Santa Coloma d'Andorra
| Santa Coloma d'Andorra | |
| Localidat d'Andorra | |
| Estau • Parroquia |
|
| Población • Total |
3002 hab. (2016) |
| Altaria • Meyana |
970 m. |
| Codigo postal | AD500 |
| Coordenadas | |
Santa Coloma d'Andorra, oficialment Santa Coloma,[1] ye un nuclio de población d'o Prencipau d'Andorra situau en a parroquia d'Andorra la Viella.[2] En l'anyo 2009 teneba 2.994 habitants.[3]
Santa Coloma d'Andorra ye a seu de l'arcipestrau d'Andorra. Se i troba a seu social de cuantas institucions d'a ilesia andorrana, como por eixemplo Caritas.
Historia
[editar | modificar o codigo]Igual que d'a resta d'a parroquia, os datos historicos conservaus son muit chenerals. Se sabe que Santa Coloma fue cambiada en o sieglo X por Borrell II por atros territorios en a Cerdanya y l'Alto Urchel, posesions d'o bispe d'Urchel. Estió a primitiva parroquia d'Andorra, tal como apareixe en l'acta de consagración y dotación d'a seu d'Urchel (1007) en a que se cita Andorra cum Sancta Columba.
Molimentos
[editar | modificar o codigo]O lugar ye muit conoixiu por a suya ilesia parroquial prerromanica de Santa Coloma, ementada ya en o 839, con o campanal cilindrico que constituye a suya caracteristica mas destacada. O conchunto historico de Santa Coloma, incluyida a suya ilesia y a de Sant Vicent d'Enclar, fue propuesto como Patrimonio d'a Humanidat en 1999 en a categoría de patrimonio cultural.[4]
A vesita a la ilesia de Santa Coloma se complementa con o Espai Columba, inaugurau en 2019, a on s'exposan as pinturas romanicas orichinals.[5]
Tamien se troba en Santa Coloma a dita casa dels Russos, concebida como nuclio d'un enclau georgista.
Referencias
[editar | modificar o codigo]- ↑ (es) Aprovat el Nomenclàtor d'Andorra. Servicio de Politica Lingüistica (Gubierno d'Andorra), 20 d'octubre de 2010.
- ↑ (ca) Santa Coloma d'Andorra en a Gran Enciclopedia Catalana.
- ↑ (ca) Població per poble.
- ↑ (fr) Ensemble historique de Santa Coloma. UNESCO World Heritage Centre, 22 de febrero de 1999.
- ↑ (ca) Espai Columba.
| Localidaz d'a parroquia d'Andorra la Viella | |
|---|---|
| Andorra la Viella | La Margineda | Santa Coloma d'Andorra |