Sambucus racemosa

Sambucus racemosa
Sambucus racemosa
Denominacions populars
sabuquero royo / sauquero royo, sabuquera montesina / samuquera montesina
Clasificación cientifica
Reino:	Plantae
Orden:	Dipsacales
Familia:	Adoxaceae
Chenero:	Sambucus
Especie:	S. racemosa
Descripción
Sambucus racemosa L.,

A sabuquero royo u sabuquera montesina (nombre cientifico Sambucus racemosa) ye una especie d'arbusto d'o chenero Sambucus y d'a familia Adoxaceae.

Descripción

Iste arbusto a sobén con aspecto d'árbol creixe dica os 2-6 metros d'altaria. Os tallos son tovos con un centro meduloso. Cada fuella individual ye formada por 5-7 foliclos pareixius a una fuella, cadagún d'os cuals tien 16 cm de largaria, lanceolaus a estreitament ovals y irregularment serraus a o largo d'os bordes. Os foliclos tienen una fuerta olor desagradable cuan se chafan.

A inflorescencia ye una panicula de forma vagament conica de cuantas cimas de botons florals que floreixen a partir d'os estremos d'as brancas. Os botons d'as flors son de color rosa cuan son zarraus, y as flors ubiertas son de color blanca, crema u amarillenco. Cada flor tien petalos chicoz y reganchaus y un eixe en forma de estrela blanca de cinco estámens apuntaus en anteras amariellas. As flors son fragants y las visitan colibrins y paixarelas. O fruito ye una drupa d'un brilant royo u a vegadas porpora contenindo de 3 a 5 simients.

Os fruitos son populars entre os muixons, que distribuyen as simients.

Propiedaz

Muitas partis d'ista planta son verenosas, s'han emplegau como un emetico tradicional.

S'ha sinyalau que os fruitos son seguros pa minchar cuando se cocinan; os cuals yeran gustaus por os gitxsan, una tribu indichena canadiense, en una variedat de recetas.

Referencias

• Datos: Q157276
• Multimedia: Sambucus racemosa / Q157276
• Especies: Sambucus racemosa