Rosa María Sardà

Rosa María Sardà
L'actriz Rosa María Sardà mientres o rodache de Rateta, rateta (1990).
Información personal
Nombre real	Rosa Maria Sardà Tàmaro
Calendata naiximiento:	30 de chulio de 1941
Puesto naiximiento:	Barcelona (Catalunya, Espanya)
Calendata muerte:	11 de chunio de 2020
Puesto muerte:	Barcelona (Catalunya, Espanya)
Ocupación:	Actriz, presentadora de televisión y directora teatral
Conchuche:	Josep Maria Mainat (1970-2002)
Fillos:	Pol Mainat
Premios Goya
Premio Goya a la Millor Actriz Segundaria: -1994: por ¿Por qué lo llaman amor cuando quieren decir sexo? -2002: por Sin vergüenza -1999: Nominada por La niña de tus ojos
Premios d'o Cine Europeu
Premio Jameson d'o Publico d'os Premios d'o Cine Europeu a la Millor Actriz: -2001: Nominada por Anita no pierde el tren

Rosa Maria Sardà Tàmaro, conoixida por o suyo nombre artistico de Rosa Maria Sardà, naixida de Barcelona (Catalunya, Espanya) lo 30 de chulio de 1941 y muerta en ixa mesma ciudat por un cáncer linfatico l'11 de chunio de 2020, estió una actriz, presentadora de televisión y directora teatral catalana, activa en o teatro, la televisión y lo cine espanyols dende finals d'os anyos 1960 dica la suya muerte, y con cuantos premios y nominacions recibius mientres a suya carrera artistica. Yera chirmana d'o periodista Javier Sardà y ye la mai de l'actor Pol Mainat, naixiu d'o suyo matrimonio con Josep Maria Mainat, un d'os components d'o grupo musical La Trinca.

D'entre la suya filmografía, pueden mencionar-se bellas cintas a on i actuó, como El certificado (1970, Vicente Lluch Tamarit), El vicari d'Olot (1981, Ventura Pons), ¿Por qué lo llaman amor cuando quieren decir sexo? (1993, Manuel Gómez Pereira), El efecto mariposa (1995, Fernando Colomo), Siempre hay un camino a la derecha (1997, José Luis García Sánchez), La niña de tus ojos (1998, Fernando Trueba), Todo sobre mi madre (1999, Pedro Almodóvar), El viaje de Carol (2002, Imanol Uribe), Te doy mis ojos (2003, Icíar Bollaín), La vida empieza hoy (2010, Laura Mañá), u Ocho apellidos catalanes (2015, Emilio Martínez-Lázaro).

Premios

Premios Goya

L'actriz recibió un Premio Goya a la Millor Actriz Segundaria en 1994 mientres a 8^ena edición d'os Premios Goya por o suyo papel de "Sole" en ¿Por qué lo llaman amor cuando quieren decir sexo?, dirichida por Manuel Gómez Pereira.

En ista mesma categoría recibió un segundo Premio Goya en 2002 mientres a 16^ena edición por a suya interpretación en Sin vergüenza, una cinta dirichida por Joaquín Oristrell.

Finalment, tamién en ista mesma categoría fue nominada en 1999 mientres a 13^ena edición d'os premios por a suya actuación en La niña de tus ojos, dirichida por Fernando Trueba.

Premios d'o Cine Europeu

En l'anyo 2001, mientres a 14^ena edición d'os Premios d'o Cine Europeu, Rosa María Sardà recibió una nominación a lo Premio Jameson d'o Publico d'os Premios d'o Cine Europeu a la Millor Actriz por o suyo papel en a cinta Anita no pierde el tren, dirichida por Ventura Pons

Filmografía

Cintas

Anyo	Títol d'a cinta	Director	Banda sonora	Elenco	Atros
[[]]	[[]]	[[]]	[[]]	[[]]

Series de televisión

Serie	Anyo	Episodio	Director	Elenco	Atros
[[]]	[[]]	[[]]	[[]]	[[]]

Se veiga tamién

Cintas interpretadas por Rosa María Sardà.

Vinclos externos

• Se veigan as imáchens de Commons sobre Rosa María Sardà.
• (en) Rosa María Sardà en Internet Movie Database.

• Datos: Q272435
• Multimedia: Rosa Maria Sardà / Q272435