Sancha de Castiella y Polonia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sancha de Castiella y Polonia
Reina consort d'Aragón
Sancha de Castiella y Polonia
Reina consort d'Aragón
1174 - 1206
Predecesor	Remón Berenguer IV
Succesor	María de Montpeller
Naixencia	1158
Muerte	1208 Villanueva de Sixena
Conchuche/s	Alifonso II d'Aragón
Pai	Alifonso VII de Leyón
Mai	Riquilda de Polonia

Sancha de Castilla y Polonia (1158 - muerta en Villanueva de Sixena, en 1208), estió una infanta de Castiella y reina consort d'a Corona de Aragón entre 1174 y 1206 por o suyo matrimonio con o rei Alifonso II d'Aragón, con qui se casó o 18 de chinero de 1174. Yera filla de Alfonso VII de Leyón, rei de Castiella y d'a suya segunda muller, Riquilda de Polonia.

Estió a primera reina d'Aragón en fer servir un sello rechio. As suyas caracteristicas son parellanas a las d'os sellos que emplegó Alifonso II d'Aragón, o suyo marito, y amoestra en as dos caras caras una imachen d'a reina en a cadiera reyal y con una flor de lis en una mano en l'anverso, y en o reverso atra ecuestre montando a caballo con vestitos femenins. Ista iconografía amuestra a relación d'a reina con l'autoridat reyal d'o suyo marito.

Destacó a suya faina como mecenas d'as artes, que se puet veyer no nomás en a orichinalidat d'o suyo sello personal, sino en o establimiento d'o Monesterio de Sixena, que tenió a función de panteyón d'os reis aragoneses. Fació parti activament en l'administración d'o monesterio, a on que probablemente se retiró cuan morió o suyo marito en 1196 en Perpinyán, y a o que fació muitas donacions.

En 1208 escribió o suyo testamento, ordenando que se le enterrase en a capiella de Sant Per en o monesterio, donándo-le choyas, una tela de seda, una reliquia y diferents biens en Uesca, Zaragoza, Calatayú, Alagón, Daroca, Calamocha y Cambor de Pina. Morió probablement poco dimpués d'o 6 de noviembre de 1208, calendata en a que apareixe por zaguera vegata, figurando dende alavez a priora d'o monesterio asinas como o suyo fillo o rei Pero fendo cuantas donacions y confirmando las que heba feito su mai.

Matrimonio y descendencia

Alifonso II d'Aragón y a suya muller Sancha de Castiella presidindo a la Curia Rechia en una miniatura de zaguerías d'o sieglo XII.

O 18 de chinero de 1174 se casó en a Seu d'o Salvador de Zaragoza con o rei Alifonso II d'Aragón, sinyando diplomas dende alavez como regina Aragonie, comitissa Barcinone et marchissa Provincie. D'iste matrimonio naixioron:

• Pero II o Catolico (1174 - 1213), rei de Aragón y conte de Barcelona;
• Gonstanza (1179 - 1222), casata en 1198 con Emerico I d'Hongría y en 1210 con Frederico II Hohenstaufen, Sacro Emperador Romano Chermanico, Rei de Sicilia y Rei de Cherusalem;
• Alifonso (1180 - 1209), conte de Provenza, con o nombre d'Alifonso II;
• Alionor (1182 - 1226), casata en 1202 con Remón VI de Tolosa:
• Sancha (1186 - 1241), casata en 1211 con Remón VII de Tolosa;
• Sancho, muerto choven.
• Remón Berenguer, muerto choven.
• Ferrando (1190 - 1249), mosen y abat en Mont Aragón.
• Dulce (1192 - ¿?), moncha en o Monesterio de Sixena.

Bibliografía

• E.L. Miron, The Queens of Aragon: Their Lives and Times, Stanley Paul & Co, London (c1910).
• Serrano Coll, Marta, «Iconografía de género: los sellos de las reinas de Aragón en la Edad Media (siglos XII-XVI)», Emblemata, 12 (2006), págs. 15-52. ISSN 1137-1056
• Ubieto Arteta, Agustín, Documentos de Sigena, 1972, Anubar Ediciones.

Vinclos externos

• Se veigan as imáchens de Commons sobre Sancha de Castiella y Polonia.
• (es) Sancha de Castilla, Gran Enciclopedia Aragonesa.

• Datos: Q296003
• Multimedia: Sancha of Castile, Queen of Aragon / Q296003