Santchuanada

A santchuanada^[1] ye una celebración que se fa anyalment en a vispra d'a festividat cristiana d'a naixencia de sant Chuan Baptista o día 24 de chunio.^[2]^[3]

En Aragón

Muitos lugars d'o Pireneu aragonés celebran as fiestas d'o fuego d'o solsticio de verano u fallas de Sant Chuan en istas calendatas. As localidaz d'Aneto, Bonansa, Castanesa, Chistén, Las Pauls, Montanui, Nerill, Noals, Sant Chuan de Plan, Saúnc, Senet, Suils y Villargüé celebran ista fiesta que ye Patrimonio Cultural Inmaterial d'a Humanidat seguntes a Unesco dende 2015.^[4]^[5] Tamién se fa ista fiesta en bels puestos d'Andorra, Catalunya y Occitania.

Os vecins d'istos lugars puyan ta la montanya con o escureixiu d'o día 23 de chunio, vispra de Sant Chuan, a on fan unas granizas fogeras ditas "faros". D'istas fogueras prenen pa as "fallas" con as que baixarán por a costera d'a montanya, caminando u correndo, enta os lugars. O proceso prencipia meses antis d'o solsticio de verano cuan se triga a fusta con a que se ferán as fallas y s'apresta tot.

Ye una nueit machica en a que se creyeba que as hierbas adquiriban unas propiedaz particulars y marabillosas. I hai leyendas relacionadas con l'augua de ríos y ibons como a d'a mora que s'apareixeba de manyanada en l'ibón de Plan. Yera costumbre de lavar-se con l'augualera que cubriba as hierbas antis que no amaneixese y fer servir ixa augua con fins purificadors y sanadors.^[6]

Mazadas

L'augua de San Juan saca vino y no da pan.^[7]
Ta Sant Chuan labra muito, anque siga mal.^[6]
Ta Sant Chuan, si tiens ordio, a segar.^[6]
Sembrarás cuan querrás que entre Sant Chuan y Sant Pietro me segarás.^[6]

Se veiga tamién

Referencias

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ (es) Noche de San Juan. Cultura Popular. www.barcelona.cat
↑ (es) Noche de San Juan 2023: por qué se celebra y cuál es su origen. Inés Pascal. Diario de Navarra, 21 de chunio de 2023
↑ (es) La pedanía de Neril, en Huesca, recupera las Fallas. Aragon Despierta, 17 de chulio de 2024.
↑ (fr) Les fêtes du feu du solstice d'été dans les Pyrénées. Unesco, 2d'aviento de 2015
↑ ^6,0 ^6,1 ^6,2 ^6,3 (an) "Sapienzia en purnas. L'añada en o refranero altoaragonés". Chusé Antón Santamaría Loriente. Aladrada Ediciones. Colección Clarión, 12. Zaragoza, 2017. ISBN 978-84-947712-2-4
↑ (es) José Enrique Gargallo Gil:Los refranes meteorológicos en aragonés, en el marco de la paremiología románica, Alazet n°20, 2008, ISSN 0214-7602, p.11-31

Datos: Q10398273
Multimedia: St John's Eve / Q10398273

[DACC-1] (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[2] (es) Noche de San Juan. Cultura Popular. www.barcelona.cat

[3] (es) Noche de San Juan 2023: por qué se celebra y cuál es su origen. Inés Pascal. Diario de Navarra, 21 de chunio de 2023

[4] (es) La pedanía de Neril, en Huesca, recupera las Fallas. Aragon Despierta, 17 de chulio de 2024.

[5] (fr) Les fêtes du feu du solstice d'été dans les Pyrénées. Unesco, 2d'aviento de 2015

[CASantamaría-6] 6,0 ^6,1 ^6,2 ^6,3 (an) "Sapienzia en purnas. L'añada en o refranero altoaragonés". Chusé Antón Santamaría Loriente. Aladrada Ediciones. Colección Clarión, 12. Zaragoza, 2017. ISBN 978-84-947712-2-4

[7] (es) José Enrique Gargallo Gil:Los refranes meteorológicos en aragonés, en el marco de la paremiología románica, Alazet n°20, 2008, ISSN 0214-7602, p.11-31

[1]

[2]

[3]

[4]

[5]

[6]

[7]