Salinar que naixe amanau d'ella. En a cuentra d'o collau d'ixe costau, o desploblau de Sant Per le da nombre a o primer tozal d'a sierra de l'Entremont.

En l'altura d'o tozal, se i puede trobar un ermita, consagrada a l'advocación de Sant Marcos^[1] y que recibiba romerías anyals dende os lugars d'a redolada,^[1] que fa que tamién se'n pueda sentir referencias como «tozal de Sant Marcos».