Santfermins

Encierro d'os santfermins

As fiestas de Sant Fermín, popularment conoixidas como santfermins (en basco sanferminak, en castellano sanfermines), son una Fiesta d'Intrés Turistico Internacional en honor a sant Fermín d'Amiens. S'organizan cada anyo en a ciudat de Pamplona capital de Navarra, d'a que ye copatrón.

As fiestas prencipian con o lanzamiento d'o codetazo dende o balcón d'a Casa d'a ciudat de Pamplona, a las 12 d'o meyodía d'o 6 de chulio, y rematan a meyanueit d'o 15 de chulio con o Pobre de mí…, una canta de despedida.

Una d'as actividaz mas famosas d'os santfermins ye l'encierro, que consiste en una cursa de personas a o largo d'un recorriu de 849 metros endebant d'os seis bueis furos que seran lidiaus ixa tardi en a corrida de toros y de seis mansos y que remata en a plaza de toros. Os encierros se fan cada día entre o 7 y o 14 de chulio, y prencipian a las ueito d'o maitín, con una durada d'entre dos y cuatre minutos, si bien en os zaguers anyos a causa d'as midas de seguritat ye prou raro que sobrepasen os tres minutos.

Os santfermins se fan dende fa cuantos sieglos, encara que a suya fama mundial ye un fenomeno recient, vinclada tamién a la difusión que les dió o escritor sstausunidense Ernest Hemingway en o libro Fiesta. A suya fesomía actual, cosmopolita y multitudinaria, ye o resultau d'una lenta evolución historica os oríchens d'a cual se remontan a la Edat Meya.

A població de Pamplona mientres a semana de fiestas pasa de 280.000 a mas d'un millón de personas.