Samson and Delilah (cinta de 1949)

Iste articlo ye sobre una cinta de cine epico relichioso estrenada l'anyo 1949; ta atros usos, se veiga Samson and Delilah y Samson and Delilah (cinta).

Samson and Delilah
Títol	Samson and Delilah
Póster d'a cinta.
Ficha tecnica
Dirección	Cecil B. DeMille
Aduyant de dirección	Edward Salven
Dirección artistica	Hans Dreier Walter H. Tyler John Meehan
Producción	Cecil B. DeMille
Guión adaptau	Jesse L. Lasky Jr. Fredric M. Frank Harold Lamb
Basau en	Samson the Nazirite, novela de Vladimir Jabotinsky (1927 Biblia (Libro d'os Chueces)
Musica	Victor Young
Soniu	John Cope Harry Lindgren
Fotografía	George Barnes
Montache	Anne Bauchens
Escenografía	Sam Comer Ray Moyer Maurice Goodman
Vestuario	Edith Head Dorothy Jeakins Elois Jenssen Gile Steele Gwen Wakeling
Maquillache	Wally Westmore Hal Lierley William Woods
Peluquería	Doris Clifford Nellie Manley Elaine Ramsey Lenore Weaver
Casting	Harvey Clermont Joe Egli Bill Greenwald Tish Morgan Edward R. Morse
Actors	Hedy Lamarr Victor Mature George Sanders Angela Lansbury Henry Wilcoxon Olive Deering Fay Holden Julia Faye Russ Tamblyn William Farnum Lane Chandler Moroni Olsen Francis McDonald Wee Willie Davis John Miljan Arthur Q. Bryan Laura Elliot Victor Varconi John Parrish Frank Wilcox Russell Hicks Boyd Davis Fritz Leiber Mike Mazurki Davison Clark George Reeves Pedro de Cordoba Frank Reicher Colin Tapley Charles Evans Harry Woods Gordon Richards
Color	Technicolor
Narrador	Cecil B. DeMille
Datos y cifras
País(es)	Estaus Unius
Anyo	1949
Estreno	21 d'aviento de 1949 Nueva York (Nueva York, Estaus Unius)
Chenero(s)	Cine epico Cine relichioso Cine historico
Durada	134 min.
Idioma(s)	Anglés
Companyías
Productora(s)	Paramount Pictures
Distribución	Paramount Pictures
Estudio(s)	Paramount Studios
Presupuesto	2,9-3,1 millons de dólars
Recauto	25,6 millons de dólars
Informacions en bases de datos especializadas:

Samson and Delilah (títol orichinal en anglés, en aragonés Sansón y Dalila, estrenada en Aragón con iste zaguer títol) ye una cinta de cine estausunidense de cine epico relichioso historico estrenada l'anyo 1949, dirichida por Cecil B. DeMille seguntes un guión adaptau por Jesse L. Lasky Jr., Fredric M. Frank y Harold Lamb (basau en Samson the Nazirite, una novela escrita por Vladimir Jabotinsky publicada en 1927, y en a Biblia, concretament en o Libro d'os Chueces), con una banda sonora orichinal de Victor Young, una dirección de fotografía de George Barnes, una producción cinematografica de Cecil B. DeMille ta la productora cinematografica Paramount Pictures y un elenco d'actors d'o cual en fan parte, entre d'atros, Hedy Lamarr, Victor Mature, George Sanders, Angela Lansbury, Henry Wilcoxon, Olive Deering, Fay Holden, Julia Faye, Russ Tamblyn, William Farnum, Lane Chandler, Moroni Olsen, Francis McDonald, Wee Willie Davis, John Miljan, Arthur Q. Bryan, Laura Elliot, Victor Varconi, John Parrish, Frank Wilcox, Russell Hicks, Boyd Davis, Fritz Leiber, Mike Mazurki, Davison Clark, George Reeves, Pedro de Cordoba, Frank Reicher, Colin Tapley, Charles Evans, Harry Woods y Gordon Richards.

Sansón ye un hebreu d'a tribu de Dan fillo d'Hazel-elponit, por qui su mai ha feito votos dende la suya naixencia. Ye comprometiu con una filistea clamada Semadar, y en o suyo banquet de voda pierde una apuesta por culpa de su muller, veyendo-se obligau a atacar a 30 filisteus ta obtener as suyas ropas y pagar a deuda. En pagar a deduda y tornar por Semadar, troba que lo pai d'a mesacha l'ha casau con un filisteu nomás marchar él y prencipia una baralla que omás conclui que con a muerte de Semadar y d'o suyo pai. Sansón, perseguiu, luita contra los filisteus y lo rei d'istos carga con impuestos a los danitas ta que traicionen a Sansón y istos lo entregan a los filisteus. Dalila, la chirmana de Semadar s'alegra, en veyer qe puet vengar-se, pero Sansón trenca las suyas cadenas y consigue redotar a los suyos captors. En consecuencia, Dalila proposa a lo rei filisteu un plan ta dar cantarias a Sansón y conseguir que li diga lo secreto d'a suya fuerza. O plan funciona y Dalila conoix que la suya fuerza se troba en no tallar mai o suyo cabello y Dalila lo li talla, deixando-lo en mans d'os filisteus. Ta neutralizar-lo de raso, lo rei filisteu fa encegar a Sansón y lo converte en un esclavo ta que faga treballos forzaus. Tanimientres, Dalila s'ha enamorau de Sansón y iste episodio la fa sentir duelo por él.

Samson and Delilah s'ambienta en o sieglo XI aC en as actuals Palestina y Israel, y las suyas escenas se filmoron en Bou Saâda (provincia de M'Sila) en Alcheria, en Moulay Idriss Zerhoun y lo sitio arqueolochico de Volubilis (rechión de Fès-Meknès) en Marruecos y en Lone Pine (California) en Estaus Unius, amás d'en os Paramount Studios en Los Angeles, tamién en California.

Se tracta d'una cinta con cuantos premios y nominacions, en destacando una nominación a lo Premio Globo d'Oro a la Millor Fotografía en Color en a ^ena edición d'os Premios Globos d'Oro; y dos Premios Oscar (Millor Dirección Artistica en Color ta los directors artiticos Hans Dreier y Walter H. Tyler y ta los escenografos Samuel M. Comer y Ray Moyer, y Millor Disenyo de Vestuario en Color) y tres nominacions (Millor Fotografía en Color, Millor Banda Sonora Orichinal de Drama y Millors Efectos Visuals) en a 23^ena edición d'os Premios Oscar.

Elenco

Actor	Papel	Notas
	'

Se veiga tamién

• Cine en 1949.
• Cintas de 1949.

Vinclos externos

• Se veigan as imáchens de Commons sobre Samson and Delilah.
• (en) Samson and Delilah en Internet Movie Database.
• (en) Samson and Delilah en l'American Film Institute Catalog de l'American Film Institute.
• (en) Samson and Delilah en TCM Movie.
• (en) Samson and Delilah en Rotten Tomatoes.

• Datos: Q426352
• Multimedia: Samson and Delilah (1949 film) / Q426352