Ilesia de Sant Miguel de Biota

Iste articlo ye sobre a ilesia de Sant Miguel de Biota, en as Cinco Villas; ta atros usos, se veiga Ilesia de Sant Miguel.

Sant Miguel de Biota
Anvista de l'abside d'a ilesia de Sant Miguel de Biota.
Situación cheografica
Estato	Espanya
País	Aragón
{{{tpdivisión}}}	{{{división}}}
Situación	Biota (Cinco Villas)
Adreza	{{{adreza}}}
Coordenatas
Diocesi	Chaca
Información cheneral
Advocación	Sant Miguel Arcánchel
Culto	Cristianismo
Orden
Rector	{{{rector}}}
Vicario parroquial	{{{vicario1}}}
2.º Vicario parroquial	{{{vicario2}}}
Mosen
Propietario	Ilesia Catolica
Administrador
Director
Coste
Vesitable	Sí
Altaria
Pisos
Amplaria
Largaria
Superficie
Diametro
Aforo
Altaria s.r.m.
Atras
Alcance	{{{alcance}}}
Iluminación	{{{iluminación}}}
Potencia	{{{potencia}}}
Arquitectura
Tipo	Ilesia
Estilo	Romanico
Función	Culto
Catalogación	Molimento Nacional Bien d'Intrés Cultural
Materials	Piedra picata
Construcción
Construcción	Sieglo XII (1196)
Fundador
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Localización
Sant Miguel de Biota Situación de Sant Miguel de Biota en Aragón
Pachina web

A ilesia de Sant Miguel de Biota ye una ilesia, consagrata a Sant Miguel Arcánchel, que se troba situata en o municipio aragonés de Biota, en a comarca de Cinco Villas y provincia de Zaragoza.

Ye una ilesia de culto catolico que pende d'a diocesi de Chaca y de l'archidiocesi de Pamplona. O edificio ye d'o sieglo XII, en estilo romanico. A ilesia fue declarata Molimento Historico-Artistico o 30 d'abril de 1982 por o Gubierno d'Espanya, y ye protechita legalment en l'actualidat con a suya declaración como Bien d'Intrés Cultural, a fegura legal que sustituye a la de Molimento Nacional. As suyas fronteras sud y occidental son obchecto d'especials órdens que desembolican a suya protección.

A ilesia poseye nomás que una sola nau. Bell unas d'as suyas esculturas son obra d'o dito Mayestro d'Agüero u Mayestro de Sant Chuan d'a Penya.

Historia

En Biota se i debantó un monesterio, adedicato a Santa María, que pendeba d'o monesterio de Sant Chuan d'a Penya dende 1071, y d'antis más d'o desapareiito monesterio de Sant Esteban d'Oraste, que se trobaba en a sierra de Santo Domingo (y que dio nombre a la ilesia de Sant Esteban de Luesia). Quan a ilesia monastica yera en estato de runa, o monesterio de Sant Chuan d'a Penya premitió que se i debantase un nuevo templo, que ista vegata s'adedicó a Sant Miguel Arcánchel. As obras d'o templo rematoron, alto u baixo, en 1196.

Caracteristicas arquitectonicas

A planta d'a ilesia de Sant Miguel de Biota.

L'arquitectura

Ye una ilesia con una sola nau que remata en un abside. Dividita en seis partz, os suyos contrafuertes se troban en o exterior, amanixendo dende dentro d'o templo en forma de columnas.

L'abside poseye tres uberturas en aspillera.

Fa poquetas anyadas se recuperó uno d'os arcos, zaguer repui de l'antigo claustro d'a desapareixita ilesia monastica, que se troba a o canto de l'actual frontera norte d'o edificio.

A dependencia en forma quadrata que se debanta en a frontera sud, amanata a l'abside, fue adhibita con posterioridat, mientres o sieglo XVII.

A escultura

As esculturas d'a ilesia son obra d'o dito Mayestro d'Agüero (u Mayestro de Sant Chuan d'a Penya, pero en estar una obra de zaguerías d'o sieglo XII ya son en un estilo de transición dende o romanico enta o gotico. Ye o zaguer treballo d'o Mayestro, y recibe influyencias goticas procedents d'a ilesia de Sant Miguel de Fuentidueña (Fuentidueña, Segovia) respective d'a suya tematica, que tracta d'un tema que dica l'inte no heba estato present en o panorama artistico d'o romanico aragonés: a psicostasi u pesache d'as almas por part de l'arcánchel Sant Miguel.

Se veiga tamién

• Mayestro d'Agüero u Mayestro de Sant Chuan d'a Penya.

Vinclos externos

• Se veigan as imáchens de Commons sobre a ilesia de Sant Miguel de Biota.
• (es) Ficha d'a ilesia de Sant Miguel de Biota en o Sistema de Información del Patrimonio Cultural Aragónés.
• (es) Biota: parroquial de San Miguel, en a web www.RomanicoAragones.com.
• (es) Carles Sànchez Màrquez: La inconografía de la psicostasis a partir de un ejemplo hispano: la portada sur de San Miguel de Biota.
• (es) Carles Sànchez Màrquez: El taller de San Miguel de Biota y la escultura en Aragón y Navarra en torno al año 1200, en Dialnet.
• (es) Carles Sànchez Màrquez: La iglesia de San Miguel de Biota. Aproximación estilística a su escultura, en Dialnet.
• (es) Carles Sànchez Màrquez: Las portadas de San Miguel de Biota: tradición y creación artística en la escultura románica de Cinco Villas, en Dialnet.