Ir al contenido

Run Silent, Run Deep (cinta)

De Biquipedia
Iste articlo ye sobre una cinta estausunidense de cine belico de 1958; ta atros usos, se veiga Run Silent, Run Deep.
Run Silent, Run Deep
Títol Run Silent, Run Deep
Ficha tecnica
Dirección Robert Wise
Aduyant de dirección Emmett Emerson
Dirección artistica Edward Carrere
Producción Harold Hecht
Guión adaptau John Gay
Basau en Run Silent, Run Deep, novela d'Edward L. Beach, Jr. (1965)
Musica Franz Waxman
Soniu Fred Lau
Fotografía Russell Harlan
Montache George Boemler
Escenografía Ross Dowd
Maquillache Frank Prehoda
Robert J. Schiffer
Efectos especials Gerald Endler
Charles Schulthies
Actors Clark Gable
Burt Lancaster
Jack Warden
Brad Dexter
Don Rickles
Nick Cravat
Joe Maross
Mary LaRoche
Eddie Foy III
Rudy Bond
H.M. Wynant
John Gibson
Color Blanco y negro
Datos y cifras
País(es) Estaus Unius
Anyo 1958
Estreno 27 de marzo de 1958 Estaus Unius[1]
Chenero(s) Cine de drama
Cine belico
Durada 93 min.
Idioma(s) Anglés
Chaponés
Companyías
Productora(s) Hecht-Hill-Lancaster Productions
Jeffrey Productions
Distribución United Artists
Estudio(s) Samuel Goldwyn Studios
Recauto 2,5 millons de dólars
Informacions en bases de datos especializadas:

Run Silent, Run Deep (títol orichinal en anglés, en aragonés Corre cutio, corre somordo, estrenada en Aragón con o títol de Torpedo) ye una cinta de cine estausunidense de cine de drama belico estrenada l'anyo 1958, dirichida por Robert Wise seguntes un guión adaptau por John Gay (basau en a novela Run Silent, Run Deep que heba publicau Edward L. Beach, Jr. l'anyo 1965), con una banda sonora orichinal de Franz Waxman, una dirección de fotografía de Russell Harlan y una producción cinematografica de Harold Hecht ta las productoras Hecht-Hill-Lancaster Productions y Jeffrey Productions. De l'elenco d'a cinta en fan parte, entre d'atros actors, Clark Gable, Burt Lancaster, Jack Warden, Brad Dexter, Don Rickles, Nick Cravat, Joe Maross, Mary LaRoche, Eddie Foy III, Rudy Bond, H.M. Wynant y John Gibson.

P.J. Richardson ye un comandant de submarinos d'a United States Navy mientres a Segunda Guerra Mundial que ye decidiu a vengar-se d'un destructor d'a Marina Imperial Chaponesa, l'Akikaze, y d'o suyo capitán, apodau ""Bungo Pete", que heban fundiu cuatre submarinos estausunidenses en a canal de Bungo que desepara las islas chaponesas de Kyushu y Shikoku, porque un d'ixos cuatre submarinos yera lo suyo. Consigue que li concedan un nuevo mando, pero con a condición de que lo suyo oficial executivo sía experimentau y activo y vienga de fer una patrulla submarina. Li dan o submarino USS Nerka y entrena terne wue terne a la suya nueva tripulación ta tornar en a canal de Bungo, encara que li han prohibiu expresament que en ista misió i penetre. O suyo oficial executivo, lo tenient Jim Bledsoe, ye preocupau por a seguredat d'a tripulación y amás ye resentiu porque él aspiraba a lomando d'o submarino y li han negau. Bien luego Jim Bledsoe y la tripulación paran cuenta de que les son entrenando ta luitar en a canal de Bungo contravenendo las órdens recibidas. O capitán ordena no atacar bels blancos claros en amanar-se a la canal pero cuan finalment i dentran y atacan a lo destructor y funden un barco mercant son atacaus con cargas de fondaria y los chaponeses los consideran fundius. Como Richardson ha quedau esturdiu en l'ataque, Bledsoe prene lo mando y ordena tornar enta Pearl Harbor. Pero cuan son de camín, Bledsoe escuita una emisión de radio chaponesa a on presumen d'haber fundiu o submarino y mesmo dan o nombre de bel uns d'os suyos tripulants, y para cuenta de que los heban descubierto por as restas d'a vasuera que deixaban y que como los creyen destruyius pueden tornar-ie con una mica d'immunidat. Cuan y dentran y funden a lo destructor, son atacaus una atra vegada como ya l'heban estau en l'anterior dentrada por un torpedo y Richardson, que ya s'ha recuperau, para cuenta de que en a canal de Bungo actúan coordinadament o destructor que ya conoixeban pero tamién un submarino chaponés y que ixa yera la causa d'a gran efectividat d'os chaponeses en a canal.

A cinta s'ambienta en bel momento indeterminau d'os anyos 1940 mientres a Segunda Guerra Mundial en Hawaii y en l'oceano Pacifico y las suyas escenas se filmoron en San Diego y atros puestos en California, amás d'en os Samuel Goldwyn Studios en West Hollywood, tamién en California.[2]

Ye una cinta que ha recibiu bella nominación a bel premio, encara que no perteneixent a garra premio d'os mas conoixius u destacaus.

Actor Papel Notas
'

Se veiga tamién

[editar | modificar o codigo]

Referencias

[editar | modificar o codigo]

Vinclos externos

[editar | modificar o codigo]
Obteniu de "https://an.wikipedia.org/w/index.php?title=Run_Silent,_Run_Deep_(cinta)&oldid=2327690"