Santuario de Torrociudat

Santuario de Torrociudat
Santuario de Torrociudat
Situación cheografica
Estau
País
Situación	Torrociudat, Secastiella (Ribagorza, Aragón)
Adreza
Coordenatas
Archidiocesi
Diocesi	Balbastro-Monzón
Arcipestrau	Sobrarbe-Ribagorza
Información cheneral
Advocación	Nuestra Sinyora de Torrociudat
Culto	Cristianismo
Orden	Opus Dei
Rector
Vicario parroquial
2.º Vicario parroquial
Mosen
Propietario
Administrador
Director
Coste	{{{coste}}}
Visitable
Altaria
Pisos
Amplaria
Largaria
Superficie
Diametro
Aforo
Altaria s.l.m.
Atras
Alcance
Iluminación
Potencia
Arquitectura
Tipo	Santuario
Estilo	Neomudéchar
Función
Catalogación
Materials
Construcción
Construcción	1970-1975
Fundador	Jose María Escrivá de Balaguer
Inicio
Fin
Devantadera
Destrucción
Equipo disenyador
Arquitecto	Heliodoro Dols
Incheniero estructural
Incheniero de servicios
Incheniero civil
Atros
Premios
Pachina web
Localización
Santuario de Torrociudat Santuario de Torrociudat en Aragón

O santuario de Torrociudat ye un templo catolico adedicau a la Virchen María situau en o lugar de Torrociudat, en o municipio ribagorzano de Secastiella. Encara que se gosa decir santuario, o templo no ha estau erechiu formalment como tal, lo que ha estau motivo de fricción entre a prelatura de l'Opus Dei que lo promueve y o bispe de Balbastro-Monzón, a on se troba situau. O nuevo templo –obra de l'arquitecto valenciano Heliodoro Dols– fue inaugurau en 1975 y en él se venera una talla romanica d'a Virchen María que data d'o sieglo XI. O santuario nuevo, a reforma d'a ermita antigua y a construcción d'os edificios anexos fuoron iniciativa de sant Jose María Escrivá de Balaguer (1902-1975).

Ubicación

Torrociudat ye situau en o termin municipal de Secastiella, en a comarca altoaragonesa de Ribagorza, en a provincia de Uesca, Aragón. Se troba en a marguin ezquierda d'o río Cinca, sobre as auguas d'o entibo de lo Grau. Ye a 75 km de distancia de Uesca, a capital provincial.

Nombre y situación actual

O nombre de Torrociudat proviene d'una viella torre de vichilancia d'a epoca arabe, cuals ruinas se troban a bels metros de l'antiga ermita. A construcción de l'actual santuario fue promovida a exprés por Jose María Escrivá de Balaguer, fundador de l'Opus Dei (prelatura personal d'a Ilesia Catolica).

A situación canonica d'o templo moderno ye actualment en fase de revisión. Seguntes ha manifestau o bispe de Balbastro-Monzón, s'aspera que siga erechiu como santuario diocesano, por estar un puesto sagrau a o que, por un motivo peculiar de piedat, vienen en pelegrinación a saber-los fidels con aprebación de l'ordinario d'o puesto y contar con o plácet d'a Santa Seu pa estar considerau asinas. Asinas fue adelantau extraoficialment por o bispe d'a diocesi en a que se troba a ermita original y o nuevo templo, en a celebración d'a fiesta d'a Inmaculada Concepción de 2023.

Chunto con os santuarios d'o Pilar, Montserrat, Meritxell y Lorda, conforman a Rota Mariana, itinerario guidau por a fe cristiana en cheneral y por a devoción mariana en particular, d'intrés turistico por a suya riqueza patrimonial, y os suyos atractivos gastronomicos, rurals y naturals.

Descripción

Retablo entretallau en alabastro por Joan Mayné, que representa distintas escenas d'a Virchen María

A Virchen de Torrociudat ye una talla romanica d'o sieglo XI. Ye una d'as ditas vírchens negras, sedent, con o nino en os suyos brazos mirando a o frent. Dende tiempo immemorial se troba en una ermita situada en un salient ixaspro sobre o río Cinca, entre o barranco de la Sosa y o de Vulturina. Perteneixeba historicamente a o municipio de Vulturina, pero en quedar ista población deshabitada, o termin s'integró en o de Secastiella. L'advocación baixo a que se venera ye a de "Nuestra Sinyora d'os Ánchels". A devoción a ista imachen gosó tener bella importancia entre os habitants d'os lugars amanaus, de Ribagorza y d'o Semontano, que organizaban romerías y pelegrinacions.

En 1904, Josemaría Escrivá de Balaguer, de dos anyos d'edat, fue levau en pelegrinación dica ista ermita en brazos de su mai; heba teniu una grieu malautía por la que se temeba por a suya muerte, por lo que sus pais demandoron a la Virchen de Torrociudat a suya curación. Como heba superau a malautía fue levau en lomos d'una caballería dende Balbastro enta Torrociudat.

En a decada de 1960, Josemaría Escrivá de Balaguer decide construyir un nuevo santuario en agradeiximiento a la Virchen, chunto a l'antigo que data d'o sieglo XI. O 2 de chinero de 1970 prencipioron as obras y meses dimpués (abril de 1970) Josemaría Escrivá vesitó Torrociudat, 66 anyos dimpués d'a vesita que fació con sus pais.

L'actual templo s'inauguró o 7 de chulio de 1975, y fue construyiu por l'arquitecto Heliodoro Dols entre 1970 y 1975 a unas decenas de metros d'a ermita. Con un estilo muit personal, destaca por a variedat de formas, creyadas con un unico elemento constructivo, o ladriello a caravista. En as esquineras y as finestras s'emplegó l'alabastro. Os dos materials son tradicionals en as construccions d'a comarca. O templo tien dos plantas, a nau prencipal (planta superior) que incluye un coro alto, y una cripta con cuatre capiellas y confesionarios. As capiellas son adedicadas a la Virchen d'o Pilar, a Virchen de Loreto, a Virgen de Guadalupe y a Sagrada Familia. L'edificio queda enmarcau por una esplana zarrada por arquerías presta pa recibir a cuantos mils de personas.

O 24 de chunio de 1979, ETA cometió astí o suyo primer atentau terrorista en Aragón, con una bomba de bels diez kilos de goma-2. L'artefacto explotó a las nueu d'a nueit. Causó importants danyos materials a la edificación.

O 7 de chulio de 2015, o santuario celebró o suyo XL Cabo d'anyo, en o que facioron parti decisiet asociacions culturales uescanas. Mientres istos cuaranta anyos han i plegau pelegrins de 103 países, bels d'éls tan exoticos como: Benín, Camerún, Indonesia, Islas Caimán, Chapón, Pakistán, Trinidad y Tobago u Omán.

Interior d'o templo

Destaca o retablo, esculpiu en alabastro por Joan Mayné, que representa distintas escenas d'a vida d'a Virchen María. En o centro se troba a talla romanica, restaurada con ocasión d'a construcción de l'actual santuario. A la ezquierda s'adhibió en 1994 una imachen de sant Josemaría Escrivá de Balaguer. En a capiella d'o Santísmo se troba un Cristo en bronce dorau a o fuego, esculpiu por l'artista italiano Pasquale Sciancalepore.

Tamién ye notable l'organo, con mas de cuatre mil tubos, que ye o centro d'intrés d'un festival de musica d'organo que se celebra anyalment mientres o mes d'agosto.

Ermita de Torrociudat

Se conserva tamién l'antigua ermita d'o sieglo XI con a suya viella hospedería, ubierta a o publico, en a que se troban 44.000 pachinas de testimonios escritos en o libro de firmas.

A o largo d'o recinto d'o santuario son representaus en ceramica os vinte Misterios d'o Rosario, obra d'o pintor y ceramista José Alzuet, mientres que baixando dende a esplana prencipal a l'antigua ermita se troban as catorce escenas d'os Dolors y gozos de Sant Chusé, reyalizaus en azulechos por l'artista Palmira Laguéns.

A fiesta d'a Virchen de Torrociudat se celebra o dominche siguient a o 15 d'agosto.

Vista d'a 13^ena estación d'o Vía Crucis

O espacio "Vive la experiencia de la fe" ufre a o vesitant de Torrociudat una immersión multimedia en a que, a traviés de cuantos ambitos, se plantian cuantos interrogants y reflexions sobre as grans cuestions d'a vida humana: Dios, a libertat, a felicidat, a Virchen María, l'amor… O suyo obchectivo ye amanar a comprensión d'o que ye o santuario y facilitar a experiencia d'una renovación interior.

A Rota Mariana

Ta mas detalles, veyer l'articlo Rota Marianaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Actualment o santuario ye un d'os centros d'atracción mas importants d'a zona, recibe mils de visitas en bellas celebracions, especialment entre abril y octubre. Entre ellas se troba a fiesta d'a Virchen d'el Quinche, patrona de Quito (Ecuador). A ista trobada anyal d'integración, que se celebra dende 2005, acuden familias ecuatorianas que residen en Espanya.

Dende meyaus d'a decada de 1980 o santuario ha promocionau a dita Rota Mariana, que enlaza Zaragoza (por a basilica d'o Pilar), Torrociudat y Lorda. Auguas abaixo d'a penya a on s'ubica o santuario se troba o lugar de lo Grau.

En 2019 s'instaló una replica d'a Virchen de Torrociudat en a ilesia parroquial de Cristo Rei, en Ourense (Galicia).

O 18 de chulio de 2023 Ángel Javier Pérez Pueyo, bispe de Balbastro-Monzón nombró como rector de Torrociudat a José Mairal, mosén de Vulturina-Ubiergo. A prelatura indicó ixe mesmo día a suya disconformidat con ixa mida ya que o templo moderno no heba estau erechiu encara como santuario; "seguntes os actuales estatutos de Torrociudat, de l'anyo 1980, o nombramiento d'o rector y a designación d'os sacerdotes que s'ocupan de l'atención pastoral corresponde a o vicario rechional d'a prelatura. Asinas s'ha estau fendo dende 1975".

Vinclos externos

• Se veigan as imáchens de Commons sobre o santuario de Torrociudat.
• (es) Pachina oficial d'o santuario de Torrociudat
• (es) Torrociudat adintro d'a Rota Mariana
• (es) Turismo d'Aragón: Santuario de Torrociudat

Rota Mariana
Basilica d'o Pilar → Santuario de Torrociudat → Santuario de Lorda

• Datos: Q1125177
• Multimedia: Sanctuary of Torreciudad / Q1125177