Río Ubangi

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Ubangi
Oubangui
O río Ubangi a man de Bangui
O río Ubangi a man de Bangui.
Administración
Estaus Republica Centroafricana
Republica Democratica d'o Congo
Republica d'o Congo
Territorios {{{territorios}}}
Cheografía
Longaria 2.272 km
Altaria d'o naixedero  m
Naixedero Unión d'os ríos Mbomou y Uele
Desembocadura Río Congo
Hidrolochía
Superficie d'a cuenca 754.830 km²
Cabal meyano 5.936 m³/s
Mapa

O río Ubangi ye un río africano, afluent d'o río Congo (en ye un d'os suyos afluents prencipals). O suyo naixedero ye en a unión d'os ríos Mbomou y Uele y a suya desembocadura ye en o río Congo, dimpués d'un recorrito d'una longaria de 2.272 km en trescruzando a Republica Centroafricana, a Republica Democratica d'o Congo y a Republica d'o Congo. Ista longaria ye calculata en sumar a o río o recorrito d'o suyo afluent o río Uele; dende a confluencia d'o Uele con o Mbomou, a suya longaria ye nomás de 1.120 km.

A superficie d'a suya cuenca hidrolochica ye de 754.830 km², y o suyo cabal en a confluencia con o río Congo ye de 5.936 /s.

Dende o suyo naixedero, o río marcha ta l'ueste 350 km, dimpués ya o sudueste, en trescruzando Bangui, a capital d'a Republica Centroafricana, y dimpués marcha ta o sud arredol de 500 km dica a suya confluencia con o río Congo. Dende o suyo naixedero dica bels 100 km dimpués de Bangui, o río Ubangi fa de muga entre a Republica Centroafricana y a Republica Democratica d'o Congo, ta dimpués estar a frontera entre iste segundo país y a Republica d'o Congo dica desauguar en o río Congo.

O río Ubangi ye navegable en o suyo curso baixo y meyo, dica Bangui, con linias regulars de transporte fluvial dende Brazzaville y Kinshasa, en o río Congo.

Vinclos externos[editar | modificar o codigo]