Run for the Sun

Run for the Sun
Títol	Run for the Sun
Póster d'a cinta.
Ficha tecnica
Dirección	Roy Boulting
Aduyant de dirección	Edward Killy
Dirección artistica	Alfred Ybarra
Producción	Robert Waterfield Harry Tatelman
Guión adaptau	Dudley Nichols Roy Boulting
Basau en	The Most Dangerous Game, una historia curta de Richard Connell (1924)
Musica	Fred Steiner
Soniu	Walter Elliott Terry Kellum
Fotografía	Joseph La Shelle
Montache	Frederic Knudtson
Vestuario	James H. Garlock
Maquillache	Harry Maret
Actors	Richard Widmark Trevor Howard Jane Greer Peter van Eyck
Color	Technicolor
Datos y cifras
País(es)	Estaus Unius
Anyo	1956
Estreno	27 de chulio de 1956 Nueva Orleans (Loisiana, Estaus Unius)
Chenero(s)	Cine d'intriga Cine d'aventuras
Durada	99 min.
Idioma(s)	Anglés Alemán Castellano
Companyías
Productora(s)	Russ-Field Corporation
Distribución	United Artists
Estudio(s)	Estudios Churubusco Azteca
Presupuesto	1,25 millons de dólars
Informacions en bases de datos especializadas:

Run for the Sun (títol orichinal en anglés, en aragonés Cursa por o sol, estrenada en Aragón con o títol en castellano d'Huída hacia el sol, en aragonés Fuyida enta lo sol) ye una cinta de cine estausunidense de cine d'intriga d'aventuras estrenada l'anyo 1956, dirichida por Roy Boulting seguntes un guión adaptau por Dudley Nichols y Roy Boulting (basau en The Most Dangerous Game, una historia curta de Richard Connell publicada en 1924), con una banda sonora orichinal de Fred Steiner, una dirección de fotografía de Joseph La Shelle, una producción cinematografica de Robert Waterfield y Harry Tatelman ta la productora cinematografica Russ-Field Corporation y un elenco d'o cual en fan parte, entre d'atros actors, Richard Widmark, Trevor Howard, Jane Greer y Peter van Eyck. Ya heba habiu dos adaptacions anteriors d'a obra en que se basa la cinta, The Most Dangerous Game (1932, Ernest B. Schoedsack y Irving Pichel), y A Game of Death (1945, Robert Wise), un "remake" de l'anterior.

Katie Connors ye una periodista estausunidense que plega en o lugarón de San Marcos en Mexico en busca de Mike Latimer, un novelista que cuan se trobaba en o millor momento d'a suya carrera como escritor desapareixió d'a vida publica. Latimer yera en San Marcos adedicando-se a la caza, la pesca y los vuelos en o suyo avión, y Connors se fa conoixer, amostrando Latimer intrés por ella, a la vegada que ella tamién poquet a poquet s'enamora, encara que contina amagando-li lo motivo d'a suya estada en o lugar. Cuan Latimer explica que lo motivo d'o suyo abandono fue que su muller, que yera la suya musa, l'abandonó por o suyo millor amigo, Connors decide tornar en Nueva York y Latimer li ufre levar-la en o suyo avión dica Ciudat de Mexico. Tanimientres, por un incident inesperau motivau por o bolso magnetizau de Connors, la bruixula de l'avión falla, se quedan sin combustible y s'estrelan en bel meyo d'a selva tropical. Latimer ha perdiu o sentiu y en despertar se troba en una cama, a on l'han levau os suyos salvadors, Browne, un anglés, Van Anders, un arqueologo neerlandés, y Jan, un atro europeu. Latimer descubre que viven sin contacto con o mundo exterior, que Browne poseye cans ta guardar o lugar con pretexto d'a caza y que mantienen dominada a la población nativa. Cuan Latimer marcha a veyer l'estau d'o suyo avión, troba que iste ha desapareixiu. A traviés d'as noticias en a radio, conoix que s'ha feito publica la suya desaparición y tamién conoix o motivo d'a visita de Connors, sentido-se enganyau. Y cuan dimpués troba restos d'o suyo avión amagaus y obchectos con simbolochía nazi, prencipia a sospeitar, dica que reconoix a voz de Browne, que no ye so que un britanico que heba traicionau a lo suyo país mientres a guerra y que feba emisions por radio dende lo Tercer Reich como propaganda contra los Aliaus, y que Van Anders no ye so que un nazi alemán que heba feito crímens de guerra. Cuan veyen quel'obchectivo d'os suyos captors ye matar-los u a lo menos mantener-los indefinidament secuestraus, Latimer prepara un plan ta fuyir.

A cinta s'ambienta en a suya epoca actual (1956) en Mexico y las suyas escenas se filmoron en Atlacomulco (estau de Mexico) y Acapulco de Juárez (estau de Guerrero) en Mexico, amás d'en os Estudios Churubusco Azteca en Ciudat de Mexico.

Elenco

Actor	Papel	Notas
	'

Se veiga tamién

• Cine en 1956.
• Cintas de 1956.

Vinclos externos

• (en) Run for the Sun en Internet Movie Database.
• (en) Run for the Sun en TCM Movie.

• Datos: Q3333593