Rosa Sierra

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Rosa Sierra
Información personal
Naixencia	1944 Balbastro
Esporte	Atletismo
Profesional en	Atleta.
- Récord d'Espanya de 400 metros lisos (1964). - Récord d'Aragón de 400 metros lisos.

María Rosa Sierra Girón, conoixitia esportivament como Rosa Sierra u Rosita Sierra y naixita de Balbastro en 1944, ye una atleta aragonesa especializata en prebas de velocidat y medio fundo que estió campiona d'Espanya en a preba de 400 metros lisos en a edición de 1964, estando a primera atleta aragonesa en ser campiona d'Espanya en una preba d'atletismo.

Principió a practicar atletismo en Monzón con atras zagalas en a pista d'atletismo de 286 metros de cuerda habilitata en o campo de fútbol de L'Arboleda, os suyos equipos estioron o CA Monzón y CE Universitari o o suyo unique entrenador Ernesto Bribián pioner y gran impulsor d'a practica de l'atletismo en ixa localidat. Rosita, chunto a atras aragonesas como as zaragozanas Blanca Miret y María Luisa Orobia fuoron bellas d'as prencipals figuras d'a tornada de l'atletismo femenín en Aragón y Espanya dimpués d'a prohibición d'a practica esportiva femenina d'o rechimen de Franco. Rosa consiguió un total de siet medallas en os campionatos d'Espanya en os que partecipó, en a edición de 1963 dos medallas una d'archent en 100 metros lisos y unatra de bronce en 200, en a edición de 1964 una d'oro en 400 metros lisos, en 1965 y 1966 medalla archent en cadaguna d'as edicions en 400 m.lisos, y en 1967 y 1968 una medalla de bronce en cada edición tamién en 400 metros lisos. Tamién cal destacar dos victorias en a Cursa Jean Bouin de Barcelona en as edicions de 1965 y 1967.

Compitió con o CA Monzón y o suyo zaguer anyo con a sección d'atletismo d'o CE Universitari de Barcelona, a suya retirada esportiva fue prematura con 26 anyos cuan se trasladó ta Barcelona a vivir y no podió compatibilizar os entrenamientos con o treballo. Ye tía de l'atleta olimpico Javier Moracho.

Palmarés

Campionatos d'Espanya

• 100 metros lisos:
  • Tercera en 1963.
• 200 metros lisos:
  • Subcampiona en 1963.
• 400 metros lisos:
  • Campiona 1964.
  • Subcampiona en 1965 y 1966.

Cursa Jean Bouin.

• Ganadora en as edicions de 1965 y 1968

Vinclos externos

• (es) La reina del Monzón.

Campionatos d'Espanya
Predecesora: Emilia Trepat (FAEGE) (300 metros)	Campiona d'Espanya de 400 metros lisos 1964	Succesora: Celestina Gómez
Récords d'Espanya
Predecesora: Ana María Gibert (CE Universitari)	Récord d'Espanya de 400 metros lisos 28 de chunio de 1964 - 7 de chulio de 1964	Succesora: Ana María Gibert (CE Universitari)
Predecesora: Ana María Gibert (CE Universitari)	Récord d'Espanya de 400 metros lisos 16 d'agosto de 1964 - 13 de setiembre de 1964	Succesora: María Aranzazu Vega (Real Sociedad)
Récords d'Aragón
Predecesora: ?	Récord d'Aragón de 400 metros lisos ? - ?	Succesora: ?

• Datos: Q65394215