Rutan Voyager

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Rutan Voyager
Rutan Voyager
Datos chenerals
Tipo	Avión experimental
Fabricant	Rutan Aircraft Factory
Disenyador	Burt Rutan
Primer vuelo	22 de chunio de 1984
Periodo	1984-1987
Grandaria
Largaria	8,90 m
Altaria	3,10 m
Envergadura	33,80 m
Superficie alas	33,72 m²
Peso	4,3 t
Especificacions
Autonomía	40.212 km
Motor	Teledyne Continental O-240 (ant.) Teledyne Continental IOL-200 (post.)
Velocidat crucero	196 km/h
Altaria crucero	3.350 m
Uso
Estato	Retirau
Producción
Unidaz construyitas	1

O Rutan Model 76 Voyager estió un avión experimental disenyau por Burt Rutan y fabricau por a Rutan Aircraft Factory, estió o primer avión en volar arredol d'o mundo sin aturar-se ni repostar. Estió pilotau por Dick Rutan y Jeana Yeager. O vuelo desapegó d'a pista d'aterrizache de 4.600 m d'a Base d'a Fuerza Aeria Edwards en o desierto de Mojave o 14 d'aviento de 1986 y remató 9 días, 3 menutos y 44 segundos mas tardi o 23 d'aviento, establindo un récord de resistencia de vuelo. L'aeronau voló enta l'ueste 42.432 km (a distancia acreditada por a FAI ye 40.212 km) a una altitut promeyo de 3.350 m.

L'estructura de l'avión yera feita de fibra de veire, fibra de carbonio y Kevlar y pesaba 426 kg cuan yera vueda. Con os motors incluius, o peso sin carga de l'avión yera de 1020,6 kg. Manimenos, cuan yera completament cargau antis d'o vuelo historico, pesaba 4.397 kg a causa d'a cantidat de combustible requerida pa o vuelo de larga distancia. L'aeronau teneba helizes debanteras y zagueras, empentadas por motors separaus.